हितोपदेस 13:7 - Sunuwar Bible

⁷ का निक्‍शी मुर प्रुङग बाक्‍शा यो “क्‍येट थीब नङ” देंखु पाइनीम। का निक्‍शी मुर चहिं क्‍येट थीब बाक्‍शा यो “प्रुङग नङ” देंखु पाइनीम। प्रकाश २:९; प्रकाश ३:१७

हितोपदेस 13:7 ပူးပေါင်းရင်းမြစ်များ

हितोपदेस 11:24

का निक्‍शी मुरुम शुश गेनीम हना यो, आन शोंप मेको क्‍येङा बारब। का निक्‍शी चहिं आन गेचा माल्‍शो मगेथु, प्रुङग दुम्‍नीम। मत्ती २५:२९; २कोरिन्‍थी ९:६

हितोपदेस 12:9

“ठेयब मुर नङ” देंखु पा जचा मताइब मुर दुम्‍चा क्‍येङा महिक्‍सीशो दुम्‍शा, वाइल का बाक्‍‍‍शो रिम्‍शो बाक्‍ब।

हितोपदेस 13:11

मरिम्‍शो पा चेम्‍शो शोंप नुप्‍शा लाइब। तन्‍न इच्‍का इच्‍का पा चेम्‍शो शोंप बारना बारन लाइब।

हितोपदेस 13:8

शुश शोंप बाक्‍शो मुरुमी आंम कली प्रोंइने चाप्‍ब। तन्‍न प्रुङगपुकी हिंच कोंइचा मपुंइसीनीम।

लूका 12:20

मिनु परमप्रभु यावेमी मेको कली ‘गे मूर्ख नवे। मारदे हना मुलाक्‍दो बेक्‍नेवे। मिनु इ खुप्‍शा उप्‍शो शोंप सुम जाइबा?’ दे मदा बाक्‍त।

लूका 12:21

परमप्रभु यावे कली ममिम्‍थु, शोंप ला मिम्‍ब मुर नेल्‍ल मोदेंशो दुम्‍नीम” दे शेंदीमी बाक्‍त। मत्ती ६:२०

लूका 12:33

इन के बाक्‍शो लेयशा, मथीब आन कली योक्‍शा गेने। मो पनीनु, स्‍वर्गम इन शोंप लीब। मिनु मेको मोपा वोइश्‍शो शोंप खुइमी खुइ पने मचाप्‍नीम, खिया मजोइब मराक्‍ब, गेनायो मजाम्‍ब। लूका १८:२२

१ कोरिन्‍थी 4:8

मुल गे इन माल्‍शो नेल्‍ल ताइतीनी। शुश क्‍येट थीब दुम्‍तीनी। शेंब, आंइ कली हिल्‍लो मपथु, मुर आन कली हुकुम पाइतीनी। गे रिम्‍शो हुकुम पाइतीनी हना, गो यो गे नु गेय पाइब दुम्‍शो, रिम्‍शो दुम वा। प्रकाश ३:१७; प्रकाश ३:२१

२ कोरिन्‍थी 4:7

मेको ठेयब सक्ति परमप्रभु यावे के बाक्‍ब, दे कोंइचा कली मेको छेङछेङ खप के गर गो आंइ रां आगाम बाक्‍ब। १कोरिन्‍थी ४:११-१३; २कोरिन्‍थी ११:२३-२७

२ कोरिन्‍थी 6:10

सुर्ता पशो, तन्‍न गेना हना यो ग्‍येरसीशो बाक्‍नीकी। प्रुङग दुम्‍शो, तन्‍न शुश आन कली शोंप सेल्‍नीकी। मारेइ मथीब दुम्‍शो, तन्‍न मारेइ मारेइमी गाप्‍शो बाक्‍नीकी। फिलिप्‍पी ४:१२-१३

याकूब 2:5

आं लोक्‍बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्‍ल, दे मयोव़ङा ङा? मिनु परमप्रभु यावे कली दाक्‍ब नेल्‍ल आ राज्‍य ओव़चा ताइनीम मदेंम ङा? १कोरिन्‍थी १:२६; १कोरिन्‍थी ११:२२; लूका १२:२१

२ पत्रुस 2:19

मेकोपुकीमी “गे पाप रे प्रोंइशो मुर बाक्‍नीनी” दे लोव़ पाइनीम। तन्‍न ग्रांग्रा दिचा ङा गेय आन वाइल बाक्‍नीम। मार मारमी मुर आन कली ग्राबा, मेको आन वाइल दुम्‍नीम। गलाती ५:१३; १पत्रुस २:१६

प्रकाश 2:9

मेकोमी “गो इन श्‍येत जशो तुइक्‍नुङ। गे थमा पा प्रुङग बाक्‍नीनी, दे गो तुइक्‍नुङ। तन्‍न गे इन थुंम शोंप पाइश्‍शो बाक्‍नीनी, दे यो तुइक्‍नुङ। मरिम्‍शो लोव़ पाइब सु सु नमी देंशा हना ‘यहूदी नकी’ देंखु पाइबपुकी सैतानमी शेंशो मुर नम। याकूब २:५; प्रकाश ३:९

प्रकाश 3:17

मिनु गेपुकीमी ‘आंइ के शुश शोंप बाक्‍ब। गो शोंप पाइश्‍शो नकी। गो मारेइ ममाल्‍नीकी’ देंनीनी। तन्‍न गो इन कली श्‍येत जाइब नु प्रुङग, मिक्‍च मताइब नु हेरा शिश्रा गाक्‍शा पुंइब खोदेंशो दुम्‍शो ताता। १कोरिन्‍थी ३:१८; १कोरिन्‍थी ४:८