हितोपदेस 13:3 - Sunuwar Bible

³ मिम्‍शा लोव़ पाइब मुरुम आंम कली ब्रोंइपाइक्‍नीम। तन्‍न ममिम्‍थु ब्‍वाक्‍बपुकीमी आंम कली खतम सेल्‍नीम। हितोपदेस १२:१८; हितोपदेस २१:२३

हितोपदेस 13:3 ပူးပေါင်းရင်းမြစ်များ

भजन संग्रह 141:3

परमप्रभु यावे, आं शोव़मी खाल पाइब का वोतीन। आं कली मरिम्‍शो लोव़ पचा मगेयीनी। भजन संग्रह ३९:२; याकूब ३:५-६

भजन संग्रह 34:13

मेको मरिम्‍शो लोव़ नु जोल पतीके रे ङोन बाक्‍चा माल्‍नीम।

भजन संग्रह 39:1

मिनु गो “गो आं गेय नेल्‍ल होस पा पाइक्‍नुङ। गो लोव़ पचा यो होस पा पाइक्‍नुङ। मरिम्‍शो पाइबपुकी आं नेक्‍था बाक्‍तेक्‍म हना, गो सिक्‍सी पा बाक्‍नुङ” देंती।

हितोपदेस 10:14

जोक्‍ब तुइक्‍ब मुर नु जोक्‍तीक बाक्‍ब। तन्‍न हेंथे लोव़ पाइब मूर्खमी खतम दुम्‍तीक चाक्‍ब।

हितोपदेस 10:19

शुश लोव़ पाइब मुरपुकीमी शुश गल्‍ती पाइनीम। होस पाइब मुर शुश मब्‍वाक्‍नीम।

हितोपदेस 10:8

जोक्‍ब तुइक्‍ब थुं पाइश्‍शो मुरुमी शेंशो लोव़ टीब। तन्‍न हेंथे लोव़ पाइब मूर्ख खतम दुम्‍ब।

हितोपदेस 12:13

मरिम्‍शो पाइब मुर आंम मरिम्‍शो लोव़मी ग्‍याइक्‍चा पुंइसीनीम। तन्‍न ठीक पाइब मुर श्‍येत रे ब्रोंइचा ताइनीम।

हितोपदेस 13:4

अल्‍सेपुकी वाल्‍नीमी। मिनु मारेइ मताइनीम। तन्‍न शुश गेय पाइब मुरपुकीमी मारेइ मारेइ ताइनीम।

हितोपदेस 14:3

मूर्ख आन लोव़मी आंम आन कली तेप्‍ब। तन्‍न जोक्‍ब तुइक्‍ब मुर आन लोव़मी मेको आन कली कोव़ब।

हितोपदेस 18:21

मुर आन लोव़मी बेक्‍तीक नु ब्रोंइतीक बाक्‍ब। तेको कली दाक्‍नीनी, मेको आ ततीक ताइनीनी।

हितोपदेस 18:7

मूर्ख आ लोव़ पतीकेमी आंमान खतम दुम्‍ब। आ लोव़मी मेको कली साइक्‍ब।

हितोपदेस 20:19

लोव़ क्‍याल्‍ब मुरुमी ख्रुइश्‍शा पशो लोव़ यो फ्राइब। मोपतीके शुश लोव़ पाइब मुर नु वारच मदुमो।

हितोपदेस 21:23

सुमी मिम्‍शा ठीक लोव़ पाइबा, मेकोमी आंम कली श्‍येत रे प्रोंइब। हितोपदेस १३:३

याकूब 1:26

सुमी “गो थमा सुइक्‍ब नङ” दे मिम्‍बा, तन्‍न हेंथे ब्‍वाक्‍बा, मेको मुर जोल पाइब बाक्‍ब। मिनु आ थमा सुइक्‍तीके मोशा दुम्‍ब। १पत्रुस ३:१०

न्‍यायाधीस 16:11

मिनु सिम्‍सोनमी “आं कली नक मारेइ यो मफ्रेंशो डोरीमी फ्रेंताक्‍यीमी हना, अरु मुर खोदेंशो दुम्‍नुङ” देंमाक्‍त।

न्‍यायाधीस 16:17

मोपतीके सिम्‍सोनमी आ ख्रुइश्‍शो थमा लोव़ मेको कली शेंदा बाक्‍त। मेकोमी “मुल सम्‍म आं चां मप्रेक्‍शो बाक्‍ब। मारदे हना गो जरमेसी ङा रे परमप्रभु आ योव़शो नाजिरी का नङ। आं चां प्रेक्‍तेक्‍म हना, आं बोल लाइब। मिनु गो अरु मुर खोदेंशो पा बोल मपाइश्‍शो दुम्‍नुङ” देंमाक्‍त। न्‍यायाधीस १३:५