हितोपदेस 13:25 - Sunuwar Bible

²⁵ ठीक पाइबमी रूत्री जचा ताइनीम। तन्‍न परमप्रभु यावे आ अरेशो मटीब शोव़लुन बाक्‍चा माल्‍नीम।

हितोपदेस 13:25 ပူးပေါင်းရင်းမြစ်များ

भजन संग्रह 103:5

मेकोमी इ ब्रोंइतीक नाक्‍त नेल्‍ल इ माल्‍शो खाप्‍शा गेब। मिनु इ ब्रोंइतीके ककाकुली के खोदेंशो पा लेंशा ठिटा सेल्‍ब। यसैया ४०:३१

भजन संग्रह 132:15

मिनु गो मेकेर ङा मुर आन कली शुश जचा तूचा गेशा, आसीक गेनुङमी। प्रुङग आन कली रूथ्री जचा गेनुङमी।

भजन संग्रह 34:10

शुश क्‍येट थीब आन तमी तौ जचा ब्‍वचा मतथु, शोव़लु बेक्‍नीम। तन्‍न परमप्रभु यावे कली माल्‍ब मारेइ मारेइम गाप्‍शो बाक्‍नीम। लूका १:५३

भजन संग्रह 37:16

परमप्रभु आ अरेशो मटीब आन शुश शोंप क्‍येङा ठीक पाइब आन इच्‍का खोइ शोंप रिम्‍शो बाक्‍ब। हितोपदेस १५:१६

भजन संग्रह 37:3

परमप्रभु यावे कली जिम्‍मा गेंसीशा, रिम्‍शो पने। रागीम रिम्‍शो दुम्‍शा बाक्‍चा ताइनीनी।

हितोपदेस 10:3

परमप्रभु यावेमी ठीक पाइब मुर आन कली शोव़लु बेक्‍पाइश्‍शा मवोइक्‍ब। तन्‍न आ अरेशो मटीब आन कली आन जत दाक्‍शो मगेब। भजन संग्रह ३७:१९,२५

हितोपदेस 13:18

सुमी अर्ती मनेंबा, मेको प्रुङग नु सुइम मदाक्‍शो मुर दुम्‍ब। तन्‍न हुइश्‍शो नेंब मुरुम मान ताइब।

हितोपदेस 24:34

प्रुङग दुम्‍तीके नु श्‍येत जतीके या कुरब मुर खोदेंशो पा रीब पा मेको मुर तारी जाक्‍ब, दे रुप्‍ता।

हितोपदेस 6:11

प्रुङग दुम्‍तीके खुइ खोदेंशो पा जाक्‍ब। इन मार मार माल्‍तीके या कुरशो लडाइ पाइब खोदेंशो पा जाक्‍ब।

लूका 15:14

मिनु मेको रागीमी अन्‍काल दुम्‍माक्‍त। मिनु कान्‍छामी श्‍येत जवा बाक्‍त।

ब्‍यवस्‍था 28:48

मोपतीके परमप्रभु यावेमी इन कली जोरी सत्रु सोइक्‍ब। गेपुकी शोव़लु बेक्‍शा नु तूतू दाक्‍ना दाक्‍न, फेक्‍चा मतथु नु मारेइ मगाप्‍शो दुम्‍शा, मेको आन गेय पचा माल्‍नीनी। मिनु मेकोमी इन कली मक्‍याम्‍दमे सम्‍म फलम के हलो इन तारी वोइक्‍नीम। येरमीया २८:१३-१४

ब्‍यवस्‍था 32:24

बेक्‍चा ङा शोव़लु, शुश नाप्‍शो जोरो, मुर कली साइक्‍ब रोइ नु मेको आन कली ब्रुप्‍शा ब्‍वाइब जन्‍तुपुकी नु खपीम ग्रे‍शा गाक्‍ब बीस पाइश्‍शो बुस्‍सपुकी सोइक्‍नुङ।

२ थिस्‍सलोनिकी 3:10

गोपुकीमी “सुमी गेय मपाइबा, मेकोमी जचा मतवल” दे ङोंइती रे गेपुकी नु बाक्‍शा देंतक।

१ तिमोथी 4:8

रां कली रिम्‍शो पतीके इच्‍का ला रिम्‍शो बाक्‍ब। परमप्रभु यावे कली मिम्‍शा दाक्‍तीके नेल्‍ल क्‍येङा रिम्‍शो बाक्‍ब। मारदे हना मुल कली रिम्‍शो बाक्‍ब नु गेना हना यो परमप्रभु यावे नु बाक्‍चा कली नोले यो रिम्‍शो बाक्‍ब। १तिमोथी ६:६

हिब्रू 13:5

क्‍येट चेम्‍चा गे इन थुं महिरदीने। गेपुकी नु मार मार बाक्‍मा, मेको मोशोमीन इन थुं नाइश्‍शा बाक्‍कीन। मारदे हना मेकोमी “गे नु बाक्‍नुङ, मिनु गेनायो मप्रोंइनन” देंब। यहोसु १:५; १तिमोथी ६:६