हितोपदेस 13:2 - Sunuwar Bible

² आन लोव़म पतीके मुरपुकीम मारेइ मारेइ रिम्‍शो ताइनीम। तन्‍न थमा मसुइक्‍चा ङा मुरपुकी दूली पचा ला दाक्‍नीम।

हितोपदेस 13:2 ပူးပေါင်းရင်းမြစ်များ

भजन संग्रह 140:11

मुर आन पर्बम जोल पाइब रागीम मदुम्‍मल। हुश ख्राक्‍श पोक्‍बपुकी रीब पा खतम दुम्‍मल।

भजन संग्रह 75:8

परमप्रभु यावे आ गुइमी बोटको का बाक्‍ब। मेकेर मार मार सुप्‍शो बोग्‍यो बोक्‍शो अङगुर शांबु बाक्‍ब। परमप्रभुमी मेको तूचा गेब। मिनु रागी रागी ङा आ अरेशो मटीबपुकीमी मेको तूचा माल्‍नीम। भजन संग्रह ६०:५; येरमीया २५:१५-१६

हितोपदेस 1:18

मेको मुरपुकी साइक्‍चा पुंइसीचा कली बाप्‍शो बाक्‍नीम। आंमान खतम दुम्‍चा कली बाप्‍शा बाक्‍नीम।

हितोपदेस 1:31

मेकोपुकीमी आन आन पशो मरिम्‍शो गेय आन इनाम तचा माल्‍नीम। मिनु आन आन मरिम्‍शो पतीकेमी ब्रीमल।

हितोपदेस 10:11

ठीक पाइब मुर आन लोव़ पतीकेमी ब्रोंइनीम। तन्‍न परमप्रभु यावे आ अरेशो मटीब आंम आन लोव़ पतीकेमी खतम दुम्‍नीम।

हितोपदेस 11:23

ठीक पाइब मुर आन दाक्‍शो थमा पा ताइनीम। परमप्रभु यावे आ अरेशो मटीबम गाइक्‍पाइक्‍नीम।

हितोपदेस 12:14

मुरपुकी आंम लोव़म पतीके मान ताइनीम। मिनु गेय पाइब मुरपुकीमी आन गेय ङा इनाम ताइनीमी। हितोपदेस १८:२०

हितोपदेस 18:20

मुर आन लोव़मी ब्रोंइनीम। मेको आन रिम्‍शो लोव़ पशोमी जचा ताइनीम। हितोपदेस १२:१४

हितोपदेस 18:21

मुर आन लोव़मी बेक्‍तीक नु ब्रोंइतीक बाक्‍ब। तेको कली दाक्‍नीनी, मेको आ ततीक ताइनीनी।

हितोपदेस 4:17

परमप्रभु यावे आ अरेशो मटितीके मेको आन जचा थोव़क खोदेंशो बाक्‍ब। हुश ख्राक्‍श पोक्‍तीके आन तूचा थोव़क खोदेंशो बाक्‍ब।

होसे 10:13

तन्‍न गेपुकी परमप्रभु यावेमी अरेशो मटितीकेम ग्रुम्‍शा बाक्‍तीनी। मिनु ठीक मदुम्‍तीके खुप्‍शा बाक्‍तीनी। गेपुकी जोल आ फल जाइब बाक्‍तीनी। मारदे हना गे आंम बोल नु इन लडाइ पाइब आन कली थमा सुइक्‍तीनी। अय्‍युब ४:८

हबकुक 2:17

गे लेबानोन ङा ठेयब रवा नेल्‍ल तिम्‍तीवी। मेकेर ङा ब्‍वाकी ङा जन्‍तु नेल्‍ल आन कली मरिम्‍शो पाप्‍तीवी। मेको इ मरिम्‍शो पतीके क्‍येक्‍क लेत्‍चा पुंइसीब दुम्‍नेवे। मारदे हना गे मुर आन कली हुश ख्राक्‍श पोक्‍तीवी। मिनु रागी, सहरपुकी नु मेकेर बाक्‍ब मुर नेल्‍ल आन कली खतम सेल्‍तीवी” देंत।

हबकुक 2:8

मारदे हना गे रागी रागी ङा शुश मुर आन शोंप रोइक्‍ताक्‍नी। मुल चहिं इ साइक्‍तीक रे ब्रोंइशोपुकीमी इ के बाक्‍शो नेल्‍ल रोइक्‍नीम। गे मुर आन कली हुश ख्राक्‍श पोक्‍तीवी। गे रागी, सहरपुकी नु मेकेर बाक्‍ब मुर नेल्‍ल आन कली खतम सेल्‍तीवी” देंत। हबकुक २:१७

प्रकाश 16:6

रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता।