हितोपदेस 13:16 - Sunuwar Bible

¹⁶ जोक्‍ब तुइक्‍ब मुरुमी निप्‍स खाप्‍शा नेल्‍ल गेय पाइब। तन्‍न मूर्खमी आंम मूर्ख दुम्‍तीके कोंइब।

हितोपदेस 13:16 ပူးပေါင်းရင်းမြစ်များ

भजन संग्रह 112:5

हाइश्‍शो दुम्‍शा, गेब मुर आन कली रिम्‍शो दुम्‍ब। मेकोपुकीमी आन गेय ठीक पतीकेमी पाइनीम।

हितोपदेस 14:33

रुप्‍ब मुर नु तुइक्‍तीक बाक्‍ब। तन्‍न मूर्ख आन थुंमी तुइक्‍तीक मथिंसीब।

हितोपदेस 15:2

जोक्‍ब तुइक्‍ब मुरपुकीमी लोव़ पाम्‍तेक्‍म हना, नेंबपुकी जोक्‍ब दुम्‍चा दाक्‍नीम। तन्‍न मूर्ख आन लोव़ शोर गाक्‍शो बाक्‍ब।

हितोपदेस 18:2

मूर्खमी मारेइ लोव़ रुप्‍चा थुं मपाइब। तन्‍न “गो जोक्‍नुङ” दे आ मिम्‍शो लोव़ ला पाइब।

हितोपदेस 21:24

ठेयब लेश्‍शो, बोरशो मुर आ नें शुक्‍शी पाइब बाक्‍ब। मेकोमी ठेयब लेश्‍शो नु बोरशो गेय ला पाइब।

उपदेसक 10:13

मेकोमी ङोंइती मूर्ख लोव़ पाइब। मिनु नोले बौला नु निप्‍स ग्‍यशो लोव़ पाइब।

उपदेसक 10:3

मूर्ख मुर लांम गाक्‍मेनु, मारेइ ममिम्‍ब। मिनु नेल्‍ल आन कली आ मूर्ख दुम्‍तीके कोंइब।

यसैया 52:13

कोव़ङीन, आं गेय पाइबम ग्राना ग्रान गाक्‍ब। मेको मान पा ठेयब सेल्‍चा पुंइसीशा, थम ठेयब दुम्‍ब।

मत्ती 10:16

भेडा आन कली फर आन दातेम सोइश्‍शो खोदेंशो पा सोइक्‍नन्‍नी। बुस्‍स खोदेंशो पा निप्‍स पाइश्‍शो दुमीने। मिनु परवा खोदेंशो दुम्‍शा, सुइ कली मरिम्‍शो मपने। लूका १०:३; रोमी १६:१९; एफिसी ५:१५

रोमी 16:19

गे शेंतीक लोव़ नेंशा, टीब मुर ननी, दे नेल्‍लेमी तुइक्‍ताक्‍मे। एको नेंशा, गो ग्‍येरसाक्‍यी। तन्‍न रिम्‍शो गेय मरिम्‍शो गेय, थमा शेंतीक दूली शेंतीक, थमा नु जोल तुइक्‍ब दुमीने, देंनुङ। मोपतीके ब्रेक्‍शा, शुश शेंताक्‍न्‍नी। रोमी १:८; १कोरिन्‍थी १४:२०

१ कोरिन्‍थी 14:20

आं लोक्‍बपुकी, आलमी मिम्‍शो खोदेंशो पा ममिम्‍तीने। मरिम्‍शो गेय पचा कली मजोक्‍ब आल खोदेंशो दुम्‍शा बाक्‍कीने। तन्‍न इन मिम्तीकेमी निप्‍स पाइश्‍शो मुरुम मिम्‍शो खोदेंशो पा मिम्‍तीन। एफिसी ४:१४; यसैया २८:११-१२

एफिसी 5:17

मोपतीके गेपुकी मूर्ख मदुमीन, प्रभु आ दाक्‍शो मार बाक्‍मे मेको रुपीन।

१ सामुएल 25:17

गे मार पचा माल्‍नीनी मेको रिम्‍शो पा मिम्‍तीन। मारदे हना, आंइ होव़प नु आ खिं थमा पा खतम दुम्‍ब। आंइ होव़प थम मरिम्‍शो बाक्‍ब। मेको नु लोव़ पने सुइ मचाप्‍ब” देंमाक्‍त।

१ सामुएल 25:25

आ प्रभु, मेको शोर गाक्‍शो मुर आ पर्बम मगाइक्‍तीन। मेको आ नें दोपा नाबाल बाक्‍मे, मेको मो देंशोन बाक्‍ब। आ नें नाबाल बाक्‍ब। मिनु मेको मूर्ख बाक्‍ब। तन्‍न गो, इन गेय पाइबम, इन सोइश्‍शो ठिटा आन कली मतङमी।