हितोपदेस 13:12 - Sunuwar Bible

¹² शुश आस पा यो मदुम्‍त हना, थुं लुक्‍च लाइब। तन्‍न आ मिम्‍शो गाप्‍त हना, ब्रोंइचा गेब रवा बाक्‍ब।

हितोपदेस 13:12 ပူးပေါင်းရင်းမြစ်များ

उत्पत्ती 46:30

मिनु इस्राएलमी योसेफ कली “मुल गो बेक्‍ने चाप्‍नुङ। मारदे हना गे ब्रोंइशो बाक्‍ते, गो इ कुल कोव़चा ताता” दे आ तौ कली देंमाक्‍त। उत्‍पत्ती ४५:२८

नेहेम्‍याह 2:2

मिनु पिपमी “मारदे इ कुल राव किक्‍पदी? गे रोइ पशो मबाक्‍नेवे, इ थुं दोक्‍शो तांइसीब” देंत। मो देंमेनु, गो शुश हिंती।

भजन संग्रह 143:7

परमप्रभु यावे, गे आं कली रीब पा लोव़ लेत्‍तीनी। आं थुं लुक्‍च लशो बाक्‍ब। इन कुल आं क्‍येङा मख्रुइक्‍तीन। मो दुम्‍त हना, गो बेक्‍शो मुर आन बाक्‍तीक लाइब मुर खोदेंशो दुम्‍नुङ।

भजन संग्रह 17:15

गो चहिं ठीक पा बाक्‍शा, थमा पा इन कुल ताइनुङ। सुनी सेंसीशा, इन कली तशा, रूशो खोदेंशो दुम्‍शा, ग्‍येरसीनुङ” देंती।

भजन संग्रह 69:3

गो ‘वारच पने’ दे प्रवा किवा पा दती। आं सेंदा सोव़ती। आं परमप्रभु कली माल्‍शा आं मिक्‍च ब्राब्रा दुम्‍ती।

हितोपदेस 11:30

ठीक पाइब मुर आन पतीके ब्रोंइचा गेब रवा खोदेंशो बाक्‍ब। तन्‍न हुश ख्राक्‍श पोक्‍बमी मुर आन कली साइक्‍ब। हितोपदेस ३:१८

हितोपदेस 13:11

मरिम्‍शो पा चेम्‍शो शोंप नुप्‍शा लाइब। तन्‍न इच्‍का इच्‍का पा चेम्‍शो शोंप बारना बारन लाइब।

हितोपदेस 13:13

अर्ती ङा लोव़ मदाक्‍ब मुरुम आंम कली श्‍येत चाक्‍ब। तन्‍न अरेशो टीबपुकीमी इनाम ताइनीम।

हितोपदेस 13:19

मुर आंम दाक्‍शो तामेनु, आन थुं कली रिम्‍शो दुम्‍ब। तन्‍न मूर्खमी आन मरिम्‍शो पतीके रे लेत्‍चा मदाक्‍नीम।

हितोपदेस 3:18

मेको नु बाक्‍बपुकी शुश नाक्‍त ब्रोंइनीम। मेको कली मुप्‍शा बाक्‍ब आन पर्बम मुरपुकीमी “मेकोपुकी ग्‍येरसीशो मुर बाक्‍नीम” देंनीम। हितोपदेस ११:३०; हितोपदेस १३:१२; हितोपदेस १५:४

ठेयब कुम्सो 5:8

ए यरूसलेम ङा तमी “गो इन कली ‘गेपुकीम आं दाक्‍शो मुर कली ग्रुम्‍तीनी हना, मेको कली इन कली दाक्‍ब मुर दाक्‍तीकेम थशो बाक्‍ब’ देनीन” देंत। ठेयब कुम्‍सो २:५

यूहन्‍ना 16:22

मिनु मेको खोदेंशो पा गेपुकी मुल थुं खाइश्‍शो बाक्‍नीनी। तन्‍न गो इन कली लेंशा तङानु, गेपुकी थमा पा ग्‍येरसीनीनी। मिनु इन ग्‍येरसीशो सुइमी क्‍याम्‍ने मचाप्‍नीम।

प्रकाश 2:7

परमप्रभु यावे आ सोक्‍तीमी थमा सुइक्‍ब मुर आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल। सु सुमी सैतान कली ग्रानीमी, मेको आन कली परमप्रभु यावे आ रूमी बाक्‍ब ब्रोंइतीक रवा आ फल ब्‍वचा गेनुङ” दे ब्रेक्‍पाइक्‍ती। प्रकाश २२:२; उत्‍पत्ती २:९

प्रकाश 22:2

सहर ङा लां आ दाते रे पा शाइश्‍शो बाक्‍त। मेको खोला ओंथ हांबु नु आइक्‍ची हांबुमी ब्रोंइचा गेब रवा बाक्‍शो बाक्‍तेक्‍म। मेको ब्रोंइचा गेब रवापुकीमी १२ किसीम ङा फल सिप्‍बाक्‍तेक्‍म। महिनामी खेयप का सिबाक्‍तेक्‍म। मेको ब्रोंइचा गेब रवा आ सफा रागी रागी ङा मुर आन कली सापाइक्‍चा कली बाक्‍तेक्‍म।