हितोपदेस 12:5 - Sunuwar Bible

⁵ ठीक पाइब मुर आन मिम्‍शो ठीक बाक्‍ब। तन्‍न परमप्रभु यावे आ अरेशो मटीब आन अर्ती चहिं दूली बाक्‍ब।

हितोपदेस 12:5 ပူးပေါင်းရင်းမြစ်များ

भजन संग्रह 119:15

गो इन ब्रेक्‍शा अरेशो मिम्‍ना मिम्‍न, इन लां कोव़शा गाक्‍नुङ।

भजन संग्रह 139:23

परमप्रभु, गे आं कली नाक्‍शा, आं थुं कोव़यीनी। मिनु आं कली कोव़शा आं मिम्‍शो तुइक्‍तीन।

हितोपदेस 11:23

ठीक पाइब मुर आन दाक्‍शो थमा पा ताइनीम। परमप्रभु यावे आ अरेशो मटीबम गाइक्‍पाइक्‍नीम।

हितोपदेस 12:4

रिम्‍शो मीश आ वोंइश आ सिरपेच खोदेंशो बाक्‍ब। मुने तोक्‍ब मीश चहिं आ वोंइश कली राक्‍शो रुश खोदेंशो बाक्‍ब। हितोपदेस ३१:१०-३१

हितोपदेस 12:6

परमप्रभु यावे आ अरेशो मटीब आन लोव़ मुर साइक्‍तीक बाक्‍ब। तन्‍न रिम्‍शो थुं पाइश्‍शो मुर आन लोव़मी मेको आन कली प्रोंइब।

हितोपदेस 14:8

निप्‍स पाइश्‍शो मुर आन तुइक्‍‍तीकेमी तेको लां गाक्‍चा माल्‍नीमी तुइक्‍नीम। तन्‍न मूर्ख आन मूर्ख पतीकेमी हेंथे लां कोंइब।

हितोपदेस 24:9

मूर्खे गेय पाप बाक्‍ब। मिनु शुक्‍शी पाइब कली तशा मुर नेल्‍ल ग्रांग्रा दीनीम।

यसैया 55:7

परमप्रभु यावे आ अरेशो मटीबमी आन लां प्रोन्‍मेक्‍ल। मिनु ठीक मपाइबमी आन मरिम्‍शो मिम्‍शो प्रोन्‍मेक्‍ल। परमप्रभु यावे गे लेम्‍मल। मिनु मेकोमी मेको आन कली शिशी पाइब। मेकोपुकी आंइ परमप्रभु गे लेम्‍मल। मारदे हना मेकोमी शुश माफ गेब। इजीकीएल १८:२७; इजीकीएल ३३:१; भजन संग्रह १३०:४

येरमीया 4:14

मिनु परमप्रभु यावेम “ए यरूसलेम, गे पाप रे ब्रोंइचा तचा कली इ थुं इ परमप्रभु यावे कली मटितीके रे चिक्‍सो। गेना सम्‍म इ मरिम्‍शो मिम्‍तीक इ थुंम बाक्‍चा गेनेवे? येरमीया ६:८; यसैया १:१४

येरमीया 9:3

मेकोपुकीम जोल पस ला जोक्‍नीम। मोपा जोल पतीकेमी रागी ङा ठेयब मुर दुम्‍तेक्‍म। थमा लोव़ पतीकेमी ममाइ। मेकोपुकी मरिम्‍शो पशो का रे अर्को मरिम्‍शो पाइनीम। मिनु आं कली मतुइक्‍नीम। येरमीया ५:१

येरमीया 9:5

मेको नेल्‍लेम आन नेक्‍था ङा मुर आन कली जोल पाइनीम। सुइमी थमा लोव़ मपाइनीम। मेकोपुकीम जोल पचा शेंसीशो बाक्‍नीम। मेकोपुकीम मरिम्‍शो ला पाइनीम।

मत्ती 2:16

पिप हेरोदमी मार पवा बाक्‍त देंशा हना “मेको सोरुल कोव़शा जोक्‍ब तुइक्‍बपुकीमी जोल पाइयीमी बाक्‍त” दे तुइश्‍शा चुरमाक्‍त। मिनु आन देंशो लोव़मी “पिप मेना जरमेसीब” दे मिम्‍शा, मेको पिप दुम्‍ब आल कली थिन्‍ने मचाप्‍तीके बेथलेहेम सहर एर ओंथ गाउं ङा बर्स निक्‍शी मलाक्‍शो वोंइश आल नेल्‍ल आन कली माल्‍ना माल्‍न साइक्‍पाइक्‍मी बाक्‍त।

मत्ती 26:4

मेकोपुकीमी “मुर आन मतुइक्‍थु येसु कली दोपा ग्‍याइश्‍शा साइक्‍पाइक्‍चा” दे सल्‍ला पामेनु

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८

२ कोरिन्‍थी 4:2

गोपुकीमी मुने दोक्‍तीक ख्रुइश्‍शा पतीक गेय प्रोंइशो बाक्‍नीक। मरिम्‍शो पा परमप्रभु यावे आ लोव़ फाइक्‍चा रे ङोन बाक्‍नीकी। तन्‍न परमप्रभु यावे आ लोव़ तुइक्‍पाइक्‍तीकेमी मुर नेल्‍ल नु परमप्रभु यावे आ ङोंइती ब्रचा ङा बाक्‍नीकी। २कोरिन्‍थी २:१७; १थिस्‍सलोनिकी २:५