हितोपदेस 12:20 - Sunuwar Bible

²⁰ मरिम्‍शो मिम्‍ब आन थुंमी जोल ला बाक्‍ब। तन्‍न थुं नाइक्‍तीक अर्ती गेब ग्‍येरशा बाक्‍नीम।

हितोपदेस 12:20 ပူးပေါင်းရင်းမြစ်များ

२ इतिहास 22:4

मेकोमी यो आहाब आ खिं ङा मुर खोदेंशो पा परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मारदे हना आ आफ बेक्‍म नोले मेको मुरपुकीमी अर्ती गेशा, मेको कली खतम सेल्‍मे बाक्‍त।

भजन संग्रह 119:118

इन फुल्‍लुम मुशा ब्रेक्‍शो लोव़ ङा लां रे हेंथे गाक्‍ब नेल्‍ल आन कली तिल्‍तीनी। मारदे हना मेको आन लां जोल बाक्‍त।

हितोपदेस 12:12

परमप्रभु यावे आ अरेशो मटीबपुकी रोइश्‍शो थोव़कीम आस पाइनीम। तन्‍न ठीक पतीके आ शाक्‍शम फल सिप्‍पाइक्‍ब।

हितोपदेस 12:19

थमा लोव़ पाइब मुर गेना हना यो लीनीम। तन्‍न जोल पाइब मुर याम का ला लीनीम।

हितोपदेस 12:21

ठीक पाइब मुर आन कली श्‍येत मदुम्‍ब। तन्‍न परमप्रभु यावे आ अरेशो मटीब आन कली श्‍येतम गिल्‍शो बाक्‍नीम।

येरमीया 17:16

तन्‍न गो इन गोठला दुम्‍तीक रे मप्रोक्‍ङ। गे तुइक्‍नीनी। गो नोले ङा नाक्‍ती सुर्ता पचा ममाल्‍नुङ, दे मिम्‍शो बाक्‍नुङ। गो मार देंङा, मेको इन ङोंइती बाक्‍ब।

दानीएल 11:27

मेको पिप निक्‍शी मरिम्‍शो थुं पाइश्‍शो बाक्‍नीस। काथा जाम्‍ताक्‍स हना यो, जोल पमुइनीस। तन्‍न मेको रे मारेइ रिम्‍शो मदुम्‍ब। मारदे हना नोले ङा नाक्‍त मजाक्‍शो बाक्‍ब।

जकरिया 6:13

मेकोमीन परमप्रभु यावे आ खिं सेल्‍चा माल्‍ब। मेको पिप आ मान तशा, शुश ग्‍योम्‍सीशो बाक्‍ब। मेको आ ठेयब नित्‍तीकेमी निश्‍शा सासन पाइब। मेको आ नित्‍तीकेमी आ ग्‍युरा गे चढ़ेब का बाक्‍ब। मेको निक्‍शी दुशा गारशा गेय पाइनीसी। भजन संग्रह ११०:४

मत्ती 5:9

दुशा गारशा बाक्‍बपुकी आसीक राइनीम। मारदे हना परमप्रभु यावे आ तमी तौ देंचा पुंइसीनीम। हिब्रू १२:१४

रोमी 1:29

मिनु आन थुं पापम ब्रीशो दुम्‍तेक्‍म। मिनु मार पाम्‍तेक्‍म देंशा हना, मारेइ मारेइ मरिम्‍शो ला पमुम्‍तेक्‍म, शिंम दुम्‍तेक्‍म, थुं चोमुम्‍तेक्‍मे, रुश पमुम्‍तेक्‍मे, मुर साइक्‍तेक्‍मे, जिम्‍तेक्‍मे, जोल पाम्‍तेक्‍मे, ख्रुइश्‍शा मुर आन लोव़ पाम्‍तेक्‍म।

हिब्रू 12:14

मुर नेल्‍ल नु दुशा गारशा बाक्‍कीने। पाप रे ङोन बाक्‍शा, रिम्‍शो थुं पशा गेय पा कोंइदीने। मो पाइतीनी हना, प्रभु नु काथा बाक्‍चा ताइनीनी। रोमी १२:१८; २तिमोथी २:२२