हितोपदेस 12:13 - Sunuwar Bible

¹³ मरिम्‍शो पाइब मुर आंम मरिम्‍शो लोव़मी ग्‍याइक्‍चा पुंइसीनीम। तन्‍न ठीक पाइब मुर श्‍येत रे ब्रोंइचा ताइनीम।

हितोपदेस 12:13 ပူးပေါင်းရင်းမြစ်များ

उत्पत्ती 48:16

आं कली श्‍येत रे प्रोंइब परमप्रभु यावे आ स्‍वर्ग ङा गेय पाइबम एको वोंइश आल आस कली आसीक गेवल। मिनु एको आस पतीके आं नें नु आं किकी पिपी अब्राहाम नु इसहाक आस नें मप्रेंसेक्‍ल। एको निक्‍शी रे पा रागीमी शुश दुम्‍मल” दे आसीक गेम्‍सी बाक्‍त। उत्‍पत्ती ३२:२५-३०; यसैया ४१:१४

२ सामुएल 4:9

मिनु दाऊदमी बेयरोथ सहर ङा रिम्‍मोन आ तौ रेकाब नु बानाह आस कली “परमप्रभु यावे ब्रोंइशा बाक्‍शो खोदेंशो पा, मेकोमी आं कली आं श्‍येत नेल्‍ल रे प्रोंइती।

१ राजा 2:23

मिनु पिप सोलोमनम परमप्रभु यावे आ नें थिशा “एको आ पर्बम अदोनीयाह साइक्‍चा मपुंइसाक्‍व हना, परमप्रभुम आं कली थम मरिम्‍शो सजाइ गेयील” दे कसम जवा बाक्‍त।

भजन संग्रह 34:19

ठीक पाइबपुकी शुश श्‍येत जाइनीम। तन्‍न परमप्रभु यावेमी मेको आन कली श्‍येत नेल्‍ल रे प्रोंइब। २कोरिन्‍थी १:५

भजन संग्रह 34:20

मिनु मेकोमी आन रुश नेल्‍ल कोव़ब। मुरुम का यो मजिक्‍नीम। यूहन्‍ना १९:३६; प्रस्‍थान १२:४६

भजन संग्रह 5:6

गे जोल पाइब आन कली खतम पाइनीनी। मिनु हुश ख्राक्‍श पोक्‍ब नु थमा मसुइक्‍ब मुर आन कली ग्रांग्रा दित्‍नीनी।

भजन संग्रह 59:12

मेको आन पशो लोव़मी, आन ठेयब लेश्‍शो कोंइनीमी। गे गाइश्‍शा मेको आन सराप पतीके नु जोल पतीके खतम पोक्‍कीन।

भजन संग्रह 59:13

मेको आन कली इन गाइक्‍तीकेमी सतीन। गे मेको आन कली रागी रे क्‍याम्‍ताक्‍नी हना, मुर नेल्‍लेमी परमप्रभुमी याकूब कली सासन पाइब, दे तुइक्‍नीम। ठेयब सेंदा पा।

भजन संग्रह 64:8

परमप्रभुमी मेको आन कली आन लोव़ आ पर्बम खतम सेल्‍ब। मेको आन कली साइक्‍ब। मिनु मेको आन कली ताइब नेल्‍लेमी हिंशा आन पिया हिक्‍नीम।

हितोपदेस 10:8

जोक्‍ब तुइक्‍ब थुं पाइश्‍शो मुरुमी शेंशो लोव़ टीब। तन्‍न हेंथे लोव़ पाइब मूर्ख खतम दुम्‍ब।

हितोपदेस 11:8

ठीक पाइब मुर हिंचा ङा श्‍येत रे प्रोंइचा पुंइसीनीम। तन्‍न परमप्रभु यावे आ अरेशो मटीबपुकी मेको श्‍येतमी हुम्‍सीनीम।

हितोपदेस 15:2

जोक्‍ब तुइक्‍ब मुरपुकीमी लोव़ पाम्‍तेक्‍म हना, नेंबपुकी जोक्‍ब दुम्‍चा दाक्‍नीम। तन्‍न मूर्ख आन लोव़ शोर गाक्‍शो बाक्‍ब।

हितोपदेस 18:21

मुर आन लोव़मी बेक्‍तीक नु ब्रोंइतीक बाक्‍ब। तेको कली दाक्‍नीनी, मेको आ ततीक ताइनीनी।

हितोपदेस 21:23

सुमी मिम्‍शा ठीक लोव़ पाइबा, मेकोमी आंम कली श्‍येत रे प्रोंइब। हितोपदेस १३:३

हितोपदेस 6:2

गे इ लोव़मी फ्रेंसीशो बाक्‍ते हना, गे ग्रुम्‍चशो बाक्‍नेवे।

उपदेसक 7:18

का कली वोतीन नु अर्को कली यो मप्रोनीन। मारदे हना परमप्रभु कली मान पा हिं‍ब, मेको नेल्‍ल रे ङोन बाक्‍नीम।

दानीएल 6:24

मिनु पिपमी “दानीएल कली दोस गेब, आन मीश नु आन तमी तौ नेल्‍ल आन कली गुप्‍स वोइक्‍तीकेमी तोक्‍कीन” दे हुकुम पाप्‍तु। मिनु मेको आन कली मेकेर तोक्‍तेक्‍म। मिनु मेकोपुकी गुप्‍स आन बाक्‍तीके मजाक्‍दीत्‍थु, गुप्‍सपुकी प्रेक्‍शा ग्राम्‍शा मेको आन रुश का यो मवोइक्‍थु नेक्‍तेक्‍म।

मत्ती 27:25

मिनु हुलपुकीमी “आंइ कली नु आंइ चच युइ आन कली लुम्‍सेक्‍ल” दे रेयके पामे बाक्‍त। प्रेरित ५:२८

२ पत्रुस 2:9

परमप्रभु यावेमी चहिं आंम कली टीब मुर आन कली “दोपा थुं थाम्‍चा ङा श्‍येत रे ग्रुंइनुङा” दे तुइक्‍ब। मिनु ठीक मपाइब आन कली सजाइ गेचा कली निसाफ पची नाक्‍त सम्‍म वोइक्‍ब। १कोरिन्‍थी १०:१३