हितोपदेस 12:12 - Sunuwar Bible

¹² परमप्रभु यावे आ अरेशो मटीबपुकी रोइश्‍शो थोव़कीम आस पाइनीम। तन्‍न ठीक पतीके आ शाक्‍शम फल सिप्‍पाइक्‍ब।

हितोपदेस 12:12 ပူးပေါင်းရင်းမြစ်များ

भजन संग्रह 1:3

मिनु मेको मुर खोला आ नेक्‍था ख्रुम्‍शो रवा खोदेंशो बाक्‍ब। दोपा मेको आ फल सित्‍ची ना सिप्‍बा नु आ सफा यो महेम्‍थु बाक्‍बा, मोपा मेको मुर आ पतीक नेल्‍ल रिम्‍शो बाक्‍ब। भजन संग्रह ९२:१३-१५; येरमीया १७:८

भजन संग्रह 10:9

गुप्‍स ब्‍वाकीम बाप्‍शो खोदेंशो पा ख्रुइश्‍शा, प्रुङग आन कली रिम्‍नीम। प्रुङग आन कली आन ब्‍वारदम रेश्‍शा ग्‍याइक्‍नीम।

भजन संग्रह 9:15

रागी रागी ङा मुरपुकी आंमा दोशो ठेयब खाल्‍टाम बिक्‍शो बाक्‍नीम। मिनु आन दाइश्‍शो ग्‍याइलीमी आंमा रेश्‍शो बाक्‍नीम।

हितोपदेस 10:15

शोंप पाइश्‍शो मुर आन शोंप मेको आन बोल्‍यो दरवार खोदेंशो बाक्‍ब। प्रुङग मुर आन श्‍येत दुम्‍तीकेम मेको आन कली खतम सेल्‍ब। हितोपदेस १८:११

हितोपदेस 11:30

ठीक पाइब मुर आन पतीके ब्रोंइचा गेब रवा खोदेंशो बाक्‍ब। तन्‍न हुश ख्राक्‍श पोक्‍बमी मुर आन कली साइक्‍ब। हितोपदेस ३:१८

हितोपदेस 21:10

परमप्रभु यावे आ अरेशो मटीबपुकीमी मरिम्‍शो ला पचा दाक्‍नीम। मेकोपुकीमी आन नेक्‍था ङा मुर आन कली यो शिशी मपाइनीम।

यसैया 27:6

मिनु नोले ङा नाक्‍तीमी याकूबम आ शाक्‍श थोक्‍ब। इस्राएल फू बोइश्‍शा, नक राशी दाप्‍ब। मिनु रागी नेल्‍ल मेको आन फल फुलमी ब्रीब।

यसैया 37:31

यहूदा आ खिं ङा लीशोपुकी लेंशा, सोशा बोशा, शाक्‍श थोक्‍शा, फल सित्‍नीम। शुश दुम्‍नीम।

मीका 7:2

थमा सुइक्‍चा पुंइसीब मुर रागी रे जाम्‍शा लाम्‍तेक्‍म। मिनु गेना हना यो रिम्‍शो पाइब मुर मलीशो बाक्‍नीम। मुर नेल्‍ल मुर साइक्‍चा कली बाप्‍शा बाक्‍शो बाक्‍नीम। मुर नेल्‍लेमी ब्‍वारद दाइश्‍शा आंम लोक्‍ब कली साइक्‍चा माल्‍‍शो बाक्‍नीम।

यूहन्‍ना 15:16

गेपुकीमी आं कली मयोव़यीनी। तन्‍न गेपुकी लशा फल सिश्‍शा, इन सिश्‍शो फल लील, दे गो इन कली योव़तन्‍नी। मिनु गेपुकीमी आं आफ कली आं नेंमी इन दाक्‍शो पुंइनीनु, आं आफोमी इन कली गेवल, दे वोइक्‍तन्‍नी।

यूहन्‍ना 15:5

गो अङगुर बोट नङ। गेपुकी चहिं राशी ननी। सु आं आगाम बाक्‍बा, गो मेको आ आगामी बाक्‍नुङ। मिनु मेकोमी शुश फल सिप्‍ब। तन्‍न गो रे ङोन बाक्‍तीनी हना, मारेइ पने मचाप्‍नीनी। २कोरिन्‍थी २:५-६

रोमी 6:22

मुल गेपुकी मरिम्‍शो पचा रे प्रोंइचा पुंइसीशा, गे परमप्रभु यावे आ वाइल दुम्‍तीनी। मुल इन रिम्‍शो पतीके रे गे परमप्रभु यावे आ मुर दुम्‍शा, गेना हना यो मेको नु ब्रोंइशा बाक्‍चा ताइनीनी।