हितोपदेस 11:9 - Sunuwar Bible

⁹ मरिम्‍शो मुर आन लोव़मी आन नेक्‍था ङा मुर आन कली खतम सेल्‍‍नीम। तन्‍न ठीक पाइब मुर मेको आन जोक्‍‍तीकेमी प्रोंइचा पुंइसीनीम।

हितोपदेस 11:9 ပူးပေါင်းရင်းမြစ်များ

१ राजा 22:6

मोपतीके इस्राएल ङा पिपम ४ सहे जना खोइ परमप्रभु यावे आ लोव़ पाइब आन कली पुक्‍शा, मेको आन कली “गो रामोथ-गिलाद कली लडाइ तोङ देय मतोङ” दे हिल्‍लो पामी बाक्‍त। मिनु मेकोपुकीमी “तोन, परमप्रभु यावेम मेको इन गुइमी गेब” देंमा बाक्‍त।

अय्‍युब 34:30

मिनु परमप्रभु कली मटीब मुरुम सासन मपवल। मिनु मुर आन कली श्‍‍येत गेब सासन पाइब मदुमल।

अय्‍युब 8:13

परमप्रभु कली प्रेंबपुकी यो मोदेंशोन दुम्‍नीम। परमप्रभु कली मटीब मुर आन आस यो मोपा जाम्‍शा लाइब। अय्‍युब ११:२०; हितोपदेस १०:२८

भजन संग्रह 55:12

आं कली काइ मदाक्‍बमी शुक्‍शी पाइय्‍यी हना, गो फाल्‍ने चबु वा। जोरी सत्रुमी आं कली लडाइ तोशो नम हना, गो मेको आन क्‍येङा प्रोक्‍शा ख्रुंइसीङ वा। भजन संग्रह ४१:१०

हितोपदेस 11:6

रिम्‍शो थुं पाइश्‍शो मुर आन ठीक पतीकेम ब्रोंइचा ताइनीम। तन्‍न थमा सुइक्‍चा मपुंइसीब मुर आन मरिम्‍शो पतीकेमी ग्‍याइक्‍चा पुंइसीनीम।

हितोपदेस 11:8

ठीक पाइब मुर हिंचा ङा श्‍येत रे प्रोंइचा पुंइसीनीम। तन्‍न परमप्रभु यावे आ अरेशो मटीबपुकी मेको श्‍येतमी हुम्‍सीनीम।

हितोपदेस 16:29

हुश ख्राक्‍श पोक्‍ब मुरुमी आ नेक्‍था ङा मुर आन कली यो हेंथे पपाइक्‍ब। मिनु मेको आन कली मरिम्‍शो लां खोइक्‍पाइक्‍ब।

मत्ती 7:15

होस पांइसीने। मारदे हना परमप्रभु यावे आ लोव़ दूली शेंबपुकी बोक्‍नीम। मेकोपुकी भेडा खोदेंशो तांइसीनीमी। मेको आन थुं चहिं फर के खोदेंशो बाक्‍नीम। मत्ती २४:४,५,२४; २कोरिन्‍थी ११:१३-१५

मर्कूस 13:14

परमप्रभु यावे आ खिं गेनायो मदुम्‍चा ङा पा बिथोलो दुम्‍मेनु, मेको मुल पढ़ेबपुकीमी रुप्‍मेक्‍ल, यहूदीया रागीम बाक्‍बपुकी डांडा ग्‍येत्‍थ प्रोक्‍मल। दानीएल ९:२७; दानीएल ११:३१; दानीएल ११:३१

प्रेरित 20:30

गेपुकी नु काथा गाक्‍ब थमा सुइक्‍बपुकी यो मोदेंशो खेदा पाइब फर खोदेंशो दुम्‍नीम। मेकोपुकीमी दूली लोव़ शेंशा, थमा सुइक्‍ब आन थुं ग्‍येत्‍थ लुक्‍च क्‍याल्‍पाइश्‍शा, आन नोले खोइक्‍ब सेल्‍नीम, दे तुइक्‍नुङ। १यूहन्‍ना २:१८-१९

१ यूहन्‍ना 2:21

इन कली एको लोव़ मारदे ब्रेक्‍ताक्‍ङ देंशा हना “गे मतुइक्‍ब ननी” दे ममिम्‍नुङ। थमा लोव़ तुइक्‍नीनी। मिनु मेको इन तुइश्‍शो थमा लोव़ क्‍येङा जोक्‍ब सेल्‍चा, दे ब्रेक्‍ताक्‍ङ। थमा शेंतीकेमी येसु ख्रीस्‍त आ पर्बम जोल मबाक्‍ब।

१ यूहन्‍ना 2:27

येसु ख्रीस्‍तमी इन कली परमप्रभु यावे आ सोक्‍त गेप्‍तु। मिनु मेको गेपुकी नु बाक्‍ब। मेको परमप्रभु यावे आ सोक्‍त गेपुकी नु बाक्‍मेनु, अर्को शेंब ममाल्‍नीनी। परमप्रभु यावे आ सोक्‍तीमी इन कली नेल्‍ल शेंना शेंन बाक्‍ब। मेको आ शेंशो थमा बाक्‍तीके जोल मदुम्‍ब। मेकोमी ङोंइती इन कली शेंशो टिशा, मेको नु थुं का ङा दुम्‍शा, बाक्‍कीन। यूहन्‍ना १६:१३; २कोरिन्‍थी १:२१-२२; येरमीया ३१:३४