हितोपदेस 10:9 - Sunuwar Bible

⁹ गेना हना यो रिम्‍शो पाइब मुर कली सुइमी मारेइ मपाइनीम। सु चहिं दूली लां गाक्‍बा, मेको आ पर्बम नेल्‍लेमी “मरिम्‍शो पाइब” दे तुइक्‍नीम।

हितोपदेस 10:9 ပူးပေါင်းရင်းမြစ်များ

उत्पत्ती 17:1

मिनु अब्राम ९९ बर्स दुम्‍मेनु, परमप्रभु यावे अब्राम आ ङोंइती ग्रूशा, मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे, गो नु बाक्‍शा, ठीक पाइब दुमो। उत्‍पत्ती ३५:११; प्रस्‍थान ६:३; ब्‍यवस्‍था १०:१२

अय्‍युब 8:20

नेनीन, परमप्रभुमी दोस मताइब मुर कली मतिल्‍ब। मेकोम मरिम्‍शो गेय पाइब मुर आन कली वारच मपाइब।

भजन संग्रह 23:4

मिनु गो बेक्‍चा ङा बेंसीम गाक्‍ती हना यो, महिंनुङ। मारदे हना गे गो नु बाक्‍नीनी। इन कोक्‍के तशा आं थुं नाइश्‍शा ग्‍येरनुङ। भजन संग्रह ४६:३

भजन संग्रह 25:21

रिम्‍शो पतीके नु रिम्‍शो थुं बाक्‍‍तीकेमी आं कली खाल पयील। मारदे हना गो इन लां कोव़शो बाक्‍नुङ।

भजन संग्रह 84:11

मारदे हना परमप्रभु, परमप्रभु यावे नां नु तेक्‍तीक बाक्‍ब। परमप्रभु यावेम ठेयब दुम्‍तीक नु मान गेब। मेकोमी ठीक लां खोइक्‍ब आन कली रिम्‍शो पाइब।

हितोपदेस 17:20

मरिम्‍शो थुं पाइश्‍शो मुर आन कली मारेइम मगाप्‍‍ब। दूली पा जोल पाइब मुर हिंचा ङा श्‍येत जाइब।

हितोपदेस 26:26

सुमी काइ मदाक्‍शो मुर कली “गो इ कली दाक्‍नुङ” देंखु पाइबा, मेको आ देंखु पतीके मुर आन ग्रुम्‍तीकेमी ग्रूब।

हितोपदेस 28:1

परमप्रभु यावे आ अरेशो मटीब सुइम खेदा मपथु यो प्रोक्‍नीम। ठीक पाइबपुकी गुप्‍स खोदेंशो पा महिंथु बाक्‍नीम। यसैया ५७:२१

हितोपदेस 28:18

सु गेना हना यो रिम्‍शो पाइब बाक्‍बा, मेको रिम्‍शो बाक्‍ब। तन्‍न सु लां निक्‍शी हेंथे पा गाक्‍बा, मेको कालेम जाम्‍शा लाइब।

हितोपदेस 3:23

मिनु गे इ लांम रिम्‍शो पा गाक्‍ङे नु इ खोइल दाइल मपाइब।

मत्ती 10:26

मोपतीके मेको आन कली तशा महिनीन। मुल सम्‍म सुम्‍शा वोइश्‍शो नोले नेल्‍ल हाक्‍सीशा तांइसीब। मुल ख्रुइश्‍शा वोइश्‍शो नोले तुंइ‍सीब। लूका १२:२-९; मर्कूस ४:२२; लूका ८:१७

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८

१ तिमोथी 5:25

मोपा मुर का निक्‍शी आन रिम्‍शो पशो मतुंइ‍साक्‍व हना यो, ख्रुइश्‍शा लीने मचाप्‍नीम।