हितोपदेस 10:31 - Sunuwar Bible

³¹ ठीक पाइब मुरुमी तुइक्‍तीक लोव़ पाइब। तन्‍न दूली लोव़ पाइब मुर आ लें फेत्‍चा पुंइसीब। भजन संग्रह ३७:३०

हितोपदेस 10:31 ပူးပေါင်းရင်းမြစ်များ

भजन संग्रह 12:4

मोदेंशो ठेयब लेश्‍शो लोव़ पाइबपुकीमी “आंइ लोव़मीन ग्रानीकी। गो जोक्‍ब तुइक्‍ब बाक्‍नीकी। आंइ प्रभु सु बाक्‍बा ङा?” देंनीम। भजन संग्रह ७३:८-९; अय्‍युब २१:१४-१५

भजन संग्रह 31:18

ठेयब लेश्‍शो मुरपुकीम ठीक पाइब आन कली आइक्‍च सेल्‍शा, मरिम्‍शो पाइनीम। जोल पा लोव़ पाइनीम। मेको आन शोव़ ख्रेप्‍तीन।

भजन संग्रह 37:30

ठीक पाइबपुकीमी जोक्‍तीक तुइक्‍तीक लोव़ पाइनीम। मिनु मेकोपुकीम ठीक पतीके शेंनीम।

भजन संग्रह 63:11

तन्‍न पिप चहिं परमप्रभु नु थुं नाइश्‍शा ग्‍येरशा बाक्‍ब। परमप्रभु आ नेंम कसम जाइबपुकीमी मेको कली ठेयब सेल्‍नीम। तन्‍न जोल पाइबपुकी ब्‍वाक्‍चा मताइनीम।

हितोपदेस 10:11

ठीक पाइब मुर आन लोव़ पतीकेमी ब्रोंइनीम। तन्‍न परमप्रभु यावे आ अरेशो मटीब आंम आन लोव़ पतीकेमी खतम दुम्‍नीम।

हितोपदेस 10:13

मिम्‍ब मुर आन लोव़ रुप्‍चा ङा बाक्‍ब। तन्‍न ममिम्‍ब मुरपुकी तुप्‍चा पुंइसीनीम।

हितोपदेस 17:20

मरिम्‍शो थुं पाइश्‍शो मुर आन कली मारेइम मगाप्‍‍ब। दूली पा जोल पाइब मुर हिंचा ङा श्‍येत जाइब।

हितोपदेस 31:26

मेकोमी लोव़ पवानु, जोक्‍ब तुइक्‍ब लोव़ ला पाइब। मिनु मुर आन कली शिशी पचा कली शेंब।