हितोपदेस 10:3 - Sunuwar Bible

³ परमप्रभु यावेमी ठीक पाइब मुर आन कली शोव़लु बेक्‍पाइश्‍शा मवोइक्‍ब। तन्‍न आ अरेशो मटीब आन कली आन जत दाक्‍शो मगेब। भजन संग्रह ३७:१९,२५

हितोपदेस 10:3 ပူးပေါင်းရင်းမြစ်များ

अय्‍युब 15:23

मेकोपुकी जचा थोव़क माल्‍शा, हिरना हिरन बाक्‍नीमी। मिनु आन श्‍येत जतीक नाक्‍ती जाक्‍चा चिक्‍शो बाक्‍ब, दे तुइक्‍नीमी।

अय्‍युब 20:28

मेको आन खिं ङा शोंप नेल्‍ल योल्‍नीम। मेको गाइक्‍ता नाक्‍त मेको नेल्‍ल योल्‍नीम।

अय्‍युब 5:20

मेकोमी अन्‍काल दुम्‍मेनु, इन कली बेक्‍चा रे प्रोंइब। मिनु लडाइ दुम्‍मेनु, तरवार रे प्रोंइब।

भजन संग्रह 10:14

परमप्रभु, गे नेल्‍ल ताइतीनी। गे श्‍येत जाइब नु मरिम्‍शो पाइक्‍चा पुंइसीब आन कली वारच पाइश्‍शा, क्‍येक्‍क लेप्‍ब बाक्‍नीनी। मेको श्‍येत जाइबपुकी इन कली जिम्‍मा गेंसीशो बाक्‍नीम। गे रोम रोइक्‍च आन कली वारच पाइब बाक्‍नीनी। भजन संग्रह ६८:६; प्रस्‍थान २२:२२

भजन संग्रह 112:10

मिनु परमप्रभु आ अरेशो मटीबपुकीमी मेको नेल्‍ल तशा आन थुं खुरसीनीम। मेको आन ख्रुइ शेप्‍शा, थाम्‍पा गाइक्‍नीम। मेको आन मिम्‍शो गेनायो मजाक्‍दीप्‍ब।

भजन संग्रह 33:19

मिनु मेको आन कली बेक्‍चा रे प्रोंइब। मिनु अन्‍काल दुम्‍मेनु, ब्रोंइपाइक्‍ब।

भजन संग्रह 37:19

ठेयब श्‍येत दुम नाक्‍ती मेकोपुकी मुने मदोक्‍नीम। मिनु अन्‍काल दुम नाक्‍ती मेकोपुकी जशा रूचा ताइनीम। हितोपदेस १०:३

भजन संग्रह 37:25

गो ठिटा बाक्‍ती, मुल खाल्‍पा दुम्‍ती। तन्‍न ठीक पाइबपुकी नु आन तमी तौ नु चच युइमी मुल सम्‍म पुंइशा जशो गेनायो मतङमी।

भजन संग्रह 37:3

परमप्रभु यावे कली जिम्‍मा गेंसीशा, रिम्‍शो पने। रागीम रिम्‍शो दुम्‍शा बाक्‍चा ताइनीनी।

हितोपदेस 13:25

ठीक पाइबमी रूत्री जचा ताइनीम। तन्‍न परमप्रभु यावे आ अरेशो मटीब शोव़लुन बाक्‍चा माल्‍नीम।

हितोपदेस 14:32

परमप्रभु यावे आ अरेशो मटीबपुकी मरिम्‍शो पतीकेमी जाम्‍शा लाइनीम। तन्‍न ठीक पाइब मुर आंम आन गेना हना यो रिम्‍शो पतीकेमी ब्रोंइशा बाक्‍चा ताइनीम।

हितोपदेस 28:25

शिंम मुरुमी जिचा पोक्‍ब। तन्‍न सुमी परमप्रभु यावे कली थमा सुइक्‍बा मेको आसीक ताइब।

हितोपदेस 28:9

सुमी परमप्रभु यावे आ अरेशो लोव़ नेंशा मटीबा, मेको आ परमप्रभु कली पुंइतीक लोव़ यो ग्रांग्रा दिशो बाक्‍ब। हितोपदेस १५:८

यसैया 33:16

मेको इर ङा मुर बाक्‍नीम। मेको आन ख्रुंइसीतीके सेरथे फुल्‍लु के सेल्‍शो दरवार बाक्‍ब। मेकोमी आन जचा थोव़क ताइनीम। मेको आन ब्‍वाक्‍कु बुक्‍तीके शुश दुम्‍ब।

सेफन्‍याह 1:18

परमप्रभु यावे गाइक्‍ची नाक्‍ती मेको आन चांदीमी मप्रोंइब। मेको आन सुनमी यो मेको आन कली प्रोंइने मचाप्‍ब। मेको आ मी खोदेंशो पा गाइक्‍तीकेमी रागी नेल्‍ल क्रोइक्‍ब। मेकोमी रागीम बाक्‍ब नेल्‍ल आन कली थम मरिम्‍शो पा साइश्‍शा क्‍याम्‍ब” दे परमप्रभु यावेमी देंत। इजीकीएल ७:१९

लूका 12:31

मोपतीके मोदेंशो मिम्‍चा प्रोंइशा, परमप्रभु यावे आ राज्‍य मालीने। मिनु मारेइ मारेइ यो ताइनीनी।