हितोपदेस 10:26 - Sunuwar Bible

²⁶ दोपा ग्‍युरशोमी ख्रुइ ग्रिम्‍बा नु कुनमी मिक्‍च दुक्‍बा, मोपा अल्‍सी पाइब आन होव़प आन कली दुम्‍नीम।

हितोपदेस 10:26 ပူးပေါင်းရင်းမြစ်များ

हितोपदेस 25:13

थमा लोव़ क्‍याक्‍ब मुर, आ होव़प कली हुप्‍शो नाक्‍त अन्‍न रुप्‍ची ना ङा फुं खोदेंशो पा रिम्‍शो बाक्‍ब। मेको लोव़म आ होव़प आ थुं बारपाइक्‍ब।

हितोपदेस 25:20

सुमी थुं खाइश्‍शो मुर आन ङोंइती कुम्‍सो पाइबा, मेको ग्‍यूमी वा रोइश्‍शो नु गारमी हिक्‍सी ख्रेक्‍शो खोदेंशो बाक्‍ब। मिनु वा ख्रोइक्‍ब तुम्‍बु नु शी ख्रोइक्‍ब बुस्‍स खोदेंशो मेको सुर्ता पाइब मुर आ थुं बाक्‍ब।

हितोपदेस 26:6

सुम मूर्ख कली लोव़ चोव़थ सोइक्‍बा, मेकोमी आंम खोइली ख्रोइश्‍शो नु हुश ख्राक्‍श पोक्‍शा श्‍येत जशो खोदेंशो बाक्‍ब।

हितोपदेस 6:6

गे अल्‍से, रकमिक्‍च आन कली कोव़ङो। आन पशो कोव़ङो। मिनु जोक्‍ब तुइक्‍ब दुमो। हितोपदेस १०:४; हितोपदेस २०:४

यसैया 65:5

मेकोपुकीमी ‘गे मेके उइ बाक्‍कीन। आंइ नेक्‍था मपिने। मारदे हना इन थिशो मजाइनुङ’ देंनीम। मेकोपुकी आं कली मरिम्‍शो रिना पाइश्‍शो कुन खोदेंशो दुम्‍शा, गेना हना यो ब्रशो मी बाक्‍नीमी।

मत्ती 25:26

मिनु आ होव़पमी ‘मरिम्‍शो थुं पाइश्‍शो अल्‍से, गोमी मशोक्‍शो रिक्‍नुङ, मक्राप्‍शो खुप्‍नुङ, दे तुइश्‍शो नवे हना, एको आं गेशो टलेन्‍ट का लाइश्‍शा, अरु आन कली गेशा, आ चाइक्‍ब पपाइक्‍चा ममाल्‍नेवे ङा?

रोमी 12:11

पचा माल्‍शो गेय अल्‍सी मपथु पने। परमप्रभु यावे आ सोक्‍तीम इन थुंम मी ब्रशो खोदेंशो आ प्रभु कली गेय पने। प्रकाश ३:१५; प्रेरित १८:२५; कलस्‍सी ३:२३

हिब्रू 6:12

मचाप्‍नुङ देंब मदुमीने। “आ देंशो जाक्‍दीप्‍ब” दे आ थोक्‍शा पशो लोव़ थमा सुइक्‍ब खोदेंशो पने। मेकोपुकीमी फाल्‍शा, थमा सुइश्‍शा, परमप्रभु यावे आ देंशो जाक्‍दीश्‍शो ताइनीम।