हितोपदेस 10:25 - Sunuwar Bible

²⁵ श्‍येत फश गिवार खोदेंशो पा जाक्‍मेनु परमप्रभु यावे आ अरेशो मटीबपुकी जाम्‍शा लाइनीम। तन्‍न ठीक पाइब मुर गेना हना यो ब्रोंइशा बाक्‍नीम। हितोपदेस १२:७

हितोपदेस 10:25 ပူးပေါင်းရင်းမြစ်များ

अय्‍युब 17:9

मिनु ठीक पाइब मुर आंम लां रिम्‍शो पा गाक्‍नीम। मोदेंशो मुर बोल्‍यो क्‍येङा यो बोल्‍यो दुम्‍ना दुम्‍न लाइनीम।

अय्‍युब 20:8

मेकोपुकी ङोमु पशो खोदेंशो पा जाम्‍शा लाइनीम। मेको आन कली मथिंसीब। मेकोपुकी नाक्‍दो तशो ततीक खोदेंशो पा जाम्‍शा लाइनीम।

अय्‍युब 21:18

गिश खेयप फशेम बेरशो पराल खोदेंशो दुम्‍नीमी? मेकोपुकी गिश खेयप फश गिवारम बेरपाइश्‍शो भूस खोदेंशो दुम्‍नीमी? शुश खेयप मदुम्‍नीम। भजन संग्रह १:४

भजन संग्रह 125:1

परमप्रभु यावे कली थमा सुइक्‍बपुकी सियोन डांडा खोदेंशो बाक्‍नीमी। मेको याक्‍ने मचाप्‍सीब। गेना हना यो बाक्‍ब।

भजन संग्रह 15:5

सुमी क्‍येट जेर गेशा, चाइक्‍ब मताक्‍बा, सुमी दोस मताइब कली श्‍येत गेचा कली घूस मजाइबा, मोदेंशो मुर गेना हना यो महिम्‍सीथु, परमप्रभु यावे आ बाक्‍तीकेम बाक्‍चा ताइब। प्रस्‍थान २२:२४; ब्‍यवस्‍था २३:२०-२१

भजन संग्रह 58:10

मिनु ठीक पाइबपुकी मरिम्‍शो पाइब आन कली क्‍येक्‍क लेश्‍शो तशा, ग्‍येरसीनीम। मिनु मेको आन हुशेम गाक्‍नीम।

भजन संग्रह 58:9

इन ग्‍योंबपुकी सोव़शो चूमी ब्रशो मीम होचा क्‍येङा ङोंइती, मरिम्‍शो पाइबपुकी जाम्‍शा लाइनीम।

हितोपदेस 1:27

शुश हिंतीके ठेयब फश खोदेंशो पा इन तारी जाक्‍त हना, श्‍येत फश गिवार खोदेंशो पा इन तार जाक्‍त हना, श्‍येत नु हिंतीकेम इन कली सुम्‍तु हना,

हितोपदेस 10:30

ठीक पाइब मुर गेनायो ग्‍येत्‍थ लुक्‍च मदुम्‍नीम। परमप्रभु यावे आ अरेशो मटीबपुकी चहिं रागीमी मलीनीम। हितोपदेस २:२२

हितोपदेस 12:3

परमप्रभु यावे आ अरेशो मटीब रिम्‍शो मबाक्‍नीम। तन्‍न ठीक पाइब बोल्‍यो शाक्‍श पाइश्‍शो रवा खोदेंशो बाक्‍‍नीम।

हितोपदेस 12:7

परमप्रभु यावे आ अरेशो मटीबपुकी बेक्‍शा जाम्‍शा लाइनीम। ठीक पाइब नु मेको आन खिं ङा मुर नोले सम्‍म लीनीम। हितोपदेस १०:२५

यसैया 40:24

मेकोपुकी का निक्‍शी ला शोक्‍सीशो बाक्‍नीम। का निक्‍शी ला ख्रुम्‍सीशो बाक्‍नीम। शाक्‍श थोक्‍ची ना दुम्‍मेनु, मेको आन तार मुइक्‍ब। मिनु मेको बेक्‍नीमी। मिनु फश गिवारमी पराल खोदेंशो पा योल्‍ब।

मत्ती 16:18

गे पत्रुस नवे, एको सेरथे फुल्‍लु तारी आं खिं सेल्‍नुङ। नरकमी मेको कली ग्राने मचाप्‍ब। यूहन्‍ना १:४२; एफिसी २:२०

एफिसी 2:20

मिनु ख्रीस्‍त आ सोइश्‍शो नु साइ ङा परमप्रभु यावे आ लोव़ पाइबपुकी जग खोदेंशो दुम्‍तेक्‍म। गेपुकी चहिं मेको तारी सेल्‍शो खिं खोदेंशो ननी। ख्रीस्‍त येसु मेको खिं ङा ङोंइती वोइश्‍शो जग फुल्‍लु खोदेंशो बाक्‍ब। मत्ती १६:१८; यसैया २८:१६; १पत्रुस २:४-६ मत्ती १६:१८

१ तिमोथी 6:19

मो पाम्‍तेक्‍म हना, नोले रिम्‍शो दुम्‍नीम। बोल्‍यो जग खोदेंशो पा, गेना हना यो ब्रोंइशा बाक्‍चा ताइब दुम्‍नीम। मेको ला थमा ब्रोंइचा बाक्‍ब। मत्ती ६:२०; लूका १६:९

२ तिमोथी 2:19

तन्‍न परमप्रभु यावे आ थमा शेंतीके मब्रेत्‍चा ङा जग खोदेंशो बाक्‍ब। प्रभुमी आ मुर आन कली तुइक्‍ब। मिनु प्रभु कली तुइक्‍ब मुरपुकी मरिम्‍शो पचा रे ङोन बाक्‍चा माल्‍नीम। मेको थोव़शो छाप खोदेंशो बाक्‍ब। गन्‍ती १६:५; मत्ती ७:२२-२३; यूहन्‍ना १०:१४,२७