हितोपदेस 10:21 - Sunuwar Bible

²¹ ठीक पाइब मुर आन लोव़मी शुश मुर आन कली रिम्‍शो दुम्‍ब। तन्‍न मूर्ख आन निप्‍स मपाइक्‍तीके बेक्‍शा लाइनीम।

हितोपदेस 10:21 ပူးပေါင်းရင်းမြစ်များ

अय्‍युब 23:12

गो मेको आ शेंशो पाता। मेको आ लोव़ नाक्‍त किंत किंत ङा आं जचा थोव़क क्‍येङा यो शुश मिम्‍ताक्‍ङ।

भजन संग्रह 37:30

ठीक पाइबपुकीमी जोक्‍तीक तुइक्‍तीक लोव़ पाइनीम। मिनु मेकोपुकीम ठीक पतीके शेंनीम।

हितोपदेस 1:29

मेकोपुकीम जोक्‍तीक कली काइ मदाक्‍तीके नु परमप्रभु यावे कली मान मपथु महिंतीके,

हितोपदेस 1:31

मेकोपुकीमी आन आन पशो मरिम्‍शो गेय आन इनाम तचा माल्‍नीम। मिनु आन आन मरिम्‍शो पतीकेमी ब्रीमल।

हितोपदेस 1:32

मारदे हना मारेइ मजोक्‍ब आन मटितीके साइक्‍चा पुंइसीनीम। मूर्ख आन मारेइ ममिम्‍तीके खतम दुम्‍नीम।

हितोपदेस 10:11

ठीक पाइब मुर आन लोव़ पतीकेमी ब्रोंइनीम। तन्‍न परमप्रभु यावे आ अरेशो मटीब आंम आन लोव़ पतीकेमी खतम दुम्‍नीम।

हितोपदेस 12:18

मुर आन ममिम्‍थु पशो लोव़मी तरवार खोदेंशो पा थोक्‍ब। तन्‍न जोक्‍ब तुइक्‍ब मुर आन लोव़मी सापाइक्‍ब। हितोपदेस १३:३

हितोपदेस 15:4

रिम्‍शो लोव़ मुर आन कली ब्रोंइचा गेब रवा खोदेंशो बाक्‍ब। तन्‍न दूली लोव़मी मुर आन थुं जिक्‍ब।

हितोपदेस 15:7

जोक्‍ब तुइक्‍ब मुर आन लोव़मी जोक्‍तीक फ्राइब। मूर्ख आन लोव़ मोदेंशो मबाक्‍ब।

हितोपदेस 17:16

मूर्ख आ गुइमी तुइक्‍तीक थुं ग्‍याप्‍चा कली क्‍येट मारदे माल्‍बा ङा?। मेको के शेंसीतीक थुं मबाक्‍ब।

हितोपदेस 5:12

मिनु गे “गो मारदे परमप्रभु आ शेंशो मपङा, माइ? मारदे आ हुइश्‍शो मटिङा माइ?

हितोपदेस 5:2

मोपा गे होस पा बाक्‍शा, जोक्‍शा लोव़ पने चाप्‍नेवे।

हितोपदेस 5:23

आंम कली चलेने मचाप्‍थु, हुइश्‍शो मटितीके मेको बेक्‍ब। आ मरिम्‍शो पतीकेम मेको जाम्‍शा लाइब।

हितोपदेस 6:32

मोपा मुर आन मीश नु इप्‍ब, निप्‍स मपाइश्‍शो मूर्ख बाक्‍ब। मोदेंशो पाइबमी आंम कली खतम सेल्‍ब।

उपदेसक 12:11

जोक्‍ब तुइक्‍ब आन लोव़ गोठला आन कोक्‍के खोदेंशो बाक्‍ब। मिनु मेको आन खुप्‍शो लोव़पुकी बोल्‍यो पा थोक्‍शो कांटी खोदेंशो बाक्‍ब। मेको नेल्‍ल गोठला का रे पान दुम्‍शो बाक्‍ब। यसैया २२:२३

यसैया 5:13

मोपतीके आं मुर मारेइ मतुइक्‍थु आन रागी रे ग्‍याइश्‍शा लाइक्‍चा पुंइसीनीम। मेको आन ठेयब मुरपुकी शोव़लुम बेक्‍नीम। आन हुल शुश ब्‍वाक्‍कु तूतू दाक्‍नीम।

येरमीया 15:16

इन लोव़ बाक्‍त हना, गो नोफा दाइश्‍शा नेंता। मेको आं कली ग्‍येरतीक नु आं थुं कली नाइक्‍पाइक्‍ब दुम्‍त। मारदे हना परमप्रभु यावे, मुर नेल्‍ल आन परमप्रभु, गो इन के नङ। ब्‍यवस्‍था ८:३; ब्‍यवस्‍था ३२:४६-४७; इजीकीएल ३:१-३; प्रकाश १०:८-९

येरमीया 3:15

मिनु गो इन कली आं थुं नु गारब गोठलापुकी गेनुङ। मिनु मेको जोक्‍ब नु रुप्‍ब दुम्‍शा, इन कली थुल्‍नीम। येरमीया २३:३-४; यसैया ४४:२८; इजीकीएल ३४:२३

होसे 4:6

आं मुर मारेइ मतुइक्‍तीके खतम दुम्‍नीम। मारदे हना गेपुकीमी तुइक्‍तीक कली ताइक्‍ताक्‍नी। मोपतीके गो यो इन कली आं कली चढ़ेब दुम्‍तीक रे ताइक्‍नन्‍नी। मारदे हना गेपुकीमी इन परमप्रभु, आं अरेशो लोव़ कली क्‍यारी मपनी। मोपतीके गो यो इन आल आन कली क्‍यारी मपाइनुङ।

मत्ती 12:35

रिम्‍शो थुं पाइश्‍शो मुरुमी रिम्‍शो लोव़ पाइब। मरिम्‍शो थुं पाइश्‍शो मुरुमी मरिम्‍शो लोव़ पाइब।

मत्ती 13:19

सुमी परमप्रभु यावे आ राज्‍य ङा लोव़ नेंशा मरुबा, मेको लांमी जुक्‍शो वांचेर खोदेंशो बाक्‍ब। सैतानमी आ रुप्‍शो क्‍याम्‍शा गेब।

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

१ पत्रुस 5:2

इन कली मार अर्ती गेनुङ देंशा हना, गे परमप्रभु यावे आ योव़शो मुर आन गोठला खोदेंशो दुम्‍शा, मेको आन कली रिम्‍शो पा कोव़ङीन। इन थुंमी “आं मदाक्‍शो गेय बाक्‍ब” दे मिम्‍शा ममाइ, तन्‍न “गो मेको गेय दाक्‍नुङ” दे ग्‍येरशा पने। “क्‍येट चेम्‍नुङ” दे मिम्‍शा ममाइ, तन्‍न रिम्‍शो शेंतीके गेय शुश पने। यूहन्‍ना २१:१६; प्रेरित २०:२८; १तिमोथी ३:२-७