फिलिप्‍पी 2:7 - Sunuwar Bible

⁷ मेको नेल्‍ल प्रोंइशा, वाइल खोदेंशो दुम्‍शा, मुर दुम्‍शा जरमेसाक्‍व। यसैया ५३:३; मत्ती २०:२८; २कोरिन्‍थी ८:९; हिब्रू २:१४,१७

फिलिप्‍पी 2:7 ပူးပေါင်းရင်းမြစ်များ

भजन संग्रह 22:6

गो चहिं मुर मदुम्‍‍थु, लुस्‍पु खोदेंशो दुम्‍ती। मुरपुकीम आं कली शुक्‍शी पा ग्रांग्रा दित्‍नीम। अय्‍युब २५:६; यसैया ४१:१४

यसैया 42:1

परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्‍येरसीब। गो मेको कली आं सोक्‍तीम प्रिंताक्‍ङ। मेकोमी रागी रागी ङा मुर आन कली ठीक निसाफ पाइ‍ब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७

यसैया 49:3

मिनु आं कली “गे आं गेय पाइब बाक्‍नेवे। गे इस्राएल नवे। इ पतीकेमी आं सक्ति कोंइ‍नुङ” देंत।

यसैया 53:11

मेको आ श्‍येत जशो रे मेकोमी छेङछेङ ताइब। मेको आ तुइक्‍तीकेमी शुश मुर आन कली ठीक पतीके तुइक्पाइक्‍ब। मेकोमी आन मरिम्‍शो पशो कुरब। १कोरिन्‍थी १:३०; यूहन्‍ना १:२९

दानीएल 9:26

मिनु ६२ हप्‍ता नोले मेको तेल लुक्‍शो का मारेइ मदुम्‍थु यो तिल्‍चा पुंइसीब। मिनु मेको जाक्‍चा चिक्‍शो पिप आ लडाइ पाइब नु जाक्‍शा, मेको सहर नु परमप्रभु यावे आ बाक्‍तीक खतम पोक्‍ब। मिनु मेको आ नुप्‍ची ना ठेयब भोल यिशा, नोले सम्‍म लडाइ दुम्‍ब। ङोंइती मोदेंशो खतम दुम्‍तीक श्‍येत आ पर्बम देंशो बाक्‍ब। यसैया २८:२२; लूका २१:२३-२४

जकरिया 3:8

यहोसु, नेल्‍ल क्‍येङा ठेयब चढ़ेब नु इ नेक्‍था बाक्‍ब इ खोदेंशो गेय पाइबपुकी नोफा दाइश्‍शा नेनीन। गो नोले आं गेय पाइब, राशी माइश्‍शो चाक्‍नुङ, मेकोपुकी मेको आ पर्बम चिन्‍ड बाक्‍नीम। यसैया ८:१८; जकरिया ६:१२; येरमीया २३:५; येरमीया ३३:१५

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

मत्ती 12:18

यसैयामी मार देंशो बाक्‍त देंशा हना “आं गेय पाइब कली कोव़ङीन। एको कली योव़ता। मिनु एको कली दाक्‍नुङ। एको कली तशा शुश ग्‍येरसीनुङ। आं सोक्‍तीम प्रिंशा, अर्को रागी ङा मुर आन कली दोपा ठीक दुम्‍चा, दे तुइक्‍पपाइक्‍ब। प्रेरित ३:१३,२६; मत्ती ३:१७

मत्ती 20:28

रागीम जरमेशो मान पपांइसीचा कली जाक्‍शो ममाइ। तन्‍न गेय पथ नु शुश मुर आन कली प्रोंइचा कली आ गिंम सोइक्‍थ जाक्‍शो बाक्‍ब” दे माइक्‍तीमी। फिलिप्‍पी २:७; १पत्रुस १:१८-१९

मर्कूस 9:12

येसुमी “एलीया ङोंइती जाक्‍शा, नेल्‍ल ठीक सेल्‍ब। मिनु रागीम जरमेशो श्‍येत जाइब नु महिक्‍सीशो दुम्‍ब, दे ब्रेक्‍शो बाक्‍बा, ममाइ ङा? मलाकी ३:१३; यसैया ५३:३-५

लूका 22:27

मान पा खमे योक्गमेनु, जाइब मुर आन कली मान पा ठेयब सेल्‍नीम। ख्रेप्‍ब मुर चहिं आइक्‍च दुम्‍ब। गो इन कली ख्रेप्‍ब मुर खोदेंशो दुम्‍शा गेय पाता। यूहन्‍ना १३:४-१४

यूहन्‍ना 1:14

मिनु लोव़ माइश्‍शो मुर दुम्‍शा, गोपुकी नु बाक्‍शो बाक्‍त। मेको शिशी पाइब नु परमप्रभु यावे आ लां कोंइब बाक्‍त। गोपुकीमी “परमप्रभु यावे आ कांइचीक तौ बाक्‍ब” दे तुइश्‍शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्‍थान ३३:१८; यसैया ६०:१; २पत्रुस १:१६-१७

रोमी 1:3

येसु ख्रीस्‍त पिप दाऊद आ थरमी मुर दुम्‍शा, जरमेशो बाक्‍माक्‍त। रोमी ९:५; २सामुएल ७:१२; मत्ती २२:४२

रोमी 15:3

ख्रीस्‍तमी यो आंमा दाक्‍शो मपव “इन कली पशो शुक्‍शी, आं तार मोंइसाक्‍व” दे ब्रेक्‍शो बाक्‍ब। भजन संग्रह ६९:९

रोमी 15:8

इं किकी पिपी आन कली गेशो लोव़ खाप्‍चा कली ख्रीस्‍त यहूदी आन कली पाप रे प्रोंइब दुम्‍त। मोपा परमप्रभु यावे आ देंशो थमा बाक्‍ब, दे कोंइचा कली मोदेंशो दुम्‍त। मत्ती १५:२४; प्रेरित ३:२५

रोमी 8:3

परमप्रभु यावेमी अरेशो लोव़ टिने मचाप्‍नीम, दे तुइश्‍शा, आ तौ कली पापी बुद पा रागीम सोइक्‍ताक्‍व। मोपा मेको कली मुर आन पाप आ पर्बम सजाइ गेप्‍तु। प्रेरित १८:३८; प्रेरित १५:१०; हिब्रू २:१७

२ कोरिन्‍थी 13:4

मारदे हना मेको मचाप्‍ब दुम्‍शा, शीम केप्‍शा कांटी थोक्‍शा क्‍याइश्‍शा साइक्‍चा पुंइसाक्‍व। तन्‍न परमप्रभु यावे आ सक्तिमी बेक्‍शो रे सेंचा पुंइसाक्‍व। मोदेंशो पा गो यो मेको नु मारेइ पने मचाप्‍ब दुम्‍नीकी। तन्‍न गेपुकी नु बाक्‍कानु, बेक्‍शो रे सेंचा पुंइसीशा, परमप्रभु यावे आ सक्ति तशो सक्ति पाइश्‍शो गेय कोंइनीकी।

२ कोरिन्‍थी 8:9

मारदे हना गे इं प्रभु येसु ख्रीस्‍त आ शिशी तुइक्‍नीनी। मेको शोंप पाइश्‍शो बाक्‍त हना यो इन पर्बम प्रुङग दुम्‍त। मेको प्रुङग दुम्‍तीकेम गे शोंप पाइश्‍शो दुमीन, दे मो पाप्‍तु। मत्ती ८:२०; फिलिप्‍पी २:७

गलाती 4:4

मिनु नोले परमप्रभु यावेमी वोइश्‍शो नाक्‍त आ तौ कली सोइक्‍ताक्‍व। मेको आ तौ मीश मुर रे परमप्रभु यावे आ अरेशो लोव़मी जरमेसाक्‍व। मर्कूस १:१५; एफिसी १:१०

फिलिप्‍पी 2:6

ख्रीस्‍त येसु परमप्रभु यावे नु उइक्‍थ दुम्‍शो बाक्‍त हना यो “परमप्रभु यावे नु उइक्‍थ दुम्‍ती” दे ममिम्‍थु, यूहन्‍ना १:१२; यूहन्‍ना १७:५

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०

हिब्रू 13:3

जेल्‍खानम चोक्‍चा पुंइसीशो आन कली काथा बाक्‍शो मिम्‍शा वारच पने। श्‍येत गेचा पुंइसीब आन कली तशा, आंम श्‍येत जशो खोदेंशो मिम्‍तीने। मत्ती २५:३६

हिब्रू 4:15

मारदे हना इं नेल्‍ल क्‍येङा ठेयब चढ़ेबमी इं चाप्‍तीक नु मचाप्‍तीक दोदेंशो बाक्‍बा, नेल्‍ल तुइक्‍ब। गोपुकी इं थुं थाम्‍चा पुंइसीशो खोदेंशो पा, आ यो थुं थाम्‍चा पुंइसाक्‍व। तन्‍न थुं थाम्‍चा पुंइसाक्‍व हना यो, पाप मपव। हिब्रू २:१८; यूहन्‍ना ८:४६