फिलिप्‍पी 2:3 - Sunuwar Bible

³ गेपुकी ठेयब लेश्‍शा “गो ठेयब नङ” दे मिम्‍शा, काइ गेय मपने। ब्रेम्‍शो थुंमी “मेको मुर आं क्‍येङा ठेयब बाक्‍ब” दे मिम्‍तीन। गलाती ५:२६; रोमी १२:१०

फिलिप्‍पी 2:3 ပူးပေါင်းရင်းမြစ်များ

हितोपदेस 13:10

ठेयब लेश्‍शो नु सुइ कली ममिम्‍ब मुर जिचा पोक्‍‍ब बाक्‍ब। तन्‍न अर्ती नेंब मुर तुइक्‍तीके नु बाक्‍ब। हितोपदेस १:५

लूका 18:14

परमप्रभु यावेमी मेको कली आ पाप क्‍याम्‍शा, ठीक दुम्‍पाइक्‍तु। मिनु ठीक दुम्‍शा, आ खिं लेत्‍त। फरिसी चहिं पाप क्‍याम्‍चा मतव। मारदे हना सुमी ठेयब सुंइ‍सीबा, मेको महिक्‍शो दुम्‍ब। ठेयब मसुंइ‍सीब कली चहिं परमप्रभु यावेमी ठेयब सेल्‍ब” दे येसुमी माइक्‍मी बाक्‍त। मत्ती २१:३१; लूका १४:११; मत्ती २३:१२

रोमी 12:10

लोक्‍बपुकीमी दाक्‍मुशो खोदेंशो पा दाक्‍मुशा बाक्‍कीन। आंम कली मान पचा मपुंइसीथु, अरु आन कली मान पने। यूहन्‍ना १३:४-१५; फिलिप्‍पी २:३

रोमी 13:13

नाक्‍ती छेङछेङ दुम्‍शो खोदेंशो पा रिम्‍शो गेय पय। छिङछिङ ङा गेय मार बाक्‍नीम देंशा हना, शुश जचा ब्‍वचा, दुक्‍शा हेंथे गाक्‍चा, तेल्‍लेम पा, ग्रांग्रा दिचा ङा गेय पचा, जिचा खेचा नु रुश पचा बाक्‍नीम। लूका २१:३४; एफिसी ५:१८

रोमी 2:8

तन्‍न आंम कली ला मिम्‍बपुकी, थमा लोव़ मटीबपुकी, जोल लोव़ थमा सुइक्‍बपुकी परमप्रभु यावे आ गाइश्‍शो चुरशो ताइनीम। २थिस्‍सलोनिकी १:८

१ कोरिन्‍थी 15:9

मारदे हना गो सोइश्‍शो आन दातेमी नेल्‍ल क्‍येङा आइक्‍च बाक्‍नुङ। आं कली सोइश्‍शो देंचा मशिरचा ङा बाक्‍नुङ। मारदे हना गो परमप्रभु यावे कली थमा सुइक्‍ब आन कली खेदा पाता। एफिसी ३:८; प्रेरित ८:३

१ कोरिन्‍थी 3:3

गे मुल सम्‍म रागी ङा मुर खोदेंशो बाक्‍नीनी। गे जीनीनी, रुश पाइनीनी। मिनु रागी ङा मुर खोदेंशो मदुम्‍नी ङा? १कोरिन्‍थी १:१०-११; १कोरिन्‍थी ११:१८

२ कोरिन्‍थी 12:20

मुल ग्रुम्‍यानु, मार दुम्‍बा, दो दुम्‍ब, दे थुं ग्‍येत्‍थ लुक्‍च पा बाक्‍नुङ। मारदे हना ग्रुम्‍यानु, आं दाक्‍शो खोदेंशो मपाइनीनी कों, गो यो इन दाक्‍शो खोदेंशो मपाइनुङा कों? मिनु मगारथु, जिचा बोक्‍शा, गेहे पमुशा, गाइश्‍शा, आंम कली ठेयब सेल्‍मुशा, शुक्‍शी पमुशा, मुर आन पर्बम मरिम्‍शो लोव़ पा नोफा मुइक्‍मुशा, ठेयब लेश्‍शा, खडङ मडङ दुम्‍नया कों? २कोरिन्‍थी १०:२

गलाती 5:15

गेपुकी कुचुम जिशा क्राइक्‍मुशो खोदेंशो पा जीतीनी हना, खतम दुम्‍नीकी, दे तुइक्‍तीन। याकूब ४:२

गलाती 5:26

मोपतीके ठेयब मसेल्‍सीय, मगाइक्‍मुय अरु आन कली रिम्‍शो दुम्‍शो तशा गेहे मपय। फिलिप्‍पी २:३

एफिसी 4:2

गेपुकी ब्रेम्‍शो दुम्‍शा, सुइ नु मचुरथु, रिम्‍शो पा बाक्‍कीन। मुर आन कली फाल्‍शा, मेकोपुकी नु रिम्‍शो पा दाक्‍मुने। कलस्‍सी ३:१२-१३

एफिसी 5:21

गेपुकी ख्रीस्‍त कली मान पा हिंशा बिम्‍मुने। १पत्रुस ५:५

फिलिप्‍पी 2:14

गेपुकीमी सुंइच मपथु, दाल्‍‍गीर मपथु, गेय पने।

कलस्‍सी 3:12

गेपुकी परमप्रभु यावे आ योव़शो, आंम आ दाक्‍शो मुर दुम्‍तीनी। मोपतीके शिशी पचा, रिम्‍शो पमुचा, ब्रेम्‍शो थुं पाइश्‍शो, ठेयब मलेत्‍थु टीब नु फाल्‍ब मुर दुमीने।

कलस्‍सी 3:8

मुल चहिं मेको नेल्‍ल ताइक्‍तीन। गाइक्‍चा, चुरचा, मरिम्‍शो पचा, अरु आन पर्बम मरिम्‍शो लोव़ पचा, ओल ओल लोव़ पचा ताइक्‍तीने। एफिसी ४:२९,३१

१ तिमोथी 6:4

मेको अरु लोव़ शेंब ठेयब लेश्‍शो मारेइ मजोक्‍ब बाक्‍नीम। आन लोव़ ला आ तार पशा, जिचा पोक्‍चा माल्‍नीम। मेकोपुकीमी गेहे पाइब, जीब, मरिम्‍शो लोव़ पाइब नु मरिम्‍शो मिम्‍ब सेल्‍नीम। २तिमोथी २:१४; तीतस ३:१०-११

१ पत्रुस 3:8

मिनु नोले गे नेल्‍ल थुं का ङा दुम्‍शा, मुर आन कली दाक्‍शा, इन लोक्‍ब नु दाक्‍मुने। ब्रेम्‍शो थुं पाइश्‍शो मुर दुमीन।

१ पत्रुस 5:5

मिनु गे ठिटापुकी, शेंब खाल्‍पा आन देंशो लोव़ टिने। गे नेल्‍ल ब्रेम्‍शो थुं पाइश्‍शो दुम्‍शा, गेय पमुने। मारदे हना परमप्रभु यावेमी ठेयब लेश्‍शो मुर आन कली मकोव़ब, ब्रेम्‍शो थुं पाइश्‍शो मुर आन कली ला शिशी पाइब। एफिसी ५:२१; अय्‍युब २२:२९; हितोपदेस ३:३४; मत्ती २३:१२; याकूब ४:६