फिलिप्‍पी 1:9 - Sunuwar Bible

⁹ आं प्रार्थना मार बाक्‍ब देंशा हना, इन दाक्‍चा शुश बारशा, रिम्‍शो नु मरिम्‍शो मार बाक्‍बा से रुप्‍‍ने चाप्‍नील, दे पुंइशा, परमप्रभु यावे नु लोव़ पचा बाक्‍ब। फिलेमोन ६

फिलिप्‍पी 1:9 ပူးပေါင်းရင်းမြစ်များ

अय्‍युब 17:9

मिनु ठीक पाइब मुर आंम लां रिम्‍शो पा गाक्‍नीम। मोदेंशो मुर बोल्‍यो क्‍येङा यो बोल्‍यो दुम्‍ना दुम्‍न लाइनीम।

भजन संग्रह 119:66

आं कली रुप्‍ब नु तुइक्‍ब सेलीन। मारदे हना गो इन शेंतीके थमा सुइक्‍नुङ।

हितोपदेस 4:18

तन्‍न ठीक पाइब आन लां सुनी ङा छेङछेङ खोदेंशो बाक्‍ब। मेको नाक्‍ती उइक्‍थ दुम सम्‍म बारना बारन शुश छेङछेङ दुम्‍ब। हितोपदेस २४:२०

१ कोरिन्‍थी 14:20

आं लोक्‍बपुकी, आलमी मिम्‍शो खोदेंशो पा ममिम्‍तीने। मरिम्‍शो गेय पचा कली मजोक्‍ब आल खोदेंशो दुम्‍शा बाक्‍कीने। तन्‍न इन मिम्तीकेमी निप्‍स पाइश्‍शो मुरुम मिम्‍शो खोदेंशो पा मिम्‍तीन। एफिसी ४:१४; यसैया २८:११-१२

२ कोरिन्‍थी 8:7

गे मार पाइतीनी हना यो, शुश पाइतीनी। इन थमा सुइक्‍चा, इन लोव़ पस जोक्‍चा, इन तुइक्‍चा, इन रिम्‍शो गेय पतीके नु इन आंइ कली दाक्‍तीकेमी शुश गेय पाइनीनी। मुल गे मेको दाक्‍तीक गेयमी यो रिम्‍शो गेय कोंइताक्‍नी। १कोरिन्‍थी १:५; १कोरिन्‍थी १६:१-२

एफिसी 5:17

मोपतीके गेपुकी मूर्ख मदुमीन, प्रभु आ दाक्‍शो मार बाक्‍मे मेको रुपीन।

कलस्‍सी 1:9

मिनु मेको लोव़ नेंस्‍कु रे इन कली मिम्‍शा, प्रार्थना पना पन बाक्‍तस्‍कु। मार प्रार्थना पाइतस्‍कु देंशा हना “कलस्‍सीपुकीमी इन दाक्‍शो मार बाक्‍बा, मेको तुइक्‍तमेक्‍ल। परमप्रभु यावे, इन सोक्‍त ङा तुइक्‍तीके नु रुप्‍तीके शुश तामेक्‍ल। एफिसी १:१५-१७

कलस्‍सी 3:10

रिम्‍शो पाइब नक मुर दुमीन। परमप्रभु यावेमी इन थुं आ थुं खोदेंशो पा नक सेल्‍ना सेल्‍न बाक्‍ब। मारदे मो पाइब देंशा हना, आंम कली नेल्‍ल तुइक्‍पाइक्‍चा कली मोदेंशो पाइब। एफिसी ४:२४; उत्‍पत्ती १:२६-२७

१ थिस्‍सलोनिकी 3:12

गोपुकीमी इन कली शुश दाक्‍शो खोदेंशो पा प्रभुमी इन दाक्‍चा शुश बारपाइश्‍शा, दाक्‍मुचा नु अरु आन कली यो दाक्‍ब दुमीन।

१ थिस्‍सलोनिकी 4:1

मिनु आंइ नोले ङा लोव़, आं लोक्‍बपुकी, प्रभु येसु आ नेंमी इन कली शुश शेंतीक नु अरेतीक लोव़ पाइनीकी। गेपुकी आंइ कली दोपा बाक्‍शो तनी, मोपा बाक्‍शा, परमप्रभु यावे कली ग्‍येरपतीन। गेपुकी मेको क्‍येङा यो शुश रिम्‍शो पने।

२ थिस्‍सलोनिकी 1:3

आंइ लोक्‍बपुकी, इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंचा ठीक बाक्‍ब। मारदे हना इन थमा सुइक्‍तीके हु बारशा, इन दाक्‍मुतीक यो बारना बारन लाइब। १थिस्‍सलोनिकी १:२-३

फिलेमोन 1:6

इ थमा सुइश्‍शोमी रिम्‍शो गेय शुश पाइनेवे। मिनु दोपा रिम्‍शो गेय पवी, मोपान परमप्रभु यावेमी ख्रीस्‍त कली तुइक्‍तीके बारना बारन लपदल, दे प्रार्थना पाइनुङ। फिलिप्‍पी १:९

हिब्रू 5:14

पाको दुम्‍शो आन कली चहिं खमे गेंसीब। मेकोपुकीमी परमप्रभु यावे आ गेय पना पन मार रिम्‍शो बाक्‍मे, मार मरिम्‍शो मेको तुइक्‍नीम।

१ पत्रुस 1:22

दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।

२ पत्रुस 3:18

तन्‍न इं प्रभु, इं कली पाप रे प्रोंइब येसु ख्रीस्‍त आ शिशी नु मेको कली तुइक्‍तीकेम बारना बारन लल। मेको कली मुल नु गेना हना यो ठेयब सेल्‍य। आमेन।