फिलिप्‍पी 1:27 - Sunuwar Bible

²⁷ गे इन नाक्‍त किंत किंत ङा पतीकेमी ख्रीस्‍त आ ग्‍येरपाइक्‍ब लोव़ कली शिरशो दुम्‍शा बाक्‍कीन। गो गेपुकी नु बाक्‍ती हना यो, मबाक्‍ती हना यो, इन सोक्‍त का दुम्‍शा, इन थुं का दुम्‍शा, ग्‍येरपाइक्‍ब लोव़ ङा थमा सुइक्‍तीके गेय पा वारच पमुने।

फिलिप्‍पी 1:27 ပူးပေါင်းရင်းမြစ်များ

१ इतिहास 19:12

मिनु योआबमी “अरामीपुकी आं क्‍येङा ग्राचा चिक्‍ताक्‍म हना, गे आं कली वारच पथ पिवो। अम्‍मोनी इं क्‍येङा ग्राचा चिक्‍ताक्‍म हना, गो इ कली वारच पथ पीनुङ।

भजन संग्रह 122:3

यरूसलेम रिम्‍शो पा सेल्‍शो सहर बाक्‍ब। मेकेर खिं नेक्‍नेक्‍था बाक्‍नीम।

भजन संग्रह 133:1

लोक्‍बपुकी गारशा बाक्‍चा शुश रिम्‍शो बाक्‍ब। उत्‍पत्ती १३:८

हितोपदेस 22:23

मारदे हना परमप्रभु यावेमी मेको आन कली वारच पाइब। मेकोमी मेको रोइक्‍ब आन ब्रोंइतीक रोइक्‍ब।

येरमीया 32:39

गो मेको आन कली थुं का दुम्‍तीक नु गाक्‍तीक लां का गेनुङमी। मेकोपुकी गेना हना यो आं कली मान पा हिंनीम। मेको आंम आन कली नु आन आल आन कली रिम्‍शो दुम्‍ब। इजीकीएल ३६:२७

मत्ती 12:25

मिनु येसुमी मेको आन मिम्‍शा लोव़ पशो तुइश्‍शा, मेको आन कली “राज्‍य का ङा मुरपुकी जिशा ब्राशा गाक्‍तेक्‍म हना, राज्‍य जाम्‍शा लाइब। सहर का ङा मुरपुकी जिशा ब्राशा गाक्‍तेक्‍म हना, सहर नुप्‍ब। खिं का ङा मुरपुकी यो जिम्‍तेक्‍म हना, मेको खिं मलीब। मत्ती ९:३४

प्रेरित 2:46

मिनु नाक्‍त किंत किंत परमप्रभु यावे आ खिंमी ग्रुम्‍शा शेंसीबाक्‍मा बाक्‍त। खिं खिं हिरशा, प्रभु भोज जाइबाक्‍मा बाक्‍त। हाइश्‍शो थुं ङा दुम्‍शा, जचा तूचा योक्‍शा, ग्‍येरसीशो दुम्‍शा,

प्रेरित 24:24

इच्‍का नाक्‍त नोले हुकुम पाइब फेलीक्‍स नु आ मीश द्रुसील्‍ला जाक्‍सा बाक्‍त। आ मीश यहूदी तमी बाक्‍माक्‍त। मिनु पावल कली चाक्‍पाइश्‍शा, ख्रीस्‍त कली थमा सुइक्‍चा आ पर्बम लोव़ पपदसे बाक्‍त।

प्रेरित 4:32

मिनु थमा सुइक्‍ब आन थुं नेल्‍ल कांइचीक दुम्‍शा, मेकोपुकी नु बाक्‍शो मारेइ मारेइ नेल्‍ल इं के मिम्‍बाक्‍मा बाक्‍त। सुइमी यो आं के, इं के मदेंबाक्‍मा बाक्‍त। प्रेरित २:४४

रोमी 1:16

ग्‍येरपाइक्‍तीक लोव़ शेंना शेंन गाक्‍ङानु, मुने मपथु, शेंनुङ। मारदे हना मेको लोव़मी परमप्रभु यावे पाप रे प्रोंइतीक सक्ति बाक्‍ब। मेको लोव़ ङोंइती यहूदी आन कली तुइक्‍पाइश्‍शो बाक्‍माक्‍त। नोले ग्रीक आन कली यो तुइक्‍पाइश्‍शो बाक्‍माक्‍त। भजन संग्रह ११९:४६; २तिमोथी १:८; १कोरिन्‍थी १:१८,२४

रोमी 1:5

मिनु येसु ख्रीस्‍तमी नेल्‍ल अर्को रागी ङा मुर आन कली आ लोव़ तुइक्‍पाइक्‍चा कली शिशी पा योव़ती। मुरपुकीमी येसु ख्रीस्‍त आ लोव़ टीमेक्‍ल देंशा, शेंथ सोइक्‍ताक्‍यी। रोमी १५:१८; प्रेरित २६:१६-१८; गलाती २,७,९

रोमी 1:9

मिनु गो परमप्रभु यावे आ सांकछी बाक्‍ब। गो गेय पना पान नु आ तौ आ ग्‍येरपाइक्‍ब लोव़ शेंना शेंन बाक्‍नङ। गो इन पर्बम परमप्रभु यावे कली पुंइना पुंइन बाक्‍नुङ, मेको थमा बाक्‍ब। एफिसी १:१६

रोमी 10:8

तन्‍न मार देंशो बाक्‍त हना “मेको लोव़ इं नेक्‍था, इ थुं नु इ शोव़मी बाक्‍ब” देंशो बाक्‍त। मेको थमा सुइक्‍तीक लोव़ कली शेंनीकी।

रोमी 15:16

गो रागी रागी ङा मुर आन कली ख्रीस्‍त येसु आ गेय पाइब दुम्‍ती। गो चढ़ेब खोदेंशो पा परमप्रभु यावे आ गेय पाइनुङ। परमप्रभु यावे आ सोक्‍त आ पतीकेमी रागी ङा मुर नेल्‍ल आ दाक्‍शो चढे़तीक खोदेंशो दुम्‍मल। रोमी ११:३३

रोमी 15:29

इन बाक्‍तीके जाक्‍ङानु, ख्रीस्‍त आ आसीकम जाक्‍नुङ, दे तुइक्‍ताक्‍ङ।

१ कोरिन्‍थी 1:10

आं लोक्‍बपुकी, इं प्रभु येसु ख्रीस्‍त आ नेंमी, इन कली अर्ती गेनन्‍नी। लोव़ का, शोव़ का नु थुं का दुम्‍शा बाक्‍चा मप्रोनीन। १कोरिन्‍थी ११:१८; रोमी १५:५; फिलिप्‍पी २:२

१ कोरिन्‍थी 15:58

मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।

२ कोरिन्‍थी 13:11

आं लोक्‍बपुकी, मुल रिम्‍शो बाक्‍कीन। रिम्‍शो पने। आं लोव़ नेंशा टीब दुमीने। इन दातेमी गारमुने। थुं नाइश्‍शा बाक्‍कीने। दाक्‍तीक नु थुं नाइक्‍तीक गेब परमप्रभु यावे गेपुकी नु बाक्‍ल। फिलिप्‍पी ४:४; रोमी १५:३३

२ कोरिन्‍थी 4:4

मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। हिब्रू १:३

२ कोरिन्‍थी 9:13

एको क्‍येट पोक्‍तीक गेय पशा इन टितीक नाक्‍सीशो बाक्‍ब। मिनु गे परमप्रभु यावे कली ठेयब सेल्‍शो बाक्‍नीनी। मिनु इन हाइश्‍शा मेको आन कली नु अरु आन कली गेशोमी गे ख्रीस्‍त आ ग्‍येरपाइक्‍ब लोव़ तुइक्‍ब बाक्‍नीनी, दे कोंइनीनी।

गलाती 1:7

थमा लोव़ चहिं का ला बाक्‍ब, दे रुपीन। ख्रीस्‍त आ ग्‍येरपाइक्‍ब लोव़ दूली पा शेंबपुकी जाक्‍शा, आन दूली शेंशोमी इन थुं क्‍याल्‍पाइक्‍तेक्‍म। प्रेरित १५:१,२४

एफिसी 1:13

मिनु गेपुकीमी यो “येसु ख्रीस्‍तमी पाप रे प्रोंइब” देंशो थमा ग्‍येरपाइक्‍ब लोव़ नेंतीनी। ख्रीस्‍त कली थमा सुइक्‍तीनी। मिनु परमप्रभु यावेमी ङोंइती देंशो खोदेंशो पा आ सोक्‍तीमी छाप थोक्‍सीशो बाक्‍तीनी। एफिसी ४:३०

एफिसी 1:15

गेपुकी प्रभु येसु कली थमा सुइक्‍तीनी। अरु थमा सुइक्‍ब आन कली दाक्‍ताक्‍नी, दे गो इन पर्बम लोव़ नेंता।

एफिसी 4:1

गो प्रभु आ पर्बम ग्‍याइक्‍चा पुंइसीब, इन कली अरेनुङ। गेपुकी परमप्रभु यावे आ ब्रेश्‍शो दुम्‍शो बाक्‍नीनी। मोपतीके परमप्रभु यावे कली शिरशो गेय पने।

फिलिप्‍पी 1:5

ङोंइती रे मुल सम्‍म ग्‍येरपाइक्‍ब लोव़ पचा कली आं कली वारच पाइतीनी।

फिलिप्‍पी 2:12

आं दाक्‍शो लोक्‍बपुकी, गेपुकीमी नेल्‍ल नाक्‍त आं देंशो टीतीनी। गो बाक्‍ङानु ला ममाइ, गो मबाक्‍ङानु यो मेको क्‍येङा शुश रिम्‍शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। १पत्रुस १:१७

फिलिप्‍पी 2:24

प्रभुमी आं कली एकेर रे प्रोंइब, दे थमा सुइक्‍नुङ। मिनु गो यो इच्‍का नाक्‍त नोले जाक्‍नुङ। फिलिप्‍पी १:२५

फिलिप्‍पी 3:18

गो इन कली का निक्‍शी मुर आन पर्बम लोव़ पाता। मुल आं थुं खाइश्‍शा, ङाक्‍शा लोव़ पाइनुङ। मारदे हना मेकोपुकी ख्रीस्‍त आ जोरी सत्रु दुम्‍शा, आ बेक्‍शो आ पर्बम मारेइ ममिम्‍नीम। १कोरिन्‍थी १:२३; गलाती ६:१२

फिलिप्‍पी 3:20

तन्‍न इं बाक्‍तीक स्‍वर्गम बाक्‍ब। मारदे हना गो स्‍वर्ग ङा मुर नय। मेकेर रे इं पाप रे प्रोंइब प्रभु येसु ख्रीस्‍त जाक्‍ब, दे रिम्‍नय। एफिसी २:६; कलस्‍सी ३:१; हिब्रू १२:२२; तीतस २:१३

फिलिप्‍पी 4:1

मोपतीके आं दाक्‍शो लोक्‍बपुकी, प्रभु कली थमा सुइश्‍शा, खोइल थेक्‍शा बाक्‍कीन। गो इन कली दाक्‍शा शुश मिम्‍नुङ। गेपुकीम आं कली ग्‍येरपाइश्‍शा, आं ग्रातीक सिरपेच खोदेंशो दुम्‍तीनी। २कोरिन्‍थी १:१४; १थिस्‍सलोनिकी २:१९-२०

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

कलस्‍सी 1:4

मारदे हना गेपुकी ख्रीस्‍त येसु कली थमा सुइक्‍तीनी। मिनु थमा सुइक्‍ब नेल्‍ल आन कली दाक्‍नीनी, देंशो नेंतस्‍कु।

१ थिस्‍सलोनिकी 3:6

मिनु तिमोथी इन कली ग्रुम्‍थ पिशा, लेश्‍शा जाक्‍त। मेकोमी इन थमा सुइक्‍तीके नु इन दाक्‍तीके रिम्‍शो बाक्‍ब। गेपुकी आंइ कली गेना हना यो शुश मिम्‍नीनी, गोपुकी खोदेंशो पा आंइ कली ग्रुम्‍चा दाक्‍नीनी, दे तिमोथीमी आंस कली देंत। प्रेरित १८:५

१ थिस्‍सलोनिकी 4:1

मिनु आंइ नोले ङा लोव़, आं लोक्‍बपुकी, प्रभु येसु आ नेंमी इन कली शुश शेंतीक नु अरेतीक लोव़ पाइनीकी। गेपुकी आंइ कली दोपा बाक्‍शो तनी, मोपा बाक्‍शा, परमप्रभु यावे कली ग्‍येरपतीन। गेपुकी मेको क्‍येङा यो शुश रिम्‍शो पने।

१ तिमोथी 1:11

मेको थमा शेंतीके नु नेल्‍ल आसीक पाइश्‍शो परमप्रभु यावे आ ग्‍येरपाइक्‍ब लोव़ शेंब सेल्‍ती।

१ तिमोथी 1:19

थमा सुइक्‍तीके नु इ थुं ङा रिम्‍शो मिम्‍तीके टिशा बाक्‍को। आन थुं ङा रिम्‍शो मिम्‍तीके कली मटीब का निक्‍शीमी थमा सुइक्‍चा प्रोंइतेक्‍म। १तिमोथी ३:९; १तिमोथी ६:१०

२ तिमोथी 4:7

गो थमा सुइश्‍शा ग्राती। दाम पशो खोदेंशो पा ग्राती। थमा सुइक्‍चा मप्रोंइथु बाक्‍ती। १कोरिन्‍थी ९:२५; १तिमोथी ६:१२; प्रेरित २०:२४; फिलिप्‍पी ३:१४

तीतस 2:10

खुइ पचा मदुम्‍ब, नेल्‍ल गेयमी थम रिम्‍शो पाइब दुम्‍चा माल्‍नीम। मोदेंशो रिम्‍शो गेय पा इं कली पाप रे प्रोंइब परमप्रभु यावे आ शेंतीके रिम्‍शो लोव़ बाक्‍ब, दे कोंइनीमी। मेको शेंचा माल्‍नेवे।

फिलेमोन 1:5

मारदे हना गे थमा सुइक्‍ब नेल्‍ल आन कली शुश दाक्‍शो नु इ येसु ख्रीस्‍त कली थमा सुइश्‍शो आ पर्बम नेंता।

याकूब 3:18

थुं नाइश्‍शा बाक्‍ब मुरपुकी ठीक गेय पशा, मुरपुकी नु दुशा गारशा बाक्‍नीमी। मेको परमप्रभु यावे आ गेशो ठीक पतीकेमी बाक्‍ब। फिलिप्‍पी १:११; मत्ती ५:९

२ पत्रुस 3:11

मोदेंशो दुम्‍मेनु, नेल्‍ल मीम ग्रोइश्‍शा, मारेइ मलीब। मोपतीके गेपुकी परमप्रभु यावे कली थमा सुइश्‍शा, आ देंशो लोव़ टिशा, पाप रे ङोन बाक्‍शा, परमप्रभु आ नेक्‍था बाक्‍चा माल्‍नीनी।

२ पत्रुस 3:14

आं दाक्‍शो लोक्‍बपुकी, मोदेंशो रिम्‍शा, गल्‍ती मपाइब नु दोस मताइब दुम्‍चा कली शुश गेय पने। परमप्रभु यावेमी इन कली मोदेंशो पशो नु थुं नाइश्‍शा बाक्‍शो ग्रुम्‍चा दाक्‍ब। १कोरिन्‍थी १:७-८

यहूदा 1:3

आं दाक्‍शो लोक्‍बपुकी, गो इन कली इं पाप रे प्रोंइतीक आ पर्बम ब्रेक्‍चा दाक्‍ती। थमा सुइक्‍तीके आ पर्बम दोपा गेय पचा, दे इन कली शेंचा दाक्‍ताक्‍ङ। मेको थमा सुइक्‍तीक पाप रे ङोन बाक्‍ब आन कली ङोंइती रे शेंने थुम्‍शो बाक्‍त। १तिमोथी १:१८