फिलिप्‍पी 1:26 - Sunuwar Bible

²⁶ मारदे हना गो इन कली लेंशा ग्रुम्‍थ जाक्‍नुङ, गेपुकीमी आं जाक्‍शो आ पर्बम ख्रीस्‍त येसु कली ठेयब सेल्‍नीनी।

फिलिप्‍पी 1:26 ပူးပေါင်းရင်းမြစ်များ

ठेयब कुम्सो 5:1

ए आं समी, आं ग्‍युम्‍ली, गो आं फल फुल रूमी जाक्‍ती। गो आं ब्रोव़शो रिना पाइश्‍शो मूरे नु मस्‍ला खुप्‍ताक्‍ङमी। गो आं सुरबु चाका नु आं खुदो जाइनुङ। गो आं अङगुर शांबु नु आं दूध तूनुङ। ए वारचपुकी, जने तूङीन। वारचपुकी दाक्‍तीकेम दुक्‍शो खोदेंशो दुमीन।

यूहन्‍ना 16:22

मिनु मेको खोदेंशो पा गेपुकी मुल थुं खाइश्‍शो बाक्‍नीनी। तन्‍न गो इन कली लेंशा तङानु, गेपुकी थमा पा ग्‍येरसीनीनी। मिनु इन ग्‍येरसीशो सुइमी क्‍याम्‍ने मचाप्‍नीम।

यूहन्‍ना 16:24

मुल सम्‍म गेपुकीमी आं नेंमी मारेइ मपुंइनी। पुनीन, मिनु इन पुंइशो ताइनीनी। मेको तशा, गेपुकी थमा पा ग्‍येरसीनीनी।

२ कोरिन्‍थी 1:14

गे दोपा आंइ पर्बम इन नें बोरपाइक्‍ने चाप्‍नीनी, मोपान इं प्रभु येसु आ नाक्‍ती जाक्‍मेनु, गोपुकीमी इन कली तशा, आंइ नें बोरपाइक्‍ने चाप्‍नीकी। २कोरिन्‍थी ५:१२; फिलिप्‍पी २:१६

२ कोरिन्‍थी 5:12

गो आंइ कली इन ङोंइती ठेयब मसेल्‍सीनीकी। तन्‍न आंइ पर्बम बोरशा, आंम आन कली ठेयब सेल्‍सीबपुकीमी शोव़मी ला गेय पाइनीम। थुंमी मारेइ ममिम्‍नीम। मोदेंशो मुर आन कली लोव़ लेत्‍चा कली आंइ देंशो लोव़ तुइक्‍ब दुमीने। २कोरिन्‍थी ३:१; २कोरिन्‍थी १०:१२

२ कोरिन्‍थी 7:14

मोदेंशो पा तीतस कली यो “कोरिन्‍थीपुकीमी आं लोव़ टीनीमी, रिम्‍शो पाइनीम” दे थमा लोव़ पशो नङ। मुल तीतसमी इन कली आं लोव़ टिशो तशा, थमा बाक्‍माक्‍त, दे तुइक्‍ताक्‍व। मोपा आं कली मुने मतोक्‍नी। मोपतीके आं नें बोरपा बाक्‍ती।

२ कोरिन्‍थी 7:4

मिनु इन कली तशा, ग्‍येरसीशा, आं थुं बोरनुङ। आं थुं नाइक्‍सीशा बारना बारन लत। श्‍येत जाता हना यो, इन कली तशा गो ग्‍येरस ङा ग्‍येरस बाक्‍ती।

२ कोरिन्‍थी 7:6

तन्‍न परमप्रभु यावेमी आइक्‍च थुं पाइश्‍शो आन कली आन थुं बारपाइक्‍ब। मिनु तीतस जाक्‍शा आंइ थुं बारपाइक्‍तु। मिनु आंइ थुं बारत। २कोरिन्‍थी २:१३

गलाती 6:4

परमप्रभु यावे आ सोक्‍तीम गेय पङा कों, आंम दला दाक्‍स पङा कों, दे का का पा मिम्‍शा तुइक्‍तीने। मिनु ला गे “गो रिम्‍शो पाता” देंने चाप्‍नीनी। २कोरिन्‍थी १३:५

फिलिप्‍पी 3:1

आं दाक्‍शो लोक्‍बपुकी आं नोले ङा लोव़ मार बाक्‍ब देंशा हना, प्रभु नु बाक्‍शा ग्‍येरसीने। मोदेंशो लोव़ गो इन कली ब्रेक्‍ना ब्रेक्‍न बाक्‍ती हना यो, श्‍येत ममिम्‍नुङ। मेको इन कली बोल्‍यो दुम्‍चा कली बाक्‍ब। फिलिप्‍पी २:१८; फिलिप्‍पी ४:४

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

फिलिप्‍पी 4:10

गो प्रभु नु बाक्‍शा शुश ग्‍येरसीनुङ। मारदे हना शुश नाक्‍त नोले गे आं कली लेंशा मिम्‍ताक्‍नी। गेपुकीमी आं कली नेल्‍ल नाक्‍त थमा पा मिम्‍शा बाक्‍तीनी। तन्‍न ङोंइती मारेइ सोइक्‍ने मचाप्‍शो बाक्‍तीनी। मुल चहिं सोइक्‍ताक्‍यीनी।

फिलिप्‍पी 4:4

प्रभु नु बाक्‍शा गेना हना यो ग्‍येरसीन। गो लेंशा “ग्‍येरसीने” देंनुङ। फिलिप्‍पी ३:१; २कोरिन्‍थी १३:११; १थिस्‍सलोनिकी ५:१६