फिलेमोन 1:19 - Sunuwar Bible

¹⁹ एको लोव़ गो पावलमी आंम आं गुइमी ब्रेक्‍ताक्‍ङ। लोव़ थोक्‍शा, मार थाप्‍चा माल्‍शो बाक्‍मे, मेको नेल्‍ल थाप्‍नुङ। तन्‍न गोमी साइ इ कली वारच पशो यो मिम्‍चा माल्‍नेवे, दे इन कली देंनुङ।

फिलेमोन 1:19 ပူးပေါင်းရင်းမြစ်များ

उत्पत्ती 43:9

गो एको आ जमानी दुम्‍नुङ। गो लेश्‍शा जाक्‍ङा‍नु, गो एको कली चाक्‍शा, इन ङोंइती मवोइक्‍ता हना, गेना हना यो आं पाप लील।

रोमी 16:22

पावलमी अरेशा ब्रेक्‍पाइश्‍शो एको चिठी ब्रेक्‍ब गो तेरतीयस नङ। मिनु प्रभु आ नेंमी गो यो इन कली “रिम्‍शो बाक्‍कीन” दे ब्रेक्‍ताक्‍ङ।

१ कोरिन्‍थी 4:15

ख्रीस्‍त आ पर्बम अर्ती गेब शेंब मुर शुश बाक्‍मा माइ। तन्‍न इन आफ खोदेंशो मुर शुश मबाक्‍नीम। मारदे हना गो इन कली येसु ख्रीस्‍त आ ग्‍येरपाइक्‍ब लोव़ शेंशा, इन आफ दुम्‍ती। १कोरिन्‍थी ९:२; गलाती ४:१९

२ कोरिन्‍थी 10:1

गो, ख्रीस्‍त आ ब्रेम्‍शो नु रिम्‍शो पतीकेमी, इन कली शेंना शेंन बाक्‍नुङ। गो इन नेक्‍था बाक्‍शा, ब्रेम्‍शो लोव़ पाइनुङ। तन्‍न गो ङोन बाक्‍ती हना, हुइश्‍शा लोव़ पाइनुङ।

२ कोरिन्‍थी 3:2

मोदेंशो आंइ कागज चहिं गेपुकी दुम्‍तीनी। गे आंइ थुंमी ब्रेक्‍शो बाक्‍नीनी। मिनु मुर नेल्‍लेमी इन पर्बम तुइक्‍ने चाप्‍नीम। १कोरिन्‍थी ९:२

२ कोरिन्‍थी 9:4

मारदे हना गो इन बाक्‍तीके जाक्‍ङानु, मासीडोनीया ङा मुर आन ङोंइती गे क्‍येट मपोक्‍थु बाक्‍शा मुने मदोक्‍कीन, दे मेको सां आन कली इन बाक्‍तीक सोइक्‍ताक्‍ङ।

गलाती 5:2

गो पावलमी “ख्रोइक्‍तीक चिनु रिती थिती पाइतीनी हना, ख्रीस्‍त इन पा ङा बेक्‍शो, शोर गाक्‍शो मदुम्‍बा ङा? शोर गाक्‍शो दुम्‍ब” देंनुङ।

गलाती 6:11

ठेयब ठेयब अच्‍छेर ब्रेक्‍शो तशा, पावल आ ब्रेक्‍शो बाक्‍त, दे तुइक्‍नीनी।

१ तिमोथी 1:2

गे थमा सुइक्‍ब, आं दाक्‍शो तौ खोदेंशो तिमोथी, इ कली चिठी ब्रेक्‍ताक्‍ङ। इं आफ परमप्रभु यावे नु प्रभु येसु ख्रीस्‍त आस दाक्‍चा गे नु बाक्‍ल। आस शिशीमी इ कली थुं नाइश्‍शा बाक्‍चा गेम्‍सेक्‍ल। प्रेरित १६:१-२; तीतस १:४

तीतस 1:4

तीतस, एको चिठी इ कली ब्रेक्‍ताक्‍ङ। गो निक्‍शी इस के थमा सुइक्‍तीक का दुम्‍शा, गे आं तौ खोदेंशो दुम्‍ते। इं आफ परमप्रभु यावे नु इं पाप रे प्रोंइब येसु ख्रीस्‍तमी इ कली शिशी नु थुं नाइक्‍चा गेम्‍सेक्‍ल। १तिमोथी १:२

फिलेमोन 1:18

साइ इ कली मरिम्‍शो पशो बाक्‍त हना यो, इ कली मेकोमी मारेइ थाप्‍चा माल्‍शो बाक्‍त हना यो, मेको नेल्‍ल गो गारपाइक्‍नुङ।