ओबदिया 1:12 - Sunuwar Bible

¹² तन्‍न गे इ लोक्‍ब श्‍येत जवानु, मेको कली मदिप्‍चा माल्‍शो नवे। यहूदा ङा मुर खतम दुम्‍मा नाक्‍त गे मग्‍येरसीचा माल्‍शो नवे। मेकोपुकी श्‍येत जामे नाक्‍ती गे ठेयब लेश्‍शो लोव़ मपचा माल्‍शो नवे।

ओबदिया 1:12 ပူးပေါင်းရင်းမြစ်များ

अय्‍युब 18:20

पच्‍छिम ङा मुरपुकी मेको आन श्‍येत जशो नेंशा हिंनीम। पूर्ब ङा मुरपुकी शुश हिंशा ख्रिंख्रि पाइनीम। भजन संग्रह ३७:१३

अय्‍युब 31:29

गो आं कली काइ मदाक्‍बपुकीमी श्‍येत जशो तशा ग्‍येरशो बाक्‍ती हना, मेको आन कली मरिम्‍शो दुम्‍तीकेम सुमानु, ग्‍येरसीशो बाक्‍ती हना, हितोपदेस २४:१७; भजन संग्रह ५:५; भजन संग्रह ३५:१३-१४

भजन संग्रह 22:17

गो आं रुश का का पा हिक्‍ने चाप्‍नुङ। मेकोपुकीमी आं कली शुक्‍शी पा कोव़स ङा कोव़स बाक्‍नीम।

भजन संग्रह 31:18

ठेयब लेश्‍शो मुरपुकीम ठीक पाइब आन कली आइक्‍च सेल्‍शा, मरिम्‍शो पाइनीम। जोल पा लोव़ पाइनीम। मेको आन शोव़ ख्रेप्‍तीन।

भजन संग्रह 35:15

तन्‍न गो दाइल पांइसीङानु, मेकोपुकी रिश्‍शा, आं पर्बम शुक्‍शी पचा कली बुक्‍तेक्‍म। आं मतुइश्‍शो शुक्‍शी पाइबपुकी आं कली मरिम्‍शो पचा कली बुक्‍तेक्‍म। मिनु मेकोपुकीम आं कली शुक्‍शी पस ङा पस पतीमी।

भजन संग्रह 37:13

तन्‍न परमप्रभु मेको आन कली तशा, रिप्‍ब। मारदे हना मेको आन नाक्‍त नुप्‍शो तुइश्‍शो बाक्‍ब। अय्‍युब १८:२०

भजन संग्रह 54:7

गे आं श्‍येत नेल्‍ल रे प्रोंइतीनी। मिनु गो आं जोरी सत्रु आन कली ग्राती।

भजन संग्रह 59:10

परमप्रभुम आं कली गेना हना यो दाक्‍तीकेम ग्रुम्‍ब। मिनु मेकोमी आं कली आं जोरी सत्रु आन कली ग्रापाइक्‍ब।

भजन संग्रह 92:11

गो आं जोरी सत्रु ब्रुशो तशा ग्‍येरसीनुङ। आं कली मरिम्‍शो पाइबपुकी खतम दुम्‍शो लोव़ नेंशा, ग्‍येरसीनुङ।

हितोपदेस 17:5

सुम प्रुङग आन कली शुक्‍शी पाइबा, मेकोमी आ कली सेल्‍ब, परमप्रभु यावे कली आइक्‍च सेल्‍ब। सु मुर आन कली श्‍येत जशो तशा ग्‍येरसीबा, मेको सजाइ मतथु मब्रोंइब। हितोपदेस १४:३१

यसैया 37:24

मिनु इ सोइश्‍शो गेय पाइब मुर रे पा परमप्रभु कली शुक्‍शी लोव़ पपाइक्‍‍तीवी’ देंत। मिनु गे ‘आं शुश बग्‍गीमी डांडा ङोंइसाक्‍यी। लेबानोन नेल्‍ल ङोंइसाक्‍यी। गो मेकेर ङा लाइश्‍शो रवा नु रिम्‍शो रवा नेल्‍ले आन कली तिम्‍तामी। गो नेल्‍ल क्‍येङा इर नु ङोन नु ठेयब ब्‍वाकी सम्‍म जाक्‍दीत्‍ती। यसैया १४:८

बिलाप 2:16

इ जोरी सत्रु नेल्‍लेमी इ पर्बम मरिम्‍शो लोव़ पा शुक्‍शी पाइनीम। मेकोपुकीमी आन गाइक्‍तीकेमी “गो मेको कली खतम सेल्‍तक। एको नाक्‍ती कोव़चा कली रिम्‍ताक्‍क। मुल गो ताइतक” देंनीम।

बिलाप 4:21

एदोम आ तमी ग्‍येरसो। गे ऊज रागीम बाक्‍नेवे। तन्‍न गे यो मेको श्‍येत ङा कचौरा तूचा माल्‍नेवे। गे दुक्‍नेवे। मिनु शिश्रा सेल्‍सीनेवे। येरमीया ३:६४; भजन संग्रह १३७:७; येरमीया २५:१५,२१

इजीकीएल 35:12

मिनु गे गो परमप्रभु यावे नङ, दे तुइक्‍नेवे। मिनु गो इस्राएल ङा पहाड आन पर्बम इ शुक्‍शी पा पशो लोव़ नेल्‍ल नेंता। गे मार देंते देंशा हना ‘इस्राएल ङा पहाड नेल्‍ल मुर मबाक्‍तीके दुम्‍शो बाक्‍नीम। मिनु मेको आं कली गेशो बाक्‍ब’ देंते।

इजीकीएल 35:15

मारदे हना गे इस्राएल मुर मबाक्‍तीके दुम्‍मेनु, आं के दुम्‍त, दे ग्‍येरसीशो बाक्‍ते। मोपतीके, गो यो इ कली मोदेंशोन पाइनुङ। गे सेइर पहाड नु एदोम नेल्‍ल मुर मबाक्‍तीके दुम्‍नीनी। मिनु गोन परमप्रभु यावे नङ, दे तुइक्‍नीनी” देंत।

इजीकीएल 36:5

मोपतीके परमप्रभु, परमप्रभु यावे आं लोव़ नेनीन। गो थाम्‍पा रुश पा, अर्को रागी नु एदोम रागी नेल्‍ल आन कली लोव़ पाइनुङ। मारदे हना मेकोपुकीम आन थुं नेल्‍लेम ग्‍येरसीशा आं रागी आन के सेल्‍तेक्‍म। मारदे हना रिम्‍शो योव़तीक जोतीक बाक्‍शा, मेको आंम कली रोंइसाक्‍म’ देंत। इजीकीएल ३५:१५

मीका 4:11

मुल शुश रागी रागी ङा मुर इ पर्बम दूली पा बोक्‍शा ‘सियोन ग्रांग्रा दिशो दुम्‍‍ल। गो मेको कली कोव़ना कोव़न बाक्‍चा तांइसेक्‍ल’ देंनीम” देंत।

लूका 19:41

मिनु यरूसलेम सहर आ नेक्‍था जाक्‍शा, सहर तांइसेनु, येसु मेको सहर आ पर्बम ङाक्‍शा

याकूब 3:5

मेको इम्‍चीली चलेतीके खोदेंशो मुर आ लें बाक्‍ब। मुर आ लेंमी ठेयब लोव़ पाइब। मेको लें आइक्‍च बाक्‍त हना यो, ठेयब मरिम्‍शो पने चाप्‍ब। इम्‍चीली मीम ठेयब ब्‍वाकी क्रोइक्‍‍ने चाप्‍ब।

२ पत्रुस 2:18

मेकोपुकीमी हेंथे लोव़ पा पाप रे प्रोंइचा पुंइसीशो नक थमा सुइक्‍ब दुम्‍शो मुर आन कली आन हेंथे पतीके ग्रांग्रा दिचा ङा गेय पपाइक्‍नीम।

यहूदा 1:16

मेकोपुकी गन गन पाइब बाक्‍नीम। मेकोपुकीमी “गो श्‍येत जना जन बाक्‍नुङ” दे गेनायो मग्‍येरथु, आन दला दाक्‍स पना पन बाक्‍नीम। ठेयब लोव़ पा, ठेयब लेश्‍शो मुर बाक्‍नीम। मेकोपुकीमी आंम कली ठेयब सेल्‍सीचा कली मुर आन कुल कोव़नीम।

प्रकाश 13:5

मिनु मेको जन्‍तु कली ठेयब लेश्‍शा, ब्‍वाक्‍चा नु परमप्रभु आ पर्बम मरिम्‍शो लोव़ पचा कली शोव़ गेशो बाक्‍त। मेको कली ४२ महिना सम्‍म सासन पचा कली अधिकार गेशो बाक्‍त। प्रकाश ११:२

१ सामुएल 2:3

ठेयब लेश्‍शो लोव़ नु मरिम्‍शो लोव़ पचा प्रोनीन। मारदे हना परमप्रभु यावे नेल्‍ल जोक्‍ब तुइक्‍ब बाक्‍ब। मेकोमी मुर आन पतीके नु लोव़ नेल्‍ले नाक्‍ब।