ओबदिया 1:10 - Sunuwar Bible

¹⁰ गे इ लोक्‍ब याकूब कली हुश ख्राक्‍श पोक्‍शो आ पर्बम इ कली मुनेम सुम्‍ब। मिनु गे गेना हना यो कली जाम्‍शा लाइनेवे। योएल ४:१९

ओबदिया 1:10 ပူးပေါင်းရင်းမြစ်များ

उत्पत्ती 27:11

मिनु याकूबम आ ममा कली “नेनीन, आं लोक्‍ब एसाव शुश चां पाइश्‍शो बाक्‍ब। गो मोदेंशो मनङ। उत्‍पत्ती २५:२५

उत्पत्ती 27:41

मिनु एसावमी आ आफोम याकूब कली गेशो आसीक लोव़ आ पर्बम, याकूब कली काइ मदाक्‍ता बाक्‍त। आ थुंमी “आं आफ बेक्‍शा रोंका पने थुम्‍शो नोले, आं लोक्‍ब याकूब कली साइक्‍नुङ” दे मिम्‍ता बाक्‍त।

२ इतिहास 28:17

मारदे हना एदोमीपुकीम लेंशा लडाइ पा यहूदा कली ग्राशा, मेकेर ङा मुर आन कली ग्‍याइश्‍शा लाइश्‍शो बाक्‍मा बाक्‍त।

भजन संग्रह 109:29

आं कली दोस गेब आन कुल मुनेम सुम्‍सीमल। मिनु आन मुने दोक्‍तीके फेक्‍तीके वा खोदेंशो पा फेक्‍सीमल।

भजन संग्रह 132:18

गो मेको आ जोरी सत्रु आन कली मुने तोक्‍नुङमी। मिनु मेको रिम्‍शो पा सासन पाइब दुम्‍ब” दे परमप्रभुमी देंत।

भजन संग्रह 137:7

परमप्रभु यावे, यरूसलेम खतम दुम नाक्‍ती एदोम ङा मुर मार पामे, मेको मिम्‍तीन। मेकोपुकीमी “एको कली प्रेतीन। जग रेन खतम पोक्‍कीन” दे वाइ ब्रेत्‍तेक्‍म। भजन संग्रह ७९:१२; ओबदिया १०:१५

भजन संग्रह 69:7

गो इन पर्बम शुक्‍शी पाइक्‍चा पुंइसीनुङ। मिनु मुनेमी आं कुल सुम्‍सीशो बाक्‍नुङ। भजन संग्रह ४४:२३

भजन संग्रह 89:45

मेको आ ब्रोंइतीके नाक्‍त इच्‍का ला सेल्‍तीनी। गे मेको कली मुनेम सुम्‍पाइक्‍तीनी। ठेयब सेंदा पा।

हितोपदेस 10:6

ठीक पाइब मुर आसीक राइनीम। तन्‍न परमप्रभु यावे आ अरेशो मटीब आन कली आन मरिम्‍शो पशोमी सुम्‍ब।

हितोपदेस 17:5

सुम प्रुङग आन कली शुक्‍शी पाइबा, मेकोमी आ कली सेल्‍ब, परमप्रभु यावे कली आइक्‍च सेल्‍ब। सु मुर आन कली श्‍येत जशो तशा ग्‍येरसीबा, मेको सजाइ मतथु मब्रोंइब। हितोपदेस १४:३१

येरमीया 12:14

परमप्रभु यावेमी आं कली मरिम्‍शो पाइब आं नेक्‍था ङा मुर आन पर्बम “गो आं मुर इस्राएली आन कली गेशो, मेको आन किकी पिपी आन शोंप रोइश्‍शो बाक्‍नीम। मोपतीके गो मेको आन कली आन रागी रे तुल्‍शा ताइक्‍नुङमी। मिनु गो यहूदा आ खिं ङा आ मुर आन कली मेको आन दाते रे तिल्‍नुङमी।

येरमीया 3:25

मुल गो इं मुनेम ग्रुम्‍य। मिनु इं दोस त‍तीकेमी इं कली सुमल। मारदे हना गो परमप्रभु यावे, इं परमप्रभु कली पाप पाइतय। इं किकी पिपी नु गो इं ठिटा ठिटी रेन मुल सम्‍म परमप्रभु यावे, इं परमप्रभु आ देंशो मटिशो बाक्‍तय” देंतेक्‍म। येरमीया १४:७,२०

येरमीया 49:13

मारदे हना बोज्रा ब्रेश्‍शा हिंचा ङा, शुक्‍शी पाइक्‍चा पुंइसीब, श्‍येत्‍थ नु सराप पाइक्‍तीके दुम्‍ब, दे आं नेंम कसम जाता। मिनु आ सहर नेल्‍ले गेना हना यो कली ब्रेश्‍शा लीनीम” देंत।

येरमीया 51:51

मेकोपुकीमी “आंइ कली शुक्‍शी पाइश्‍शो नेंशा, गो मुने दोक्‍तक। गो आंइ कुल सुम्‍तक। मारदे हना परमप्रभु यावे आ खिंम अर्को रागी ङा मुर जाक्‍शा ओव़तेक्‍म” देंतेक्‍म।

बिलाप 4:21

एदोम आ तमी ग्‍येरसो। गे ऊज रागीम बाक्‍नेवे। तन्‍न गे यो मेको श्‍येत ङा कचौरा तूचा माल्‍नेवे। गे दुक्‍नेवे। मिनु शिश्रा सेल्‍सीनेवे। येरमीया ३:६४; भजन संग्रह १३७:७; येरमीया २५:१५,२१

बिलाप 4:22

सियोन आ तमी इ हेंथे गाक्‍शो ङा सजाइ नुप्‍त। मेकोमी इ कली ग्‍याइश्‍शा लाइश्‍शो रागी रे ग्रुंइब। तन्‍न एदोम आ तमी, इ हेंथे गाक्‍शो ङा सजाइ ताइनेवे। मेकोमी इ पाप कोंइब। यसैया ४०:२; यसैया ३४:८-१०; इजीकीएल ३५:१४-१५

इजीकीएल 35:9

गो इ कली गेना हना यो कली श्‍येत्‍थ सेल्‍नन। इ सहर मुर मबाक्‍तीक दुम्‍नीम। मिनु गोन परमप्रभु यावे नङ, दे तुइक्‍नेवे’।

इजीकीएल 7:18

मेकोपुकीम अरन्‍डी फेक्‍चा माल्‍नीम। शुश हिंतीकेमी मेको आन कली सुम्‍ब। मेको नेल्‍ल आन कुल मुनेम सुम्‍सीचा माल्‍नीम। मेको नेल्‍ल आन पिया प्रेक्‍सीचा माल्‍नीम। येरमीया ४८:३७

योएल 3:19

मिनु यहूदा ङा दोस मताइब मुर आन कली मरिम्‍शो पतीके नु हुश ख्राक्‍श पोक्‍तीके इजीप्‍त रागी मुर मबाक्‍तीके दुम्‍ब। मिनु एदोम चहिं कोक्‍त रागी दुम्‍ब।

आमोस 1:11

मिनु परमप्रभु यावेम “गो एदोम आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शिशी मपथु, आ लोक्‍ब आन कली तरवार शेशा, खेदा पाप्‍तु। मेको आ गाइश्‍शो गेना हना यो लीशा, ईख कुरशा बाक्‍त। ओबदिया १०:-; ब्‍यवस्‍था २३:८; येरमीया ४९:७

मीका 7:10

मेना आं जोरी सत्रुम मेको ताइनीम। मिनु मुने दोक्‍नीम। मारदे हना मेकोपुकीमी ङोंइती ‘परमप्रभु यावे, इ परमप्रभु ते बाक्‍‍म?’ देंशो बाक्‍तेक्‍म। गो मेको आन खतम दुम्‍शो ताइनुङ। मुल यो मेकोपुकी लां ङा हिलो खोदेंशो पा दिम्‍चा पुंइसीशो बाक्‍नीम। भजन संग्रह ७९:१०

ब्‍यवस्‍था 23:7

मिनु गेपुकीमी एदोमी आन कली ग्रांग्रा मदित्‍चा। मारदे हना मेकोपुकी इन लोक्‍ब बाक्‍नीम। गेपुकीमी इजीप्‍ती आन कली ग्रांग्रा मदित्‍चा। मारदे हना गेपुकी मेको आन रागीम बाक्‍शो बाक्‍तीनी।

ब्‍यवस्‍था 23:8

मेको आन युइ आन पाला रे परमप्रभु यावे आ ग्रुम्‍तीकेमी ओव़चा गेने चाप्‍नीनी।