गन्‍ती 9:13 - Sunuwar Bible

¹³ तन्‍न तेको मुर ग्रांग्रा दिशो मदुम्‍शो बाक्‍बा, ङोन यो मलशो बाक्‍बा, मेकोमी पास्‍सा चाड ममानेप्‍तु हना, मेको मुर आ मुर आन दाते रे तिल्‍चा पुंइसीब। मारदे हना मेकोमी आ देंशो नाक्‍ती परमप्रभु यावे कली चढ़ेतीक मचढ़ेवो। मेको मुर आ पाप राइब।

गन्‍ती 9:13 ပူးပေါင်းရင်းမြစ်များ

उत्पत्ती 17:14

ख्रोइक्‍तीक चिनु मख्रोइश्‍शो वोंइश मुर नु वोंइश आल आन मुर आन दाते रे तिल्‍चा पुंइसीनीम। मारदे हना मेकोपुकीमी आं कबल पशो प्रोंइशो बाक्‍नीम” देंमाक्‍त।

प्रस्‍थान 12:15

गे ७ नाक्‍त सम्‍म बोरब ओख्‍ती मसुप्‍शो शोब्‍ले जचा माल्‍नीनी। ७ नाक्‍त ङा ङोंइती नाक्‍ती गे इन खिंम बाक्‍शो बोरब ओख्‍ती ताइक्‍चा माल्‍नीनी। सुम मेको ७ नाक्‍तीम बोरब ओख्‍ती सुप्‍शो शोब्‍ले जाइबा, मेको इस्राएली आन दाते रे तिल्‍चा पुंइसीब। प्रस्‍थान १३:७; प्रस्‍थान २३:१५

प्रस्‍थान 12:19

मेको ७ नाक्‍ती इन खिंमी बोरब ओख्‍ती काइ मवोइक्‍चा। सुमी बोरब ओख्‍ती सुप्‍शो शोब्‍ले जाइबा, मेको अर्को रागी ङा मुर बाक्‍त हना यो, इस्राएली बाक्‍त हना यो इस्राएली आन दाते रे तिल्‍चा पुंइसीब।

प्रस्‍थान 12:47

इस्राएली नेल्‍लेमी मोदेंशो पचा माल्‍नीम। प्रस्‍थान

प्रस्‍थान 30:33

सुमी मेको खोदेंशो पा ब्‍वाइश्‍शा तेल सेल्‍बा नु अरु मुर आन कली ख्रेक्‍बा, मेको मुर आ थर रे तिल्‍चा पुंइसीब” दे परमप्रभु यावेमी मोसा कली दें‍त।

प्रस्‍थान 30:38

सुइमी मेको नाम्‍चा कली सेल्‍तेक्‍म हना, मेको आन थर रे तिल्‍चा पुंइसीनीम” दे परमप्रभु यावेमी मोसा कली माइक्‍तु।

इजीकीएल 23:49

गे इ ग्रांग्रा दिशो गेय आ पर्बम सजाइ ताइनेवे। मिनु इ मूर्ति पूजा पशो पाप राइनेवे। मिनु गोन परमप्रभु यावे नङ, दे तुइक्‍नेवे” देंत।

लेवी 17:10

इस्राएली नु मेको आन दातेम बाक्‍ब अर्को रागी ङा मुर सुइमी हुश ब्‍वाम्‍तेक्‍म हना, गो मेको हुश ब्‍वाइब कली मरिम्‍शो पाइनुङ। मिनु मेको मुर कली आ मुर आन दाते रे क्‍याम्‍नुङ। लेवी ३:१७

लेवी 17:4

मिनु परमप्रभु यावे आ ङोंइती चढ़ेचा कली ग्रुम्‍तीक ताम्‍बु आ ओव़तीकेम मचाक्‍बा, मेको मुर साइश्‍शो आ पर्बम दोस ताइब। मेकोमी साइक्‍तीके आ मुर रे तिल्‍चा पुंइसीब। उत्‍पत्ती ९:६

लेवी 20:20

सुइ मुरुमी आ बोडो, बकान्‍छा कि मामा आ मीश नु इप्‍त हना, मेकोमी आ बोडो, बकान्‍छा कि मामा कली मुने तोक्‍ब। मेको सजाइ जचा पुंइसीनीस। मिनु आल मथिथु बेक्‍नीस।

लेवी 22:9

चढ़ेबपुकीमी आं देंशो टिचा माल्‍नीम। मो मपाम्‍तेक्‍म हना, मेकोपुकीमी आं देंशो मटितेक्‍म हना, मेकोपुकी दोस तशा आं बाक्‍तीक ताम्‍बुमी बेक्‍नीम। मिनु गो मेको आन कली आंम आं मुर सेल्‍ब परमप्रभु यावे नङ।

लेवी 24:15

मिनु गे इस्राएली आन कली ‘सुम आ परमप्रभु कली सराप पाइबा, मेको आ पाप राइब।

गन्‍ती 19:13

मिनु सुमी बेक्‍शो मुर थिशा, मचोव़खेसीबा, मेकोमी परमप्रभु यावे आ ताम्‍बु ग्रांग्रा दिशो सेल्‍ब। मेको मुर इस्राएली आन दाते रे तिल्‍चा पुंइसीब। मारदे हना चोव़खेतीक ब्‍वाक्‍कु मेको आ तार मब्रुइश्‍शो बाक्‍ब। मोपतीके मेको ग्रांग्रा दिशो बाक्‍ब। मिनु मेको आ ग्रांग्रा दितीके मेको नु लीब। लेवी १५:३१

गन्‍ती 19:20

मिनु सु ग्रांग्रा दिशो दुम्‍शा यो, मचोव़खेसीबा, मेकोमी परमप्रभु यावे आ ताम्‍बु ग्रांग्रा दिशो सेल्‍ब। मेको मुर इस्राएली आन दाते रे तिल्‍चा पुंइसीब। मारदे हना चोव़खेतीक ब्‍वाक्‍कुम मेको कली मब्रुइश्‍शो बाक्‍ब। मोपतीके मेको ग्रांग्रा दिशोन बाक्‍ब।

गन्‍ती 5:31

मिनु मेको वोंइश मुर दोस मताइब दुम्‍ब। मिनु आ मीशेमी चहिं आ मरिम्‍शो पशो राइब’ दे इस्राएली आन कली शेंदो” दे परमप्रभु यावेमी मोसा कली देंत।

गन्‍ती 9:7

मिनु मेको मुरपुकीमी “गो बेक्‍शो मुर थिशा ग्रांग्रा दिशो दुम्‍शो बाक्‍तक हना यो, मारदे मेको देंशो नाक्‍ती गोपुकीमी इस्राएली आन दातेमी आंइ परमप्रभु यावे कली चढ़ेतीके चढ़ेचा मताइनीकी?” देंतेक्‍म।

हिब्रू 12:25

होस पांइसीने। इन कली लोव़ पाइब कली इन ची मकोंइदीने। इं किकी पिपीपुकीमी मुर आ देंशो मटीमे बाक्‍त। मिनु सजाइ गेचा पुंइसमा बाक्‍त। गोपुकी स्‍वर्ग रे लोव़ पाइब कली इं ची कोंइताक्‍य हना, सजाइ मतथु ब्रोंइनया ङा? हिब्रू २:२; हिब्रू १०:२८-२९

हिब्रू 2:3

पाप आ सजाइ रे ब्रोंइतीक ठेयब गेय कली ममिम्‍ताक्‍य हना, दोपा सजाइ रे ब्रोंइने चाप्‍नया ङा? मेको ठेयब गेय ङोंइती प्रभुमी तुइक्‍पाइश्‍शो बाक्‍त। मिनु आ लोव़ नेंबपुकीमी “थमा बाक्‍ब” दे तुइक्‍पाइश्‍शो बाक्‍तेक्‍म। हिब्रू १०:२९; हिब्रू १२:२५

हिब्रू 6:6

मुल मेको नेल्‍ल ताइक्‍ताक्‍म हना, मेको आन कली ङोंइती खोदेंशो पा लेंशा नक पा वोइक्‍ने मचाम्‍सीब। मारदे हना आन पशोमी परमप्रभु यावे आ तौ कली लेंशा शीम केप्‍शा कांटी थोक्‍शा क्‍याइश्‍शा मुने तोक्‍नीम।

हिब्रू 9:28

मोपा ख्रीस्‍त शुश मुर आन पाप क्‍याम्‍चा कली खेयप का आ हुश चढ़ेप्‍तु। मिनु लेंशा जाक्‍ब। पाप क्‍याम्‍थ चहिं मजाक्‍ब। तन्‍न मेको कली थमा सुइश्‍शा रिम्‍शा बाक्‍ब आन कली श्‍येत रे प्रोंइचा कली जाक्‍ब। हिब्रू १०:११,१२,१४