गन्‍ती 8:7 - Sunuwar Bible

⁷ मेको आन कली मार पचा माल्‍नेवे देंशा हना, मेको आन तारी चोव़खो सेल्‍तीक ब्‍वाक्‍कु ब्रुइक्‍तीमी। मिनु मेकोपुकीमी आन रां ङा चां नेल्‍ल प्रेक्‍शा, आन वा मुरशा, चिक्‍सीशा ग्रांग्रा मदिशो सेल्‍सीचा माल्‍नीम। गन्‍ती १९:९,१७; लेवी १४:८

गन्‍ती 8:7 ပူးပေါင်းရင်းမြစ်များ

उत्पत्ती 35:2

मिनु याकूब आ खिं ङा मुर नु आ बाक्‍शो मुर नेल्‍ल आन कली “इन गुइमी बाक्‍शो मूर्ति ताइक्‍तीन। इन फेक्‍शो वा प्रुइश्‍शा, चिक्‍शा, अर्को फेक्‍सीन। उत्‍पत्ती ३१:१९; ब्‍यवस्‍था २७:१५; यहोसु २४:२३

भजन संग्रह 51:2

परमप्रभु, इन शिशी पतीकेमी आं मरिम्‍शो पशो नेल्‍ल मुरशा गेयीनी। मिनु आं कली पाप रे प्रोंइयीनी।

भजन संग्रह 51:7

गे हिस्सोप के ब्राक्‍सुमी आं पाप क्‍याम्‍दीन। मिनु आं पाप क्‍याम्‍सीशो बाक्‍ब। मिनु आं कली चिक्‍तीनी। मिनु गो फुं क्‍येङा बुश दुम्‍नुङ। प्रस्थान १२:२२-२३; यसैया १:१८

प्रस्‍थान 19:10

मिनु परमप्रभु यावेमी मोसा कली “मुलाक्‍ती नु दीसा इस्राएली आन कली गो नु ग्रुम्‍पाइक्‍चा ठीक पावो। आन फेक्‍शो वा मुरपतो। लेवी ११:४४; यहोसु ३:५; अय्‍युब १:५

यसैया 52:15

मिनु मेकोमी रागी रागी ङा शुश मुर आन कली छक लाक्‍पाइक्‍ब। मिनु पिपपुकी मेको कली तशा, सिक्‍सी पा बाक्‍नीम। मारदे हना मेको आन ङोंइती गेनायो मशेंसीशो ताइनीम। मेको आन मनेंशो लोव़ आ पर्बम शुश मिम्‍चा माल्‍नीमी। यसैया ६५:१; रोमी १५:२१

येरमीया 4:14

मिनु परमप्रभु यावेम “ए यरूसलेम, गे पाप रे ब्रोंइचा तचा कली इ थुं इ परमप्रभु यावे कली मटितीके रे चिक्‍सो। गेना सम्‍म इ मरिम्‍शो मिम्‍तीक इ थुंम बाक्‍चा गेनेवे? येरमीया ६:८; यसैया १:१४

इजीकीएल 36:25

गो इन तार रिम्‍शो ब्‍वाक्‍कु ब्रुइक्‍नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्‍शा रिम्‍शो दुम्‍नीनी। इन ग्रांग्रा दिशो दुम्‍शो नेल्‍ल रे ग्रांग्रा मदिशो सेल्‍नन्‍नी। जकरिया १३:१; हिब्रू १०:२२

लेवी 15:27

मेको थोव़क थीब ग्रांग्रा दिशो दुम्‍ब। मेकोमी आ वा मुरशा, चिक्‍सीचा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब।

लेवी 15:6

मिनु सु मेको आ नित्‍तीकेमी निप्‍बा, मेकोमी आ वा मुरशा, चिक्‍सीचा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब।

लेवी 16:28

मिनु मेको चोइबमी आ वा मुरशा, चिक्‍सीचा माल्‍ब। मिनु मेको नोले मुर आन बाक्‍तीके लेन्‍ने चाप्‍ब।

लेवी 8:6

मिनु मोसामी हारून नु आ तौ आन कली चाक्‍शा चिक्‍ताक्‍मी।

गन्‍ती 19:13

मिनु सुमी बेक्‍शो मुर थिशा, मचोव़खेसीबा, मेकोमी परमप्रभु यावे आ ताम्‍बु ग्रांग्रा दिशो सेल्‍ब। मेको मुर इस्राएली आन दाते रे तिल्‍चा पुंइसीब। मारदे हना चोव़खेतीक ब्‍वाक्‍कु मेको आ तार मब्रुइश्‍शो बाक्‍ब। मोपतीके मेको ग्रांग्रा दिशो बाक्‍ब। मिनु मेको आ ग्रांग्रा दितीके मेको नु लीब। लेवी १५:३१

गन्‍ती 31:20

गेपुकीम वा नेल्‍ले, कुशुल के मार मार, क्‍यारश आ चां के सेल्‍शो नु शी के मार मार नेल्‍ल ग्रांग्रा मदिशो सेलीन” देंत।

गन्‍ती 8:21

मिनु लेवी आ मुरपुकीमी आंम आन पाप रे ग्रांग्रा मदिशो सेल्‍सीशा आन वा मुरतेक्‍म। मिनु नोले हारूनमी मेको आन कली क्‍युक्‍शा चढ़ेतीक खोदेंशो पा परमप्रभु यावे आ ङोंइती वोइक्‍तीमी। मिनु हारूनमी मेको आन कली पाप क्‍याम्‍तीक गेय पा ग्रांग्रा मदिशो सेल्‍तीमी।

हिब्रू 9:10

मेको पतीके जचा थोव़क, तूचा थोव़क, चिक्‍चा नु चढ़ेचा आ पर्बम बाक्‍नीम। मेको नेल्‍ल मुर आन मिम्‍शो शोर गाक्‍शो गेय बाक्‍नीम। नक लोव़ मजाक्‍‍म सम्‍म मेको माइत लोव़ टिशा पामेक्‍ल, दे वोइश्‍शो बाक्‍माक्‍त। लेवी ११:-; गन्‍ती १९:-

हिब्रू 9:13

बोका, ब्‍यफ आन हुश चढ़ेशा, आन श्‍ये चोशो ङा पुलु फ्रशा, मुर आन रां चोव़खो सेल्‍ने चाप्‍ब हना, गन्‍ती १९:२,९,१७

याकूब 4:8

परमप्रभु यावे आ नेक्‍था लने। मो पाइतीनी हना, मेको इन नेक्‍था जाक्‍ब। गे पापीपुकी “आंइ पाप क्‍याम्‍दीने” देंशा, माफ पुनीने। थुं निक्‍शी पाइश्‍शो मुरपुकी, इन थुं परमप्रभु यावे गे लेश्‍शा, थुं का दुमीने। जकरिया १:३; यसैया १:१६

१ पत्रुस 3:21

ब्‍वाक्‍कुमी ख्रुम्‍शा ग्रुंइतीके मेको नु गारचा ङा बाक्‍ब। मेकोमी इन कली मुल प्रोंइब। इन रां चिक्‍चा ममाइ, तन्‍न इन थुं ङा मिम्‍तीके रिम्‍शो दुम्‍ल, दे परमप्रभु यावे कली पुंइतीके बाक्‍ब। मेको नेल्‍ल येसु ख्रीस्‍त आ सेंसीशो रे जाक्‍ब। एफिसी ५:२६; हिब्रू १०:२२

प्रकाश 7:14

मिनु गोमी “हजुर, गो मतुइक्‍नुङ, गे तुइक्‍नीनी” देंती। मिनु मेको खाल्‍पामी “मेकोपुकी ठेयब श्‍येत रे जाक्‍तेक्‍म। मिनु मेको आन मरिम्‍शो पतीके लुम्‍सीशो वा पाठा आ हुशेमी मुरतीके बुश दुम्‍त। मत्ती २४:२१; प्रकाश १२:११