गन्‍ती 8:19 - Sunuwar Bible

¹⁹ मिनु गो इस्राएली आन दाते रे लेवी आ मुर आन कली हारून नु आ तौ आन कली गेतामी। मार कली गेतामी देंशा हना, इस्राएली आन पर्बम ग्रुम्‍तीक ताम्‍बुमी गेय पचा कली इस्राएली आन पर्बम पाप क्‍याम्‍तीक गेय पचा कली नु इस्राएलीपुकी ग्रुम्‍तीक ताम्‍बु आ नेक्‍था मजाक्‍मल नु मुर बेक्‍तीक रोइम मबेक्‍म, दे गेतामी” दे परमप्रभु यावेमी मोसा कली देंत। गन्‍ती ३:९; गन्‍ती १:५३

गन्‍ती 8:19 ပူးပေါင်းရင်းမြစ်များ

प्रस्‍थान 12:50

मिनु परमप्रभु यावेमी मोसा नु हारून आस कली दोदेंशो देंमे, मोदेंशो इस्राएली नेल्‍लेमी पाम्‍तेक्‍म।

गन्‍ती 1:50

तन्‍न गे लेवी आन कली आं कबल पशो सन्‍दोस वोइश्‍शो ताम्‍बु नु आ मारेइ मारेइ थोव़क कोव़चा कली वोइक्‍मी। मेकोपुकीमी ग्रुम्‍तीक ताम्‍बु नु आ मारेइ मारेइ थोव़क कुरचा माल्‍नीम। मेकोपुकीमी मेको कोव़चा माल्‍नीम। मिनु आन ताम्‍बु ग्रुम्‍तीक ताम्‍बु आ एर ओंथ कीचा माल्‍नीम।

गन्‍ती 1:53

लेवी आ मुर चहिं परमप्रभु यावे आ कबल पशो सन्‍दोस वोइश्‍शो ताम्‍बु आ एर ओंथ आन ताम्‍बु कीचा माल्‍नीम। इस्राएलीपुकी ग्रुम्‍तीके ताम्‍बु आ नेक्‍था लचा मदुम्‍नीम। मिनु मेको आन पर्बम परमप्रभु यावे मगाइक्‍ब। मिनु लेवीपुकीमी परमप्रभु यावे आ कबल पशो सन्‍दोस वोइश्‍शो ताम्‍बु खाल पचा माल्‍नीम” दे परमप्रभु यावेमी देंत। गन्‍ती १७:११; गन्‍ती १८:५; २सामुएल २४:१; २इतिहास १९:२; यसैया ५७:१७; यसैया ६४:४-६

गन्‍ती 16:46

मिनु मोसामी हारून कली “मेको थनौरो लाइश्‍शा, मेको चढ़ेतीक ङा मी कुर पा धूप चोवो। मिनु रीब पा मेको मुर आन दातेमी लाइश्‍शा, मेको आन पाप क्‍याम्‍तीक गेय पावो। मारदे हना परमप्रभु यावे गाइक्‍ताक्‍व। मिनु मुर बेक्‍तीक रोइ बोक्‍चा गोप्‍तु” देंत। लेवी १६:१२,१३,१७; गन्‍ती १:५३

गन्‍ती 8:18

मिनु इस्राएली आन ङोंइती जरमेशो आन पा ङा गो लेवी आ मुर तिल्‍शा वोंइसाक्‍यी।

गन्‍ती 8:20

मिनु मोसा, हारून नु इस्राएल ङा मुर नेल्‍लेमी लेवी आ मुर आन पर्बम परमप्रभु यावेमी मोसा कली अरेशो खोदेंशो पा पाम्‍तेक्‍म।

१ सामुएल 6:19

मिनु परमप्रभु यावेमी बेथ-शेमेश ङा मुर आन दाते ङा ७० जना आन कली सदा बाक्‍त। मारदे हना मेकोपुकीम परमप्रभु यावे आ कबल पशो सन्‍दोस आगा कोव़ङमे बाक्‍त। मिनु परमप्रभु यावेमी मोदेंशो पशो आ पर्बम मुरपुकी रोंका पामे बाक्‍त। गन्‍ती ४:२०; २सामुएल ६:६-७