गन्‍ती 7:89 - Sunuwar Bible

⁸⁹ मिनु मोसा परमप्रभु यावे नु लोव़ पचा कली ग्रुम्‍तीक ताम्‍बुम ओव़मेनु, मेकोमी कबल पशो सन्‍दोस सुम्‍शो शिशी बाक्‍तीके, करूब निक्‍शी आस दाते इर रे लोव़ पशो नेंतु। मोपा मेकोमी मोसा नु लोव़ पाप्‍तु। प्रस्‍थान २५:१७-२२; प्रस्‍थान २९:४२; प्रस्‍थान ३३:७; १सामुएल ३:३-१४

गन्‍ती 7:89 ပူးပေါင်းရင်းမြစ်များ

१ राजा 6:23

मेकोमी परमप्रभु यावे आ खिं आगा ङा चोव़खो बाक्‍तीकेम तेल रवा आ शी के करूब निक्‍शी सेल्‍पदा बाक्‍त। मेको निम्‍फा १०, १० कुबीत ग्‍‍येत्‍थ लाइश्‍शो बाक्‍सा बाक्‍त। कुबीत का ०,५ खोदेंशो बाक्‍ब। प्रस्‍थान ३७:७-९

भजन संग्रह 80:1

इस्राएल ङा गोठला, आंइ लोव़ नेनीन। गे योसेफ कली भेडा आन हुल खोदेंशो पा खुल्‍तीनी। गे करूब आन तार ठेयब नित्‍तीकेमी नित्‍नीनी। भजन संग्रह १८:११; २सामुएल ६:२

भजन संग्रह 99:1

परमप्रभु यावे पिप बाक्‍ब। जात जात ङा मुरपुकी ख्रिंख्रि पामेक्‍ल। मेको करूब आन तारी बाक्‍ब। रागीम ख्रिनु कुल। भजन संग्रह ९३:१; भजन संग्रह १८:११

प्रस्‍थान 40:34

मिनु गोस्‍सुमी ग्रुम्‍तीक ताम्‍बु सुम्‍तु। परमप्रभु यावे आ सक्ति नु छेङछेङमी मेको आ बाक्‍तीक ब्रीत। इजीकीएल ४३:१-९

प्रस्‍थान 40:35

मिनु मोसा ग्रुम्‍तीक ताम्‍बुमी ओव़ने मचब। मारदे हना मेको गोस्‍स मेको तारी बाक्‍शा, परमप्रभु यावे आ सक्ति नु छेङछेङमी आ बाक्‍तीक ब्रीत। गन्‍ती ७:८९

लेवी 1:1

मिनु परमप्रभु यावेमी ग्रुम्‍तीक ताम्‍बु रे ब्रेश्‍शा मोसा कली

गन्‍ती 1:1

इस्राएलीपुकी इजीप्‍त रे जाक्‍मा आ बर्स निक्‍शी, महिना निक्‍शी ङा ङोंइती ङा नाक्‍त परमप्रभु यावेमी सीनै ङा रागीमी बाक्‍शो ग्रुम्‍तीक ताम्‍बुमी मोसा कली लोव़ पाप्‍तु। प्रस्‍थान ४०:१७

गन्‍ती 11:17

मिनु गो यिशा, गे नु लोव़ पाइनुङ। मिनु गो इ आगामी बाक्‍शो सोक्‍त रे लाइश्‍शा, मेको आन तारी वोइक्‍नुङ। मिनु मेकोपुकीमी गे नु गारशा, मेको मुर आन श्‍येत कुरनीम। मिनु गे का ला कुरचा ममाल्‍नेवे।

गन्‍ती 12:8

गो मेको नु कोव़मुशा लोव़ पाइनुङ। मिनु मेको नु रुप्‍चा ङा लोव़ पा ख्रुइश्‍शो लोव़ मपाइनुङ। मिनु मेको आं नेक्‍था जाक्‍ने चाप्‍ब। मारदे गे आं गेय पाइब मोसा आ पर्बम मरिम्‍शो लोव़ पचा काइ महिंसी?” देंत। प्रस्‍थान ३३:११; ब्‍यवस्‍था ३४:१०

गन्‍ती 8:1

मिनु परमप्रभु यावेमी मोसा कली

हिब्रू 4:16

मोपतीके इं कली मार मार माल्‍यानु, वारच पपांइसीशा, माफ नु शिशी तचा कली परमप्रभु यावे आ ङोंइती महिंथु, थुं बारपा जाक्‍दीय्‍य। रोमी ३:२५; रोमी ५:२

१ पत्रुस 1:12

मेकोपुकीमी आन पाला ङा मुर आन कली ला लोव़ मपामे। नोले ङा मुर, इन कली यो लोव़ पा शेंदमे बाक्‍त। इन कली दोपा शेंदमे बाक्‍त देंशा हना, परमप्रभु यावेमी आ सोक्‍त स्‍वर्ग रे सोइश्‍शो बाक्‍त। मेको आ पतीकेमी शेंबपुकीमी इन कली ग्‍येरपाइक्‍ब लोव़ शेंताक्‍म। परमप्रभु यावे आ स्‍वर्ग ङा गेय पाइबपुकीम यो मेको तचा तुइक्‍चा दाक्‍नीम। एफिसी ३:१०

१ सामुएल 4:4

मोपतीके मुरपुकीमी शिलोम मुर सोइक्‍तमे बाक्‍त। मिनु करूब आस दातेम बाक्‍ब मुर नेल्‍ल आन परमप्रभु यावे आ कबल पशो सन्‍दोस चाक्‍ग‍मे बाक्‍त। मिनु एली आ तौ होफ्‍नी नु फिनेहास परमप्रभु आ कबल पशो सन्‍दोस नु बाक्‍सा बाक्‍त। प्रस्‍थान २५:२२; २सामुएल ६:२