गन्‍ती 7:88 - Sunuwar Bible

⁸⁸ मिनु बी ब्‍यफ, क्‍यारश भेडा रे दुशा बाक्‍चा आ पर्बम चढ़ेचा कली २४ ओटा ब्‍यफ, ६० ओटा सांड, ६० ओटा बोका नु ६० ओटा बर्स का गाप्‍शो पाठा बाक्‍तेक्‍म। मेको परमप्रभु यावे आ गेय पचा कली ला मेको चढ़ेतीक कली तेल ब्रुइक्‍तीक नाक्‍ती आ नोले चढ़ेशो बाक्‍तेक्‍म।

गन्‍ती 7:88 ပူးပေါင်းရင်းမြစ်များ

लेवी 3:9

मेकोमी दुशा बाक्‍तीक आ पर्बम चढ़ेतीक भेडा आ बोंसो परमप्रभु यावे कली मीम चोशा चढ़ेचा माल्‍ब। मेको बोंसो पाइश्‍शो मीलु नु क्रातो आ नेक्‍था रे नेल्‍ल ग्रुंइचा माल्‍नीम। गा क्‍यी आ तार ङा नु मेको कली गिल्‍शो बोंसो नेल्‍ल चढ़ेचा माल्‍नीम।

गन्‍ती 7:1

मोसामी ग्रुम्‍तीक ताम्‍बु सेल्‍ने थुम्‍शा, मेको नु आ मारेइ मारेइ आन कली तेल ब्रुइक्‍ताक्मी। मिनु परमप्रभु यावे आ गेय पचा कली वोइक्‍तु। मिनु मेकोमी चढ़ेतीक नु आ मारेइ मारेइ तेल ब्रुइश्‍शा परमप्रभु यावे आ गेय पचा कली वोइक्‍तीमी। प्रस्‍थान ४०:९,१०,१७

गन्‍ती 7:10

मिनु चढ़ेतीक कली तेल ब्रुइक्‍तीक नु परमप्रभु यावे आ गेय पचा कली वोइक्‍तीक नाक्‍त मेको इस्राएल आ थर ङा मुर आन ठेयब मुरुमी यो चढ़ेचा कली मार मार चाक्‍शा, चढ़ेतीक आ ङोंइती वोइक्‍तेक्‍म।

गन्‍ती 7:84

मिनु परमप्रभु यावे आ गेय पचा कली वोइश्‍शो चढ़ेतीक कली तेल ब्रुइक्‍तीक नाक्‍ती इस्राएल आ थर थर ङा मुर आन ठेयब मुर आन चढ़ेशो मार बाक्‍तेक्‍म देंशा हना, १२ ओटा चांदी के थाल, १२ ओटा चांदी के बोस नु १२ ओटा सुन के आइक्‍च बोस बाक्‍तेक्‍म।

गन्‍ती 7:87

मिनु बी ब्‍यफ, क्‍यारश भेडा रे चोशा चढ़ेचा कली १२ ओटा ब्‍यफ, १२ ओटा सांड, १२ ओटा बर्स का गाप्‍शो पाठा नु मेकोपुकी नु गारचा ङा पा अन्‍न चढ़ेतीके बाक्‍तेक्‍म। मिनु पाप आ पर्बम चढ़ेचा कली १२ ओटा बोका बाक्‍तेक्‍म।