50 मिनु १० शेकेल ङा धूपम ब्रीशो सुन के आइक्च बोस का,
मेकोपुकीमी बोसपुकी, बेल्चापुकी, सल्दो ख्रोइक्तीक कांइची, अरु बोसपुकी, डाडु नु कांसा के बोस नेल्ल नु चढ़ेचा कली माल्शो मारेइ मारेइ लाइक्तेक्म।
मिनु मेको आन ङोंइती इस्राएल ङा ७० जना खाल्पा राप्शो बाक्तेक्म। मिनु शाफान आ तौ याजन्याह मेको आन दातेम राप्शो बाक्त। मेको नेल्ल आन गुइम आन आन थनौरो बाक्तेक्म। मिनु धूप चोशो आ ब्रोव़शो रिना इर गे बोक्शो बाक्त। प्रस्थान २४:१; गन्ती ११:१६; लूका १०:१७; यसैया ६६:१७
मिनु मार चाक्तु देंशा हना, सहे का ३० शेकेल ङा चांदी के थाल का नु ७० शेकेल ङा चांदी के बोस का चाक्तु। मेको शेकेल ग्रुम्तीक ताम्बु ङा शेकेल खोदेंशो बाक्तेक्म। मेको थाल नु बोस निम्फामी तेलम निशो रिम्शो फसीम प्रिंशो बाक्ताक्स। मेको अन्न चढ़ेतीके बाक्त।
मिनु धूप चोची ना मुर नेल्ल लाङगाम रिम्शा, परमप्रभु यावे कली पुंइना पुंइन बाक्मा बाक्त।
मेकोपुकीमी याकूब कली इन पतीके लोव़ नु इस्राएली आन कली इन अरेशो लोव़ शेंनीम। मेकोपुकीमी इन ङोंइती धूप चोइनीम। इन कली इन चढ़ेतीके तार नेल्ल चोशा चढ़ेतीके चढ़ेनीम।
