गन्‍ती 7:12 - Sunuwar Bible

¹² मिनु ङोंइती ङा नाक्‍ती यहूदा आ थर ङा मुर आन ठेयब मुर अम्‍मीनादाब आ तौ नहशोनमी आ चढ़ेतीक चाक्‍तु।

गन्‍ती 7:12 ပူးပေါင်းရင်းမြစ်များ

उत्पत्ती 35:22

मिनु इस्राएल मेको रागीमी बाक्‍मेनु, आ तौ रूबेन आ आफ आ मीश बिल्‍हाह नु इम्‍‍माक्‍त। मिनु इस्राएलमी मेको नेना बाक्‍त। उत्‍पत्ती ४९:४

उत्पत्ती 35:23

लेआ आ तौ रूबेन, याकूब आ ङोंइती जरमेशो तौ बाक्‍माक्‍त। सिमियोन, लेवी, यहूदा, इस्‍साकार नु जबूलून नेल्‍ल लेआ आ तौ बाक्‍मा बाक्‍त।

उत्पत्ती 49:10

ठेयब श्‍येत रे प्रोंइब मजाक्‍म सम्‍म आ राज दन्‍ड आ सासन पतीके आ गुइमी लीब। जात जात ङा मुर मेको आ नोले खोइक्‍नीम। गन्‍ती २४:१७; १इतिहास ५:२; हिब्रू ७:१४; इजीकीएल २१:३२

उत्पत्ती 49:8

यहूदा, इ लोक्‍बपुकीमी इ कली ठेयब सेल्‍मेक्‍ल। इ गुइमी इ जोरी सत्रु आन क्रोक्‍क्रो निप्‍नेवे। इ आफ आ आल इ ङोंइती खुम्‍की पा बाप्‍नीम। गन्‍ती १०:१४; न्‍यायाधीस १:१-२

गन्‍ती 1:5

मिनु सु सुम इन कली वारच पचा माल्‍नीम देंशा हना, रूबेन आ थर रे शेदेउर आ तौ एली-सुर,

गन्‍ती 1:7

यहूदा आ थर रे अम्‍मीनादाब आ तौ नहशोन, प्रस्‍थान ६:२३

गन्‍ती 10:14

नेल्‍ल क्‍येङा ङोंइती यहूदा आ बाक्‍तीक ङा मुर हुल हुल पा आन छेदर कुरशा गाक्‍तेक्‍म। मेको आन ठेयब मुर अम्‍मीनादाब आ तौ नहशोन बाक्‍त।

गन्‍ती 2:3

पूर्ब, नां दाप्‍तीक गे यहूदा आ हुल आन बाक्‍तीके बाक्‍ब। मेको आन छेदर आ नेक्‍था आन ताम्‍बु कीचा माल्‍नीम। यहूदा आ थर ङा मुर आन ठेयब मुर अम्‍मीनादाब आ तौ नहशोन बाक्‍त।

गन्‍ती 7:11

मिनु परमप्रभु यावेमी मोसा कली “मेकोपुकीमी चढ़ेचा कली मार मार चाक्‍चा माल्‍नीम। मेको चढ़ेतीके आं गेय पचा कली वोइक्‍तीक नाक्‍ती इस्राएल आ थर ङा मुर आन ठेयब मुर का कामी नाक्‍त का कली चढ़ेतीक चाक्‍चा माल्‍नीम” देंत। गन्‍ती १:४-१६; गन्‍ती २:३-२९

गन्‍ती 7:13

मिनु मार चाक्‍तु देंशा हना, सहे का ३० शेकेल ङा चांदी के थाल का ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसीम प्रिंशो बाक्‍ताक्‍स। मेको अन्‍न चढ़ेतीके बाक्‍त। ताम्‍बु ङा शेकेल का १२ ग्राम ङा क्‍येट बाक्‍ब। बजार ङा शेकेल चहिं ११.५ ग्राम बाक्‍ब।

मत्ती 1:4

अराममी अम्‍मीनादाब थि‍माक्‍त। अम्‍मीनादाबमी नहशोन थि‍माक्‍त। नहशोनमी साल्‍मोन थि‍माक्‍त।

लूका 3:32

दाऊद येस्‍से आ तौ बाक्‍माक्‍त। येस्‍से ओबेद आ तौ बाक्‍माक्‍त। ओबेद बोआज आ तौ बाक्‍माक्‍त। बोआज साल्‍‍मोन आ तौ बाक्‍माक्‍त। साल्‍मोन नहशोन आ तौ बाक्‍माक्‍त। रूथ ४:१७-२२

रूथ 4:20

अम्‍मीनादाबमी नहशोन थिमाक्‍त। नहशोनमी साल्‍मोन थिमाक्‍त। गन्‍ती १:७