गन्‍ती 6:23 - Sunuwar Bible

²³ “गे हारून नु आ तौ आन कली ‘गे इस्राएली आन कली आसीक गेनीनु, मार देंचा माल्‍नीनी देंशा हना, लेवी ९:२२-२३; ब्‍यवस्‍था १०:८

गन्‍ती 6:23 ပူးပေါင်းရင်းမြစ်များ

उत्पत्ती 24:60

लचा ङोंइती रेबेका कली आसीक गेशा “गे आं समी बाक्‍नेवे। सोशा बोशा, शुश दुमीने। इ चच युइ आन कली आन जोरी सत्रु आन कली ग्राङीन” दे आसीक गेमे बाक्‍त। उत्‍पत्ती २२:१७

उत्पत्ती 47:10

मिनु आसीक गेशा, फाराओ रे लमाक्‍त।

उत्पत्ती 47:7

मिनु नोले योसेफमी आ आफ कली फाराओ आ ङोंइती राप्‍पदा बाक्‍त। मिनु याकूबमी फाराओ कली आसीक गेवा बाक्‍त।

उत्पत्ती 48:20

मिनु मेको नाक्‍ती मेको आस कली आसीक गेशा “इस नें थिशा इस्राएलीमी आसीक गेनीम। मेकोपुकीमी ‘परमप्रभुमी इ कली एफ्राइम नु मनस्‍से खोदेंशो सेलल’ दे आसीक गेनीम” देंमाक्‍त। मोपा याकूबमी मनस्‍से क्‍येङा एफ्राइम ङोंइती वोदा बाक्‍त। हिब्रू ११:२१

१ राजा 8:55

मिनु मेको राप्‍‍शा, ठेयब सेंदा पा बुक्‍शा बाक्‍शो इस्राएली नेल्‍ल आन कली आसीक गेमी बाक्‍त।

१ इतिहास 23:13

अम्राम आ तौ हारून नु मोसा बाक्‍सा बाक्‍त। हारून नेल्‍ल क्‍येङा चोव़खो चढ़ेतीक गेय पाइब सेल्‍चा कली योव़चा पुंइसे बाक्‍त। मेको नु आ तौपुकी गेना हना यो परमप्रभु यावे आ ङोंइती चढ़ेचा माल्‍द‍मे बाक्‍त। परमप्रभु आ ङोंइती गेय पचा कली नु आ नेंमी गेना हना यो आसीक गेचा कली योव़शो बाक्‍मा बाक्‍त। १इतिहास ५:२९; १इतिहास ६:३४; ब्‍यवस्‍था १०:८; गन्‍ती ६:२४-२७

२ इतिहास 30:27

मिनु चढ़ेबपुकी नु लेवीपुकी बोक्‍शा मुर आन कली आसीक गेमे बाक्‍त। मेको आन पुंइशो लोव़ परमप्रभु यावे आ बाक्‍तीक स्‍वर्ग सम्‍म नेंसे बाक्‍त।

प्रस्‍थान 39:43

मिनु मोसामी मेको नेल्‍ल कोव़तु। मिनु परमप्रभु यावेमी दोपा अरेवा, मोपा ठीक सेल्‍शो तशा, मोसामी मेको नेल्‍ल आन कली आसीक गेप्‍तु।

गन्‍ती 6:22

मिनु परमप्रभु यावेमी मोसा कली

रोमी 1:7

गे योव़चा पुंइसीशा, परमप्रभु यावे आ दाक्‍शो रोम सहरम बाक्‍बपुकी इन कली एको लोव़ ब्रेक्‍ताक्‍ङ। इं आफ परमप्रभु यावे नु प्रभु येसु ख्रीस्‍तम इन कली शिशी पा इन थुं नाइश्‍शा बाक्‍चा गेम्‍सेक्‍ल। १कोरिन्‍थी १:२; २कोरिन्‍थी १:१-२; एफिसी १:१; गन्‍ती ६:२४-२६

१ कोरिन्‍थी 1:3

इं आफ परमप्रभु यावे नु प्रभु येसु ख्रीस्‍तमी इन कली शिशी पा इन थुं नाइश्‍शा बाक्‍चा गेम्‍सेक्‍ल।

२ कोरिन्‍थी 13:14

इं प्रभु येसु ख्रीस्‍त आ शिशी, परमप्रभु यावे आ दाक्‍तीके नु परमप्रभु यावे आ सोक्‍त गेना हना यो गेपुकी नु लील।

ब्‍यवस्‍था 10:8

मेना परमप्रभु यावेमी लेवी आ थर ङा मुर आन कली योव़तीमी। मार कली योव़तीमी देंशा हना, परमप्रभु यावे आ कबल ङा लोव़ कुरपाइश्‍शो सन्‍दोस कुरचा, परमप्रभु यावे कली गेय पचा कली आ ङोंइती राप्‍चा नु आ नेंम मुर आन कली आसीक गेचा कली योव़तीमी। मुल सम्‍म मोदेंशो बाक्‍ब। ब्‍यवस्‍था १८:५; गन्‍ती ६:२३-२७

ब्‍यवस्‍था 21:5

मिनु चढ़ेब, लेवी आ तौपुकी मेको आ नेक्‍था जाक्‍चा माल्‍नीम। मारदे हना परमप्रभु यावे, इन परमप्रभु आ गेय पचा नु आ नेंमी आसीक गेचा कली योव़तु। मिनु जिशो खेशो बाक्‍त हना, मेको आन देंशो पचा माल्‍नीम। ब्‍यवस्‍था १७:८-९

ब्‍यवस्‍था 33:1

परमप्रभु आ मुर, मोसामी आ बेक्‍चा क्‍येङा ङोंइती इस्राएली आन कली मार आसीक गेप्‍तु देंशा हना

हिब्रू 7:1

मेको मेल्‍कीसेदेक सालेम ङा पिप नु नेल्‍ल क्‍येङा ठेयब परमप्रभु यावे आ चढ़ेब बाक्‍माक्‍त। अब्राहाममी आ जोरी सत्रु दुम्‍शो पिप आन कली ग्राशा साइश्‍शा ङा मिन लेम्‍मेनु, मेको मेल्‍कीसेदेकमी अब्राहाम कली ग्रुम्‍थ लशा, आसीक गेवा बाक्‍त। उत्‍पत्ती १४:१८-२०

हिब्रू 7:7

ठेयबमी आइक्‍च कली आसीक गेब, दे नेल्‍लेमी तुइक्‍नय।

यहोसु 8:33

मिनु इस्राएली नेल्‍ल, मेको नु बाक्‍ब अर्को रागी ङा मुरपुकी, खाल्‍पापुकी, ठेयब मुर नु मेको आन ठेयब मुरपुकी परमप्रभु यावे आ कबल पशो सन्‍दोस आ नेक्‍था राप्‍शो बाक्‍तेक्‍म। मेकोपुकी परमप्रभु यावे आ सन्‍दोस कुरब लेवी आ थर ङा चढ़ेब गे कोव़शा, राप्‍शो बाक्‍तेक्‍म। इस्राएली नु मेको नु बाक्‍ब अर्को रागी ङा मुर नेल्‍ल आधी गेरीजीम डांडा गे कोव़शा, अरु आधी एबाल डांडा गे कोव़शा राप्‍शो बाक्‍तेक्‍म। मिनु परमप्रभु यावे आ गेय पाइब मोसामी अरेशो खोदेंशो पा यहोसुमी इस्राएली नेल्‍ल आन कली आसीक गेप्‍तु। ब्‍यवस्‍था ११:२९; ब्‍यवस्‍था २७:१२-२६; ब्‍यवस्‍था २८:-

१ पत्रुस 1:2

इं आफ परमप्रभु यावेमी इन कली योव़शा, आ मुर दुम्‍नीम देंत। मिनु आ सोक्‍तीमी इन कली येसु ख्रीस्‍त कली टीब सेल्‍तु। आ हुशेमी चोव़खो सेल्‍तु। परमप्रभु यावे आ गेशो शिशी नु थुं नाइक्‍तीके ङोंइती क्‍येङा मुल गे नु शुश बाक्‍ल। रोमी ८:२९

२ यूहन्‍ना 1:3

मिनु इं आफ, परमप्रभु यावे नु आ तौ येसु ख्रीस्‍तमी इं कली शिशी नु थुं नाइश्‍शा बाक्‍चा गेम्‍सेक्‍ल। परमप्रभु यावे आ थमा शेंतीके नु आ गेशो दाक्‍मुचा यो गोपुकी नु बाक्‍ल।