गन्‍ती 6:18 - Sunuwar Bible

¹⁸ मिनु नोले मेको नाजिरीमी ग्रुम्‍तीक ताम्‍बु ओव़तीक आ ङोंइती आ तिल्‍शो पिया ङा चां प्रेक्‍चा माल्‍ब। मिनु मेको चां दुशा बाक्‍चा आ पर्बम चढ़ेतीक आ आगाम चोचा माल्‍ब। प्रेरित १८:१८

गन्‍ती 6:18 ပူးပေါင်းရင်းမြစ်များ

गन्‍ती 6:17

मिनु मेकोमी मेको सांड दुशा बाक्‍चा आ पर्बम परमप्रभु यावे कली चढ़ेचा माल्‍ब। मेको नु डालोम बाक्‍शो बोरब ओख्‍ती मसुप्‍शो शोब्‍ले चढ़ेचा माल्‍ब। मिनु मेको चढ़ेबमी मेको नु अन्‍न चढ़ेतीके नु तूचा थोव़क चढ़ेतीक चढ़ेचा माल्‍ब।

गन्‍ती 6:5

मेको गिश नाक्‍त सम्‍म नाजिरी दुम्‍शा दिल्‍शा बाक्‍बा, मिश नाक्‍त सम्‍म आ पिया ङा चां प्रेक्‍चा मदुम्‍ब। मेको आ नाजिरी दुम्‍शा दिल्‍शो नाक्‍ती मनुम्‍म सम्‍म मेकोमी परमप्रभु यावे कली ला दिल्‍शो बाक्‍ब। मेकोमी आ चां बारचा गेचा माल्‍ब। न्‍यायाधीस १३:५

गन्‍ती 6:9

मिनु दोक का का पा सुइ मुर मेको आ नेक्‍था बेक्‍शा, आ चां ग्रांग्रा सेल्‍तु हना, ग्रांग्रा मदिशो दुम्चा कली ७ नाक्‍तीम आ चां प्रेक्‍चा माल्‍ब। गन्‍ती १९:११,१४,१६

लूका 17:10

गेपुकी गेय पाइब ननी। परमप्रभु यावेम इन कली आ गेय पाइब सेल्‍शा, गेय पपाइक्‍तु। मिनु एको गेय पशा ‘परमप्रभु यावे आ देंशो पाइतय। तन्‍न सेवासी गेने मपुंइसय। मारदे हना आ वोइश्‍शो मुर नय’ दे मिम्‍तीने” दे शेंदीमी बाक्‍त। १कोरिन्‍थी ९:१६

प्रेरित 18:18

मोदेंशो दुम्‍शा नोले पावल शुश नाक्‍ती सम्‍म कोरिन्‍थ सहरम बाक्‍माक्‍त। मिनु अक्वीला नु नोले थमा सुइक्‍ब लोक्‍ब आन कली “लो, मुल लची जाक्‍ती” देंशा, जहाज ङोइश्‍शा, सिरीया गे लमाक्‍त। अक्‍वीला नु प्रिस्‍कीला यो पावल नु सिरीया गे लसा बाक्‍त। केन्‍क्रेया सहरमी जाक्‍दीश्‍शा, पावलमी आ चां प्रेक्‍गा बाक्‍त। मारदे हना कसम जशो बाक्‍माक्‍त। प्रेरित २१:२४-२६

प्रेरित 21:23

आंइ देंशो पावो। मिनु मेको लोव़ जाम्‍ब। गो नु बाक्‍ब ४ जना मुर कसम पशो बाक्‍तेक्‍म। प्रेरित १८:१८

प्रेरित 21:24

मोपतीके मेकोपुकी नु गारशा आन कसम जशो खाप्‍चा कली लावो। मिनु चोव़खो दुम्‍शा, नेल्‍लेमी इन चां प्रेक्‍सीने। चां प्रेक्‍शो ङा चहिं गे क्‍येट थाप्‍तीन। मो पाइतीनी हना, सुइमी मारेइ दोस गेने मचाप्‍नीमी। इं यहूदी अरेशो नेल्‍ल पशो बाक्‍ब, दे नेल्‍लेमी तुइक्‍नीमी।

प्रेरित 21:26

मिनु पावलमी मेको आन लोव़ नेंशा, आ दीसा मेको ४ जना नु काथा लशा चोव़खेचा पुंइसीशा, परमप्रभु यावे आ खिं ओव़शा, चोव़खेतीक नाक्‍त गेना नुप्‍बा नु नोले चढ़ेचा, दे चढ़ेब आन कली तुइक्‍पदमे बाक्‍त। गन्‍ती ६:१३-२१; १कोरिन्‍थी ९:२०

एफिसी 1:6

मिनु मेकोमी इं कली आ दाक्‍शो तौ आ पतीक रे मुरुमी मिम्‍ने मचाप्‍चा ङा शिशीम ठेयब सेल्‍चा कली आ तमी तौ सेल्‍तु। मत्ती ३:१७