गन्‍ती 6:15 - Sunuwar Bible

¹⁵ मिनु मेकोमी डालो का बोरब ओख्‍ती मसुप्‍शो शोब्‍ले, थम रिम्‍शो तेलम निशो फस के बटुकपुकी नु तेल ख्रेक्‍शो बोरब ओख्‍ती मसुप्‍शो बाबरपुकी चढ़ेचा माल्‍ब।

गन्‍ती 6:15 ပူးပေါင်းရင်းမြစ်များ

प्रस्‍थान 29:2

मिनु रिम्‍शो चेरब फस के बोरब ओख्‍ती मसुप्‍शो शोब्‍ले, तेल ब्‍वाइश्‍शो जिज शोब्‍ले नु तेल ख्रेक्‍शो बोरब ओख्‍ती मसुप्‍शो शोब्‍ले सेल्‍पाइक्‍चा माल्‍नेवे।

यसैया 62:9

सु सुमी अन्‍न ओंइनीमी, मेकोपुकीमी जचा ताइनीम। मिनु आं कली ठेयब सेल्‍नीम। मिनु सु सुमी खुप्‍नीमी, मेकोपुकीमी आं खिं ङा लाङगाम तूनीम” दे कसम जाप्‍तु।

योएल 1:13

चढ़ेबपुकी, सुर्ता पा अरन्‍डी फेक्‍शा रोंका पने। चढ़ेतीकेमी गेय पाइबपुकी रोंका पने। आं परमप्रभु आ गेय पाइबपुकी, नाक्‍दो यो सुर्ता पा अरन्‍डी फेक्‍शा बाक्‍कीन। मारदे हना इन परमप्रभु आ खिंमी अन्‍न चढ़ेतीके नु तूचा थोव़क चढ़ेतीके देक्‍शो बाक्‍ब।

योएल 1:9

अन्‍न चढ़ेतीके नु तूचा थोव़क चढ़ेतीके परमप्रभु यावे आ खिंमी चढ़ेचा देक्‍शो बाक्‍ब। परमप्रभु यावे आ ङोंइती गेय पाइब चढ़ेबपुकी रोंका पाइनीम। योएल २:१४

योएल 2:14

मिनु परमप्रभु यावेमी आ थुं लेश्‍शा, सजाइ मगेथु, आसीक गेबा कों? मेको सुम तुइक्‍बा ङा? मिनु गेपुकीम परमप्रभु यावे, इन परमप्रभु कली अन्‍न चढ़ेतीक नु तूचा थोव़क चढ़ेतीके चढ़ेने। योना ३:९

लेवी 2:4

अन्‍न चढ़ेतीक चाक्‍चा थुं पाम्‍तेक्‍म हना, चो‍शो शोब्‍‍ले चाक्‍चा माल्‍नीम। मेको शोब्‍ले रिम्‍शो फस के, तेलमी निशा बोरब ओख्‍ती मसुप्‍थु चोचा माल्‍नीम। बटुक तेलमी निशा बोरब ओख्‍‍ती मसुप्‍शो दुम्‍चा माल्‍नीम। तेलम मनिशो बाक्‍त हना, शोब्‍ले कली तेल ख्रेक्‍शो बाक्‍‍चा माल्‍ब। लेवी ७:९

लेवी 7:12

सुइमी परमप्रभु यावे कली “गे रिम्‍शो पाइब बाक्‍नीनी” दे ठेयब सेल्‍शा चढ़ेप्‍तु हना, मेकोमी तेलम निशो बोरब ओख्‍ती मसुप्‍शो बटुक, बोरब ओख्‍ती मसुप्‍शो तेल ख्रेक्‍शो शोब्‍ले नु थम रिम्‍शो फस के सेल्‍शो तेल वोइश्‍शो शोब्‍ले चढ़ेचा माल्‍नीम। लेवी १९:५-८; लेवी २२:२९-३०

लेवी 8:2

“गे हारून नु आ तौ आन कली, चढ़ेब आन फेक्‍तीक वा, आन कली लुक्‍चा कली तेल, पाप आ पर्बम चढ़ेतीक ब्‍यफ, सांड निक्‍शी नु बोरब ओख्‍ती मसुप्‍शो शोब्‍ले चाक्‍को। प्रस्‍थान २८:३९-४३

लेवी 9:4

मिनु परमप्रभु यावे आ ङोंइती दुशा बाक्‍चा आ पर्बम चढ़ेचा कली ब्‍यफ का, सांड का नु तेलम निशो अन्‍न चढ़ेतीक यो चाक्‍कीन। मारदे हना मुलाक्‍ती परमप्रभु यावेमी इन कली तपांइसीब’ माइक्‍मी” देंत।

गन्‍ती 15:10

मिनु तूचा थोव़क चढ़ेतीक कली आधा हिन अङगुर शांबु यो मेको चोशा चढ़ेतीक नु चढ़ेचा माल्‍नीनी। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।

गन्‍ती 6:16

मिनु चढ़ेबमी मेको नेल्‍ल परमप्रभु यावे आ ङोंइती वोइक्‍चा माल्‍ब। मिनु मेको पाप आ पर्बम चढ़ेतीके नु चोशा चढ़ेतीके चढ़ेचा माल्‍ब।

१ कोरिन्‍थी 10:31

मोपतीके मार जाइतीनी ब्‍वाइतीनी हना यो, तूतीनी हना यो, मार पाइतीनी हना यो परमप्रभु यावे कली ठेयब सेल्‍चा कली पने। कलस्‍सी ३:१७

१ कोरिन्‍थी 11:26

गे गेना एको शोब्‍ले जाइनीनी नु कचौरा रे तूनीनी, मेना प्रभु लेश्‍शा मजाक्‍म सम्‍म मेको आ बेक्‍शो आ पर्बम शेंनीनी। मत्ती २६:२९