गन्‍ती 5:7 - Sunuwar Bible

⁷ मिनु मेकोमी आ मरिम्‍शो पशो शोव़चा माल्‍ब। मिनु मेको मुरुमी आ खुइ पशो नेल्‍ल लेश्‍शा गेशा, मेको क्‍येङा यो ५ भाग तेम्‍शा गेचा माल्‍ब।

गन्‍ती 5:7 ပူးပေါင်းရင်းမြစ်များ

भजन संग्रह 32:5

मिनु “गो परमप्रभु यावे कली आं पाप शोव़नुङ” देंशा, गो आं मरिम्‍शो पशो इन ङोंइती मख्रुइक्‍तु। मिनु गे आं मरिम्‍शो पशो क्‍याम्‍ताक्‍नी। ठेयब सेंदा पा।

हितोपदेस 28:13

सुमी आंम पशो मरिम्‍शो पतीके ख्रुइक्‍बा, मेको सोशो बोशो मदुम्‍ब। तन्‍न सुमी आंम पशो मरिम्‍शो शोव़बा नु प्रोंइबा, मेको शिशी ताइब। भजन संग्रह ३२:३-५; १यूहन्‍ना १:८-९

लेवी 26:40

तन्‍न मेकोपुकीमी आंम पाप नु आन किकी पिपी आन पाप आ पर्बम ‘मरिम्‍शो पाइतक नु दूली लां गाक्‍स ङा गाक्‍स पाइतक’ देंतेक्‍म हना, ब्‍यवस्‍था ४:३०

लेवी 26:41

मिनु गो मेको आन कली मरिम्‍शो पस ङा पस बाक्‍शा, आन जोरी सत्रु आन रागीम सोइक्‍ताक्‍ङमी। मिनु मेको आन खकटा थुं ब्रेम्‍शो दुम्‍शा, आन पाप आ पर्बम पाप क्‍याम्‍तीक गेय पाम्‍तेक्‍म हना, ब्‍यवस्‍था १०:१६; येरमीया ९:२५

लेवी 5:15

“सुइ मुरुमी प्रेंशा, परमप्रभु यावे आ देंशो मटिथु, पाप पाप्‍तु हना, मेको आ बगाल रे मारेइ मदुम्‍शो थम रिम्‍शो ताम्‍बु ङा चांदी के शेकेलम फाइक्‍चा कली सांड का मेको पाप आ पर्बम चढ़ेचा कली परमप्रभु यावे आ ङोंइती चाक्‍चा माल्‍ब। मेको गारचा आ पर्बम चढ़ेतीक बाक्‍ब। शेकेल का ११.५ ग्राम बाक्‍ब। चांदी नु सुन के क्‍येट बाक्‍त।

लेवी 5:16

मेकोमी गारचा कली प्रेंशो बाक्‍त हना, परमप्रभु यावे कली गेतीकेम ५ भाग तेम्‍चा माल्‍ब। मिनु मेको चढ़ेब कली गेचा माल्‍ब। मिनु चढ़ेबम मेको पाप गारचा आ पर्बम चढ़ेशो सांड लाइश्‍शा पाप क्‍याम्‍तीक गेय पचा माल्‍ब। मिनु मेको माफ ताइब दुम्‍ब। लेवी ५:२३-२४; लेवी २२:१४; लेवी २७:१३;

लेवी 5:5

मिनु मेको मुर आ पशो पाप तुइक्‍ता नोले, मेकोमी आ पशो पाप शोव़चा माल्‍ब। लेवी १६:२१; गन्‍ती ५:७; यहोसु ७:२०

लेवी 7:7

गारचा आ पर्बम चढ़ेतीके पाप आ पर्बम चढ़ेतीक खोदेंशो बाक्‍ब। पतीक गेय यो कान बाक्‍ब। मिनु तेको चढ़ेबम मेको पाप क्‍याम्‍तीक गेय पवा, मेको मेको केन दुम्‍ब।

गन्‍ती 5:8

तन्‍न मेको खुइ पचा पुंइसीशो मुर बेक्‍शा, मेको के सुइ मबाक्‍तेक्‍म हना, मेको पाप आ पर्बम थाप्‍शो परमप्रभु यावे के दुम्‍शा, चढ़ेब आन के दुम्‍ब। मिनु आ पाप क्‍याम्‍तीक गेय पचा कली सांड का गेचा माल्‍ब।

लूका 19:8

मिनु जक्‍कैमी प्रभु कली खिंम ओंइशा “हे प्रभु, आं शोंप क्‍येट नेल्‍ल उइक्‍थ पा योक्‍शा, मथीब आन कली गेनुङमी। सु सु कली हिम हिम पा मार मार ताक्‍गु, मेको आन कली ४ खेयप तेम्‍शा लेश्‍शा गेनुङमी” देंमाक्‍त। प्रस्‍थान २१:३७; इजीकीएल ३३:१४-१६

यहोसु 7:19

मिनु यहोसुमी आकान कली “आं तौ, परमप्रभु यावे, इस्राएली आन परमप्रभु कली ठेयब सेलो। मार मार पवी, मेको कली देनो। इ पशो आं कली देनो। लोव़ का यो मख्रुइक्‍तो” देंत।