गन्‍ती 5:3 - Sunuwar Bible

³ मोदेंशो वोंइश मुर नु मीश मुर नेल्‍ल आन कली मुर आन बाक्‍तीके क्‍येङा ङोन वोइक्‍चा माल्‍नीनी। मेकोपुकीमी मुर आन बाक्‍तीके ग्रांग्रा दिशो सेल्‍चा मदुम्‍नीम। मारदे हना गो इन दातेमी बाक्‍शो बाक्‍नुङ” देंत। गन्‍ती १२:१४-१५; प्रस्‍थान २५:८

गन्‍ती 5:3 ပူးပေါင်းရင်းမြစ်များ

१ राजा 7:3

मेको नेल्‍ल लेबानोन ङा लाइश्‍शो रवा आ शी के फलेकम साप्‍शो बाक्‍माक्‍त। मेको थाम लहर कामी १५ ओटा पा, लहर सांमी ४५ ओटा बाक्‍मा बाक्‍त।

भजन संग्रह 68:18

गे इर ङोइश्‍शा लाइतीनी। ग्‍याइश्‍शो मुर आन कली लाइक्‍तीनी। मुर आन दातेमी गे मारेइ मारेइ ताइतीनी। ङोंइती मटीब आन दातेमी यो ताइतीनी। परमप्रभु यावे मेकेर बाक्‍ब। एफिसी ४:८-१०

प्रस्‍थान 25:8

मिनु गो मेको आन दातेमी बाक्‍चा कली आं बाक्‍तीक सेल्‍पतो। इजीकीएल ३७:२६-२८

प्रस्‍थान 29:45

गो इस्राएली आन दातेमी बाक्‍नुङ। मिनु मेको आन परमप्रभु दुम्‍ती। प्रस्‍थान २५:८; जकरिया २:१४; लेवी २६:१२

यसैया 12:6

सियोनम बाक्‍बपुकी ठेयब सेंदा पा ग्‍येरशा परमप्रभु कली ठेयब सेल्‍शा कुम्‍सो पने। मारदे हना इस्राएली आन का ला बाक्‍शो परमप्रभु इन दातेमी ठेयब बाक्‍ब।

लेवी 14:8

मिनु मेको चोव़खो सेल्‍चा पुंइसीशो मुरुम आ वा मुरचा माल्‍ब। आ चां नेल्‍ल प्रेक्‍शा, चिक्‍चा माल्‍ब। मिनु मेको ग्रांग्रा मदिशो चोव़खो दुम्‍ब। मिनु नोले मुर आन बाक्‍तीके लचा दुम्‍ब। तन्‍न ७ नाक्‍त सम्‍म आ ताम्‍बु आ लाङगाम बाक्‍चा माल्‍ब। गन्‍ती ८:७

लेवी 15:31

मोपा गे निक्‍शीमी इस्राएल ङा मुर आन कली ग्रांग्रा दितीक रे ङोन वोतीस। मो मपाइतीसी हना, मेकोपुकीम आं बाक्‍तीक ताम्‍बु ग्रांग्रा दिशो सेल्‍नीम। मिनु मेको आन ग्रांग्रा आ पर्बम बेक्‍नीम।

गन्‍ती 16:3

मिनु मेकोपुकी बुक्‍शा, मोसा नु हारून आस कली “गे निक्‍शीमी थम मरिम्‍शो पाइतीसी। ग्रुम्‍तीक ङा मुर नेल्‍ले का का पा, ग्रांग्रा मदिशो बाक्‍नीम। मिनु परमप्रभु यावे मेको आन दातेमी बाक्‍ब। गे मारदे इस कली परमप्रभु यावे आ मुर आन क्‍येङा ठेयब सेल्‍सीनीसी?” देंतेक्‍म।

गन्‍ती 19:22

ग्रांग्रा दिशो दुम्‍शो मुरुमी मार थिवा, मेको नेल्‍ल ग्रांग्रा दिशो दुम्‍नीम। मिनु सुमी मेको ग्रांग्रा दिशो थोव़क थीबा, मेको यो नां मलाक्‍गा सम्‍म ग्रांग्रा दिशो दुम्‍ब” देंत।

गन्‍ती 35:34

गे इन बाक्‍शो रागी ग्रांग्रा दिशो मसेलीन। गो यो मेकेर बाक्‍नुङ। मारदे हना गो परमप्रभु यावे इस्राएली आन दातेमी बाक्‍नुङ’ दे इस्राएली आन कली देनो” देंत। लेवी १८:२४-२८; प्रस्‍थान २९:४५

गन्‍ती 5:4

मिनु इस्राएलीपुकीमी मो पाम्‍तेक्‍म। मोदेंशो मुर आन कली मुर आन बाक्‍तीके क्‍येङा ङोन वोइक्‍तेक्‍म। परमप्रभु यावेमी मोसा कली अरेशो खोदेंशो पा इस्राएलीपुकीमी पाम्‍तेक्‍म।

ब्‍यवस्‍था 23:14

मारदे हना इन कली प्रोंइचा नु इन जोरी सत्रु आन कली इन कली जिम्‍मा गेचा कली परमप्रभु यावे, इन परमप्रभु इन लडाइ पाइब आन बाक्‍तीकेम बाक्‍ब। मेकोमी इन कली इन जोरी सत्रु रे प्रोंइचा नु मेको आन कली इन गुइम गेब। मोपतीके इन बाक्‍तीके रिम्‍शो, आ खोदेंशो दुम्‍चा माल्‍ब। मिनु इन दातेमी ग्रांग्रा दित्‍चा ङा ताप्‍तु हना, इन बाक्‍तीक रे गाक्‍ब। लेवी २६:१२

ब्‍यवस्‍था 23:15

मिनु वाइल का आ होव़प रे प्रोक्‍शा, इन बाक्‍तीकेम जाक्‍त हना, गेपुकीमी मेको कली लेंशा आ होव़प कली गेचा मदुम्‍ब।

२ थिस्‍सलोनिकी 3:6

आंइ लोक्‍बपुकी, गोपुकीमी इं प्रभु येसु ख्रीस्‍त आ नेंमी इन कली मार देंनीकी देंशा हना, गेपुकी नु बाक्‍शो लोक्‍ब सु सुम गेय पचा मदाक्‍थु बाक्‍मा, मोदेंशो पा आंइ शेंशो मटीमे, मेको नु काइ मबाक्‍कीन। २थिस्‍सलोनिकी २:१५; मत्ती १८:१७; रोमी १६:१७

तीतस 3:10

गे मोदेंशो दूली शेंब आन कली खेयप निक्‍शी सम्‍म लोव़ पावो। मेकोम मटिप्‍तु हना, मेको रे ङोन बाक्‍को। २यूहन्‍ना १०; मत्ती १८:१५-१७

प्रकाश 21:27

मिनु जाम्‍शा लाइबपुकी, ग्रांग्रा दिचा ङा गेय पाइबपुकी नु जोल पाइबपुकी चहिं मेको सहरमी ओव़चा मताइनीम। पाठा आ ब्रोंइतीक किताबमी नें ब्रेक्‍शोपुकी ला ओव़चा ताइनीम।

प्रकाश 21:3

मिनु गो ठेयब नित्‍तीके रे ठेयब सेंदा का ग्रूशो नेंता। मेकोमी “कोव़ङीन, परमप्रभु यावे आ बाक्‍तीकेमी मुरपुकी यो बाक्‍नीम। परमप्रभु यावे मुरपुकी नु बाक्‍ब। मेकोपुकी परमप्रभु यावे आ मुर बाक्‍नीम। मिनु परमप्रभु यावे आ मुरपुकी नु बाक्‍ब। प्रस्‍थान २९:४३५; येरमीया ७:२३