गन्‍ती 5:15 - Sunuwar Bible

¹⁵ मेको वोंइश मुरुमी आ मीश कली चढ़ेब आ बाक्‍तीके चाक्‍चा माल्‍ब। मिनु मेको आ मीश आ पर्बम एफाह का ङा १० भाग ङा भाग का क्‍योव़ज फस चाक्‍चा माल्‍ब। मेको आ तारी तेल लुक्‍चा नु धूप वोइक्‍चा मदुम्‍ब। मारदे हना मेको रुश पशो आ पर्बम अन्‍न चढ़ेतीक बाक्‍ब। मेको अन्‍न चढ़ेतीक मरिम्‍शो पशो मिम्‍चा कली बाक्‍ब। एफाह का २२ लिटर ङा पुक्‍तीक बाक्‍ब।

गन्‍ती 5:15 ပူးပေါင်းရင်းမြစ်များ

१ राजा 17:18

मिनु मेको मीश मुरुम एलीया कली “परमप्रभु आ मुर, गे नु गो इस दातेम मार मरिम्‍शो दुम्‍शो बाक्‍बा? मार, गे आं पाप कोंइशा, आं तौ कली साइक्‍थ जाक्‍नी?” देंमाक्‍त।

इजीकीएल 21:23

तन्‍न यरूसलेम ङा मुर आन कली मेको लिंक्‍यु कोव़तीक दूली बाक्‍त, दे मिम्‍नीम। मारदे हना मोदेंशो मदुम्‍ब, दे कसम जशो लोव़ नेंशो बाक्‍तेक्‍म। तन्‍न परमप्रभुम मेको आन मरिम्‍शो पशो मिम्‍पाइक्‍ब। मिनु मेको आन कली ग्‍याइक्‍पाइक्‍ब।

इजीकीएल 29:16

मिनु इस्राएल आ खिं ङा मुरपुकीमी इजीप्‍त रागी कली लेंशा गेनायो थमा मसुइक्‍नीम। तन्‍न इस्राएलम इजीप्‍त कली ‘वारच पाइक्‍की’ दे पुंइथ लशा आन पाप मिम्‍पाइक्‍नीम। मेना मेकोपुकीम गोन परमप्रभु, परमप्रभु यावे नङ, दे तुइक्‍नीम” देंशो बाक्‍ब।

होसे 3:2

मोपतीके गो मेको मुर कली १५ शेकेल चांदी, होमेर का नु लेतेक का क्‍योव़ज गेशा आं मीश लेंशा ग्‍याप्‍ता। शेकेल का ११.५ ग्राम चांदी के क्‍येट बाक्‍ब। होमेर का २२० लिटर बाक्‍ब। लेतेक का ११० लिटर बाक्‍ब।

लेवी 1:2

गे “इस्राएली आन कली ‘इन दाते ङा सुइम परमप्रभु यावे कली इन बी ब्‍यफ, क्‍यारश भेडा चढ़ेनीनु, आंम इन बगाल रे चढ़ेने।

लेवी 2:1

मिनु सुइ मुरुमी परमप्रभु यावे कली अन्‍न चढ़ेचा थुं पाप्‍तु हना, मेको अन्‍न चढ़ेतीक थम रिम्‍शो फस बाक्‍चा माल्‍ब। मिनु मेकोमी मेकेर तेल लुक्‍शा, धूप सुप्‍चा माल्‍नीम। लेवी ७:१०; गन्‍ती १५:४

लेवी 5:11

तन्‍न ढुकुर निक्‍शी नु परवा निक्‍शी यो चाक्‍ने मचाप्‍तु हना, मेकोमी मार पाप पशो बाक्‍मे, मेको पाप आ पर्बम एफाह का ङा १० भाग थम रिम्‍शो फस चाक्‍चा माल्‍ब। मेकोमी मेको फस तार तेल लुक्‍चा नु धूप वोइक्‍चा मदुम्‍ब। मारदे हना मेको पाप आ पर्बम चढ़ेतीके बाक्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको ङा १० भाग २ लिटर नु इच्‍का खोइ खोदेंशो बाक्‍ब।

गन्‍ती 5:16

मिनु चढ़ेबमी मेको मीश मुर कली आ नेक्‍था चाक्‍शा, परमप्रभु यावे आ ङोंइती राप्‍पाइक्‍चा माल्‍ब।

हिब्रू 10:3

तन्‍न मेको चढ़ेशोमी बर्स बर्समी पाप मिम्‍पाइक्‍ब, गेनायो मप्रेंसीब। लेवी १६:३४