गन्‍ती 4:6 - Sunuwar Bible

⁶ मिनु नोले मेकोपुकीमी मेको आ तार रिम्‍शो कोक्‍तेमी सुम्‍चा माल्‍नीम। मेको आ तारी नीलो रङ ङा वामी सुम्‍चा माल्‍नीम। मिनु मेको आ कुरतीक कोक्‍के शुइक्‍चा माल्‍नीम।

गन्‍ती 4:6 ပူးပေါင်းရင်းမြစ်များ

प्रस्‍थान 25:10

मेकोपुकीमी बोल्‍यो शी के सन्‍दोस का सेल्‍चा माल्‍नीम। मेको आ पित्‍थ लाइश्‍शो कुबीत निक्‍शी नु आधा, आ ब्रेम्‍शो कुबीत का नु आधा नु आ ग्‍येत्‍थ लाइश्‍शो कुबीत का नु आधा ङा सेल्‍चा माल्‍नीम। कुबीत का ०.५ मिटर खोदेंशो बाक्‍ब।

प्रस्‍थान 35:19

नु हारून नु आ तौ परमप्रभु कली चढ़ेब दुम्‍चा कली फेक्‍तीक वासी सेल्‍चा माल्‍नीनी” दे मुर आन कली माइक्‍तीमी।

प्रस्‍थान 39:1

परमप्रभु यावेमी मोसा कली दोपा अरेवा, मोपा बेचालेल नु आ मुरपुकीमी हारून कली परमप्रभु यावे आ बाक्‍तीकेमी गेय पचा कली नीलो प्‍याजी नु लल रङ ङा श्‍येले के प्रोव़शो फेक्‍तीक वा सेल्‍तेक्‍म।

प्रस्‍थान 39:41

परमप्रभु यावे आ बाक्‍तीक ङा गेय पचा कली हारून कली फेक्‍तीक वा नु आ तौ आन कली परमप्रभु यावे कली चढ़ेब दुम्‍चा कली आन फेक्‍शा गेय पतीके वा नेल्‍ल चाक्‍तेक्‍म।

गन्‍ती 4:14

मिनु मेकोपुकीमी चढ़ेतीकेम माल्‍शो मारेइ मारेइ थोव़की मेको आ तारी वोइक्‍चा माल्‍नीम। मी वोइक्‍तीके, श्‍ये ग्रुंइतीके, बेल्‍चापुकी, ब्‍वाक्‍कु वोइक्‍तीक ग्‍योंबपुकी नु चढ़ेतीक ङा मारेइ मारेइ वोइश्‍शा, मेको तार रिम्‍शो कोक्‍तेम सुम्‍चा माल्‍नीम। मेको आ कुरतीक कोक्‍के शुइक्‍चा माल्‍नीम।

गन्‍ती 4:25

ग्रुम्‍तीक ताम्‍बु ङा फारशो वा, ग्रुम्‍तीक ताम्‍बु आ सुम्‍तीके नु मेको तार बाक्‍शो रिम्‍शो कोक्‍ते नु ग्रुम्‍तीक ताम्‍बु आ ओव़तीक ङा फारशो वा कुरचा माल्‍नीम।

ब्‍यवस्‍था 31:9

मिनु मोसामी परमप्रभु आ अरेशो लोव़ ब्रेक्‍शा, चढ़ेब, लेवी आ थर ङा मुर नु इस्राएली आन खाल्‍पा आन कली गेम्‍तीमी। मिनु लेवी आ थर ङा मुरपुकीमी चहिं परमप्रभु यावे आ सल्‍ला पतीक सन्‍दोस कुरशो बाक्‍तेक्‍म।