गन्‍ती 4:25 - Sunuwar Bible

²⁵ ग्रुम्‍तीक ताम्‍बु ङा फारशो वा, ग्रुम्‍तीक ताम्‍बु आ सुम्‍तीके नु मेको तार बाक्‍शो रिम्‍शो कोक्‍ते नु ग्रुम्‍तीक ताम्‍बु आ ओव़तीक ङा फारशो वा कुरचा माल्‍नीम।

गन्‍ती 4:25 ပူးပေါင်းရင်းမြစ်များ

प्रस्‍थान 26:1

आं बाक्‍तीके सेल्‍चा कली रिम्‍शो पा किरशो सुती श्‍येले के १० ओटा ताम्‍बु साप्‍तीके प्रोव़पाइक्‍चा माल्‍नेवे। मेको सुती श्‍येले नीलो, प्‍याजी नु लल रङम नुप्‍शो बाक्‍चा माल्‍ब। मिनु मेको वामी करूब बुटा आप्‍शा, थाम्‍पा रिम्‍शो प्रोव़स जोक्‍ब मुर आन कली प्रोव़पाइक्‍चा माल्‍नेवे।

प्रस्‍थान 26:14

ताम्‍बु आ साप्‍तीके निक्‍शी आस तारी लल रङम नुप्‍शो बोका आ कुशुल के सेल्‍पाइक्‍चा माल्‍नेवे। मिनु मेको आ तार अर्को साप्‍तीके नेल्‍ल क्‍येङा रिम्‍शो कुशुल के सेल्‍पाइक्‍चा माल्‍नेवे।

प्रस्‍थान 40:19

परमप्रभु यावे आ बाक्‍तीक तारी सुम्‍तीके यो कोप्‍ताक्‍व। परमप्रभु यावेमी मोसा कली दोपा अरेवा, मोपा पाप्‍तु।

गन्‍ती 1:50

तन्‍न गे लेवी आन कली आं कबल पशो सन्‍दोस वोइश्‍शो ताम्‍बु नु आ मारेइ मारेइ थोव़क कोव़चा कली वोइक्‍मी। मेकोपुकीमी ग्रुम्‍तीक ताम्‍बु नु आ मारेइ मारेइ थोव़क कुरचा माल्‍नीम। मेकोपुकीमी मेको कोव़चा माल्‍नीम। मिनु आन ताम्‍बु ग्रुम्‍तीक ताम्‍बु आ एर ओंथ कीचा माल्‍नीम।

गन्‍ती 4:24

मिनु गेरशोन आ मुर आन पतीके मार बाक्‍त देंशा हना, गेय पचा नु मार मार कुरचा माल्‍नीम।

गन्‍ती 4:6

मिनु नोले मेकोपुकीमी मेको आ तार रिम्‍शो कोक्‍तेमी सुम्‍चा माल्‍नीम। मेको आ तारी नीलो रङ ङा वामी सुम्‍चा माल्‍नीम। मिनु मेको आ कुरतीक कोक्‍के शुइक्‍चा माल्‍नीम।