गन्‍ती 4:12 - Sunuwar Bible

¹² मिनु ग्रुम्‍तीक ताम्‍बुम माल्‍शो मारेइ मारेइ खुप्‍शा, नीलो वाम कुम्‍लो पचा माल्‍नीम। मिनु मेको कली रिम्‍शो कोक्‍तेम सुम्‍चा माल्‍नीम। मिनु कुरतीक तारी वोइक्‍चा माल्‍नीम।

गन्‍ती 4:12 ပူးပေါင်းရင်းမြစ်များ

१ इतिहास 9:28

मेको आन दाते ङा का निक्‍शीमी परमप्रभु आ बाक्‍तीके ङा गेय पतीक मार मार खाल पाइब बाक्‍मा बाक्‍त। मेकोपुकीमी मार मार आगा लदमेनु नु ग्रुंइदमेनु, हिक्‍शा वोइक्‍चा माल्‍बाक्‍मा बाक्‍त।

१ इतिहास 9:29

मेको आन दाते ङा अरुमी परमप्रभु यावे आ ग्‍योंब नेल्‍ल, फस, अङगुर शांबु, तेल, धूप नु मस्‍ला खाल पाइब बाक्‍मा बाक्‍त।

२ इतिहास 4:11

मिनु हुराममी ग्‍योंब, बेल्‍चा नु बोसपुकी सेला बाक्‍त। मोपा हुराममी पिप सोलोमन आ गेशो परमप्रभु आ खिं ङा गेय नेल्‍ल थुमा बाक्‍त।

२ इतिहास 4:16

ग्‍योंबपुकी, बेल्‍चापुकी, श्‍ये ग्रुंइतीक कांटापुकी नु मेकेर माल्‍शो मारेइ मारेइ सोलोमनम अरेशो खोदेंशो पा हुराममी परमप्रभु यावे आ खिं कली सेल्‍शो नेल्‍ल टल्‍केपपाइश्‍शो कांसा के बाक्‍मा बाक्‍त।

२ इतिहास 4:19

मिनु सोलोमनम परमप्रभु आ खिं कली माल्‍तीक मारेइ मारेइ सुन के चढ़ेतीके, कोंइतीक शोब्‍ले वोइक्‍तीके टेबलपुकी सेल्‍पदा बाक्‍त।

२ इतिहास 4:22

क्‍येख सुन के सल्‍दो क्‍योरतीके, बोसपुकी नु डाडुपुकी नु मी कुरतीके सेल्‍पदा बाक्‍त। मिनु परमप्रभु यावे आ खिं ङा लाप्‍चो, आगा ङा नेल्‍ल क्‍येङा चोव़खो कोठा ङा लाप्‍चो नु ठेयब बाक्‍तीक ङा लाप्‍चो नेल्‍ल सुन के सेल्‍पदा बाक्‍त।

प्रस्‍थान 25:5

लल रङ नुप्‍शो सांड आ कुशुल, नेल्‍ल क्‍येङा रिम्‍शो सेल्‍शो कुशुल, बोल्‍यो शी,

प्रस्‍थान 25:9

गो इ कली कोंइशो खोदेंशो पा ताम्‍बु सेल्‍पाइक्‍चा माल्‍नेवे। आगाम मार मार वोइक्‍चा माल्‍नेवे, मेको आं कोंइशो खोदेंशो पा सेल्‍पतो। प्रस्‍थान २५:४०; प्रस्‍थान २६:३०; प्रस्‍थान २७:८

प्रस्‍थान 31:10

आं कली चढ़ेब दुम्‍तीके रिम्‍शो प्रोव़शो वा नेल्‍ल, चढ़ेब हारून आ चढ़ेची ना फेक्‍तीक वा नु आ तौ आन फेक्‍तीक वा,

गन्‍ती 3:8

मेकोपुकीमी ग्रुम्‍तीक ताम्‍बु ङा मारेइ मारेइ कोव़चा माल्‍नीम। मिनु मेकोपुकीमी ग्रुम्‍तीक ताम्‍बु ङा इस्राएली आन पचा माल्‍शो गेय पचा माल्‍नीम। गन्‍ती ४:-

गन्‍ती 4:11

मेकोपुकीमी सुन के चढ़ेतीक तारी नीलो वा ब्रशा, रिम्‍शो कोक्‍तेम सुम्‍चा माल्‍नीम। मिनु मेको आ कुरतीक कोक्‍के शुइक्‍चा माल्‍नीम। प्रस्‍थान ४०:२६-२७

गन्‍ती 4:13

मेकोपुकीमी चढ़ेतीक रे पुलु शोल्‍शा, मेको आ तार प्‍याजी रङ ङा वा ब्रचा माल्‍नीम।

गन्‍ती 4:6

मिनु नोले मेकोपुकीमी मेको आ तार रिम्‍शो कोक्‍तेमी सुम्‍चा माल्‍नीम। मेको आ तारी नीलो रङ ङा वामी सुम्‍चा माल्‍नीम। मिनु मेको आ कुरतीक कोक्‍के शुइक्‍चा माल्‍नीम।

गन्‍ती 4:7

मिनु मेकोपुकीमी कोंइतीक शोब्‍ले वोइक्‍तीक टेबल तार नीलो वा का ब्रशा, मेको आ तारी थालपुकी, थनौरोपुकी, बोसपुकी नु तूचा थोव़क चढ़ेचा कली कचौरा वोइक्‍चा माल्‍नीम। मिनु नाक्‍त किंत किंत ङा कोंइतीक शोब्‍ले यो मेको तार बाक्‍चा माल्‍ब।

गन्‍ती 4:9

मेकोपुकीमी बत्ती दातीके नीलो वाम सुम्‍चा माल्‍नीम। मेको आ बत्ती, आ थनारो, आ थाल नु तेल वोइक्‍तीके नेल्‍ल सुम्‍चा माल्‍नीम। प्रस्‍थान २५:३१