गन्‍ती 36:2 - Sunuwar Bible

² मिनु मेकोपुकीमी “परमप्रभु यावेमी आंइ होव़प, इन कली इस्राएली आन कली रागी योक्‍शा गेचा, दे अरेशो बाक्‍त। मिनु आंइ लोक्‍ब सेलोफेहाद आ शोंप चहिं मेको आ तमी आन कली गेचा माल्‍ब, दे परमप्रभु यावेमी अरेशो बाक्‍त। गन्‍ती २६:५५

गन्‍ती 36:2 ပူးပေါင်းရင်းမြစ်များ

अय्‍युब 42:15

मिनु रागी नेल्‍लेम अय्‍युब आ तमी खोदेंशो दारशो अरु सुइ मबाक्‍मा बाक्‍त। मिनु मेको आन आफोम मेको आन कली आन लोक्‍बपुकी नु उइक्‍थ उइक्‍थ पा शोंप योक्‍शो गेमी बाक्‍त। गन्‍ती २७:८-११

गन्‍ती 33:54

मिनु गे थर थर आन खिं खिं ङा मुर आन कली हिक्‍शा, रागी योव़शा, मेको रागी योक्‍सीन। शुश खिं पाइश्‍शो थर आन कली ठेयब रागी गेचा, शुश खिं मपाइश्‍शो थर आन कली आइक्‍च रागी गेचा माल्‍नीनी। सुका आ नें बाजीम कोंइबा, मेको मेको थर केन दुम्‍ब। इन किकी पिपी आन थर थर पा मेको रागी योक्‍कीन। गन्‍ती २६:५४-५५

गन्‍ती 36:3

तन्‍न मेको मीश आलपुकीम इस्राएली आन अरु थर ङा मुर नु ग्‍युंबे पाम्‍तेक्‍म हना, मेको आन शोंप वोंइश मुर आन शोंपोम तेम्‍सीब। मोपा मेको आन भाग आंइ किकी पिपी आन रागी रे जाम्‍शा लाइब।

यहोसु 13:6

मिनु लेबानोन रे मिस्रेपोत-माइम सम्‍म पहाड ङा मुर नेल्‍ल नु सीदोनी आन रागी लीशो बाक्‍नी‍म। गो मेको मुर नेल्‍ल आन कली इस्राएली आन ङोंइती रे ग्रुंइनुङमी। गोम इ कली अरेशो खोदेंशो पा मेको रागी इस्राएली आन कली योक्‍शा गेवो। मेको रागी आंम के सेल्‍चा कली योक्‍शा गेमी।