गन्‍ती 35:8 - Sunuwar Bible

⁸ मिनु ठेयब रागी तशो इस्राएली आन थर रे शुश सहर गेचा नु आइक्‍च रागी तशो इस्राएली आन थर रे का निक्‍शी सहर गेचा माल्‍नीनी। मेको थर थर ङा मुरुमी आ योक्‍शा गेशो रागी गारचा ङा पा लेवी थर ङा मुर आन कली सहरपुकी गेचा माल्‍नीम, देंचा माल्‍नेवे” दे परमप्रभु यावेमी मोसा कली देंत। गन्‍ती २६:५४

गन्‍ती 35:8 ပူးပေါင်းရင်းမြစ်များ

उत्पत्ती 49:7

इस गाइश्‍शोम सराप राइब। मारदे हना मेको ठेयब बाक्‍ब। इस चुरचाम सराप राइब। मारदे हना मेको शिशी मपाइश्‍शो मरिम्‍शो बाक्‍ब। थुं का मदुमीस। इस्राएल रागीमी ब्राशा बाक्‍कीस। यहोसु १९:१-९; २१:१-४२

२ इतिहास 11:14

लेवीपुकीम आन बाक्‍तीक नेल्‍ले प्रोंइशा, यहूदा नु यरूसलेमम बाक्‍थ जाक्‍मा बाक्‍त। मारदे हना येरोबाम नु आ तौपुकीमी मेको आन कली परमप्रभु यावे कली चढ़ेतीक गेय पचा मगेमे बाक्‍त। २इतिहास १३:९

प्रस्‍थान 16:18

तन्‍न पुक्‍ग‍मेनु, मेको शुश गुप्‍ब नु इच्‍कका ला गुप्‍ब नेल्‍ल आन के उइक्‍थ उइक्‍थ दुम्‍माक्‍त। नेल्‍लेमी गिश जचा दाक्‍तमे, मिश गुप्‍तेक्‍म। २कोरिन्‍थी ८:१५

लेवी 25:32

मिनु लेवी आन सहरमी बाक्‍शो खिं चहिं मेकोपुकीमी आंम खिं गेना हना यो लेन्‍ने चाप्‍नीम। गन्‍ती ३५:२-५

गन्‍ती 26:54

गे मेको आन कली ठेयब थर आन कली ठेयब रागी नु आइक्‍च थर आन कली आइक्‍च रागी पा योक्‍शा गेमी। थर का का आन कली मेको आ मुर आन कली कोव़शा हुकुम पचा गेमी।

गन्‍ती 33:54

मिनु गे थर थर आन खिं खिं ङा मुर आन कली हिक्‍शा, रागी योव़शा, मेको रागी योक्‍सीन। शुश खिं पाइश्‍शो थर आन कली ठेयब रागी गेचा, शुश खिं मपाइश्‍शो थर आन कली आइक्‍च रागी गेचा माल्‍नीनी। सुका आ नें बाजीम कोंइबा, मेको मेको थर केन दुम्‍ब। इन किकी पिपी आन थर थर पा मेको रागी योक्‍कीन। गन्‍ती २६:५४-५५

गन्‍ती 35:9

मिनु परमप्रभु यावेमी लेंशा मोसा कली