गन्‍ती 35:34 - Sunuwar Bible

³⁴ गे इन बाक्‍शो रागी ग्रांग्रा दिशो मसेलीन। गो यो मेकेर बाक्‍नुङ। मारदे हना गो परमप्रभु यावे इस्राएली आन दातेमी बाक्‍नुङ’ दे इस्राएली आन कली देनो” देंत। लेवी १८:२४-२८; प्रस्‍थान २९:४५

गन्‍ती 35:34 ပူးပေါင်းရင်းမြစ်များ

१ राजा 6:13

मिनु गो इस्राएल ङा आं आल आन दातेम बाक्‍नुङ। मिनु गो आं मुर इस्राएली आन कली गेनायो मप्रोंइनुङमी” देंमाक्‍त। प्रस्‍थान २९:४५

भजन संग्रह 132:14

मिनु परमप्रभुमी “एकेर नाइक्‍नुङ। एकेर गेना हना यो बाक्‍नुङ, मारदे हना गो मेको दाक्‍नुङ।

भजन संग्रह 135:21

सियोन रे परमप्रभु यावे कली ठेयब सेल्‍मेक्‍ल। यरूसलेमम बाक्‍बपुकीमी परमप्रभु यावे कली ठेयब सेल्‍मेक्‍ल। परमप्रभु यावे कली ठेयब सेलीन।

प्रस्‍थान 25:8

मिनु गो मेको आन दातेमी बाक्‍चा कली आं बाक्‍तीक सेल्‍पतो। इजीकीएल ३७:२६-२८

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

यसैया 8:12

मुरपुकीम अरु आन पर्बम ख्रुइश्‍शा मरिम्‍शो गेय पाइनीम। गे मोदेंशो मपने। मेको मार तशा हिंनीमी, गे मेको तशा महिनीन। इन थुं ग्‍येत्‍थ लुक्‍च मपपतीन।

येरमीया 16:18

गो मेको आन मरिम्‍शो पशो नु आन पाप आ पर्बम मेको आन कली निक्‍शी खेयप सजाइ गेनुङमी। मारदे हना मेकोपुकीमी सोक्‍ती मपाइश्‍शो मूर्तिपुकीम आं रागी ग्रांग्रा दिशो सेल्‍तेक्‍म। मिनु आं थेरशो रू आन ग्रांग्रा दिशो देवी देवताम प्रिंताक्‍म” देंत। यसैया ४०:२

इजीकीएल 35:10

गो परमप्रभु यावे मेक बाक्‍ती हना यो, गे ‘मेको रागी निक्‍शी नु राज्‍य निक्‍शी आं के दुम्‍ब। मिनु गो मेको आन कली हुकुम पाइनुङ’ देंते।

होसे 9:3

मेकोपुकी परमप्रभु यावे आ रागीमी बाक्‍चा मताइनीम। एफ्राइम इजीप्‍त रागीमी लेश्‍शा लाइब। मिनु मेकोपुकीमी अस्‍सुरमी ग्रांग्रा दिचा ङा थोव़की जाइनीम। होसे ८:१३

गन्‍ती 16:3

मिनु मेकोपुकी बुक्‍शा, मोसा नु हारून आस कली “गे निक्‍शीमी थम मरिम्‍शो पाइतीसी। ग्रुम्‍तीक ङा मुर नेल्‍ले का का पा, ग्रांग्रा मदिशो बाक्‍नीम। मिनु परमप्रभु यावे मेको आन दातेमी बाक्‍ब। गे मारदे इस कली परमप्रभु यावे आ मुर आन क्‍येङा ठेयब सेल्‍सीनीसी?” देंतेक्‍म।

गन्‍ती 5:3

मोदेंशो वोंइश मुर नु मीश मुर नेल्‍ल आन कली मुर आन बाक्‍तीके क्‍येङा ङोन वोइक्‍चा माल्‍नीनी। मेकोपुकीमी मुर आन बाक्‍तीके ग्रांग्रा दिशो सेल्‍चा मदुम्‍नीम। मारदे हना गो इन दातेमी बाक्‍शो बाक्‍नुङ” देंत। गन्‍ती १२:१४-१५; प्रस्‍थान २५:८

ब्‍यवस्‍था 21:23

मेको आ लास आ दीसा सुनी सम्‍म रवाम क्‍युक्‍शा, वोइक्‍चा मदुम्‍ब। मेको नाक्‍तीन मेको कली थिम्‍चा माल्‍नीनी। मारदे हना क्‍युक्‍शा साइश्‍शो मुर परमप्रभुम पशो सराप चीले बाक्‍ब। परमप्रभु यावे, इन परमप्रभुमी गेशो रागी कली ग्रांग्रा दिशो मसेलीन। यहोसु ८:१९; यहोसु १०:२७; यूहन्‍ना १९:३१; गलाती ३:१३

ब्‍यवस्‍था 21:8

मोपतीके परमप्रभु यावे इन श्‍येत रे प्रोंइशो इन मुर इस्राएली आंइ पाप क्‍याम्‍दीन। इन मुर इस्राएली आन दातेमी एको दोस मतशो मुर कली पोक्‍शो हुश ख्राक्‍श आ पाप गो आंइ दा‍तेमी मलील” दे पुंइचा माल्‍नीम। मिनु मेको हुश ख्राक्‍श पोक्‍तीके पाप क्‍याम्‍सीब।

ब्‍यवस्‍था 6:15

मारदे हना परमप्रभु यावे, इन परमप्रभु, रुश पाइब परमप्रभु इन दातेमी बाक्‍ब। मो पाइतीनी हना, परमप्रभु यावे, इन परमप्रभु इन पर्बम शुश गाइक्‍ब। मिनु मेकोमी इन कली रागी रे क्‍याम्‍ब। प्रस्‍थान २०:५

प्रकाश 21:27

मिनु जाम्‍शा लाइबपुकी, ग्रांग्रा दिचा ङा गेय पाइबपुकी नु जोल पाइबपुकी चहिं मेको सहरमी ओव़चा मताइनीम। पाठा आ ब्रोंइतीक किताबमी नें ब्रेक्‍शोपुकी ला ओव़चा ताइनीम।

प्रकाश 21:3

मिनु गो ठेयब नित्‍तीके रे ठेयब सेंदा का ग्रूशो नेंता। मेकोमी “कोव़ङीन, परमप्रभु यावे आ बाक्‍तीकेमी मुरपुकी यो बाक्‍नीम। परमप्रभु यावे मुरपुकी नु बाक्‍ब। मेकोपुकी परमप्रभु यावे आ मुर बाक्‍नीम। मिनु परमप्रभु यावे आ मुरपुकी नु बाक्‍ब। प्रस्‍थान २९:४३५; येरमीया ७:२३