गन्‍ती 35:25 - Sunuwar Bible

²⁵ मिनु मेको सहर ङा मुरपुकीम मेको मुर साइक्‍ब कली क्‍येक्‍क लेप्‍ब आ गुइ रे प्रोंइचा माल्‍नीम। मिनु नोले सहर ङा मुरपुकीमी मेको मुर साइक्‍ब ब्रोंइशा बाक्‍तीक सहर सोइक्‍चा माल्‍नीम। मिनु मेको मुर साइक्‍ब तेल लुक्‍शो ठेयब चढ़ेब मबेक्‍म सम्‍म मेकेर बाक्‍चा माल्‍ब। लेवी २१:१०

गन्‍ती 35:25 ပူးပေါင်းရင်းမြစ်များ

२ सामुएल 14:14

गो नेल्‍ल बेक्‍चा माल्‍नय। गो खपीम क्‍युप्‍शा हुइक्‍ने मचाप्‍चा ङा ब्‍वाक्‍कु खोदेंशो बाक्‍नय। तन्‍न परमप्रभुमी मुर कली मखेरब। मेकोमी आ ङोंइती चाक्‍चा कली मिम्‍ना मिम्‍न बाक्‍ब। इजीकीएल १८:२३

प्रस्‍थान 29:7

मिनु लुक्‍तीक तेल लाइश्‍शा आ पियामी तेल लुक्‍तो। प्रस्‍थान ३०:२५

लेवी 21:10

मिनु सु आंम लोक्‍ब आन दातेम ठेयब चढ़ेब दुम्‍शो बाक्‍मे, मिनु आ पियाम तेल लुक्‍शो बाक्‍मे नु ठेयब चढ़ेब आ वा फेक्‍चा कली तिल्‍शो बाक्‍मे, मेकोमी रोंका पशा, आ पिया ङा चां प्रेक्‍चा मदुम्‍ब नु आ वा खाक्‍चा मदुम्‍ब। लेवी ८:१२; प्रस्‍थान २८:४१; प्रस्‍थान २९:७; लेवी १०:६; लेवी २१:२

लेवी 4:3

मिनु तेल लुक्‍शो चढ़ेबमी पाप पा, मुर आन कली दोस ताइब सेल्‍तु हना, मेकोमी आ पशो पाप आ पर्बम मारेइ मदुम्‍शो थम रिम्‍शो ब्‍यफ का परमप्रभु यावे आ ङोंइती पाप पशो आ पर्बम चढ़ेचा माल्‍ब।

लेवी 8:12

मिनु मेकोमी हारून आ पियाम लुक्‍तीक तेल लुक्‍शा, मेको कली परमप्रभु यावे कली ला गेय पाइब सेल्‍तु।

गन्‍ती 35:24

मेको सहर ङा मुरपुकीम मेको मुर साइक्‍ब नु क्‍येक्‍क लेप्‍ब आस दातेमी निसाफ पचा माल्‍नीम।

गन्‍ती 35:26

तन्‍न मेको मुर साइक्‍ब मेको आ ब्रोंइशा बाक्‍तीक सहर रे ग्रूत हना,

गन्‍ती 35:28

मारदे हना मेको साइक्‍ब ठेयब चढ़ेब मबेक्‍म सम्‍म मेको ब्रोंइशा बाक्‍तीक सहरम बाक्‍चा माल्‍ब। तन्‍न ठेयब चढ़ेब बेक्‍म नोले ला मेको आ रू खिंम लेत्‍ने चाप्‍ब।

यहोसु 20:6

मिनु निसाफ दुम नोले नु मेकेर ङा नेल्‍ल क्‍येङा ठेयब चढ़ेब मबेक्‍म सम्‍म मेको मुर मेको सहरमीन बाक्‍चा माल्‍ब। नोले मेको मुर आंम सहर आंम खिंमी, ते रे प्रोक्‍शा जाक्‍मे, मेकेन लेन्‍ने चाप्‍ब।