गन्‍ती 35:15 - Sunuwar Bible

¹⁵ मेको ६ ओटा सहर इस्राएली, आन दातेम बाक्‍ब अर्को रागी ङा मुर नु लां गाक्‍ब मुर आन कली ब्रोंइशा बाक्‍तीक सहर दुम्‍ब। मोपा मतुइक्‍थु मुर साइक्‍ब मुर मेकेर प्रोक्‍शा लशा बाक्‍ने चाप्‍नीम।

गन्‍ती 35:15 ပူးပေါင်းရင်းမြစ်များ

२ सामुएल 14:14

गो नेल्‍ल बेक्‍चा माल्‍नय। गो खपीम क्‍युप्‍शा हुइक्‍ने मचाप्‍चा ङा ब्‍वाक्‍कु खोदेंशो बाक्‍नय। तन्‍न परमप्रभुमी मुर कली मखेरब। मेकोमी आ ङोंइती चाक्‍चा कली मिम्‍ना मिम्‍न बाक्‍ब। इजीकीएल १८:२३

प्रस्‍थान 12:49

मेको इन कली नु इन दातेम बाक्‍ब अर्को रागी ङा मुर आन कली अरेशो लोव़ का बाक्‍ब” दे परमप्रभुमी देंत। लेवी १९:३४; लेवी २४:२२

लेवी 24:22

आंम रागी ङा मुर नु अर्को रागी ङा मुर आन पर्बम खाल का ङा ऐन कानुन दुम्‍चा माल्‍ब। मारदे हना गो परमप्रभु यावे, इन परमप्रभु नङ’ दे शेंचा माल्‍नेवे” देंत। लेवी १९:३४; प्रस्‍थान १२:४९

लेवी 4:2

“गे इस्राएली आन कली ‘परमप्रभु यावेमी मपचा, दे शेंशो सुइ मुरुमी मतुइक्‍थु पाप पाप्‍तु हना,

गन्‍ती 15:16

गेपुकी नु गे नु बाक्‍शो अर्को रागी ङा मुर आन कली अरेशो लोव़ नु ठीक पतीक लोव़ खाल ङा बाक्‍चा माल्‍ब’ देंचा माल्‍नेवे” दे परमप्रभु यावेमी मोसा कली देंत।

गन्‍ती 35:11

गे ब्रोंइशा बाक्‍तीक सहर योव़चा माल्‍नीनी। मिनु मतुइक्‍थु, मुर साइक्‍तु हना, मेको मुर साइक्‍ब मुर मेकेर प्रोक्‍ने चाप्‍ब।

रोमी 3:29

परमप्रभु यावे यहूदी आन परमप्रभु यावे ला बाक्‍बा ङा? नेल्‍ल अर्को रागी ङा मुर आन परमप्रभु यावे बाक्‍ब। रोमी १०:१२

गलाती 3:28

मोपा रां का दुम्‍शो आन कली यहूदी नु ग्रीक, वाइल नु होव़प, मीश मुर नु वोंइश मुर मतिल्‍सीब। मेको ख्रीस्‍त येसुम नेल्‍ल खाल का ङा बाक्‍नीम। रोमी १०:१२; १कोरिन्‍थी १२:१३