गन्‍ती 33:55 - Sunuwar Bible

⁵⁵ तन्‍न गे मेको रागीम बाक्‍ब मुर आन कली इन ङोंइती रे मखेरतीनी हना, मेको लीशो मुर इन मिक्‍चीम कसीङगर नु इन कोव़खाम थोक्‍शो चू खोदेंशो दुम्‍नीम। मिनु गे ते बाक्‍तीनी हना यो, मेकोपुकीमी इन कली श्‍येत गेनीम। प्रस्‍थान २३:३१-३३; यहोसु २३:१२-१३

गन्‍ती 33:55 ပူးပေါင်းရင်းမြစ်များ

प्रस्‍थान 23:33

मेकोपुकीम इन कली पाप पपाइक्‍नीम। मोपतीके मेको आन कली इन रागीमी बाक्‍चा मगेने। गे मेको आन देवी देवता आन कली गेय पाइतीनी हना, आन ग्‍याइलीम रेत्‍चा पुंइसीनीनी” दे परमप्रभु यावेमी इस्राएली आन कली अरेवा बाक्‍त।

इजीकीएल 28:24

इस्राएल आ खिं ङा मुर नु मेको आन नेक्‍था ङा मुर आन दातेमी मुल श्‍येत गेब मुर मुल मबाक्‍नीम। मेकोपुकीम ‘गोन परमप्रभु, परमप्रभु यावे नङ’ दे तुइक्‍नीम” देंशो बाक्‍ब।

गन्‍ती 33:56

मिनु गो मेको आन कली मार पदुमी, दे मिम्‍शा बाक्‍ङा, मेको इन कली पाइनुङ’ दे माइक्‍मी” देंत।

२ कोरिन्‍थी 12:7

गो शुश कोंइतीके तशा, मेको आ पर्बम ठेयब लेश्‍शा, नें मबोरपदुल, दे सैतान आ चू आं रांम गेती। मेको आं कली श्‍येत गेचा कली नु आं ठेयब लेत्‍तीक तेक्‍चा कली बाक्‍ब।

ब्‍यवस्‍था 7:16

मिनु गे परमप्रभु यावे, इन परमप्रभुमी इन कली जिम्‍मा गेशो जात जात ङा मुर नेल्‍ल कली रीब पा साइक्‍नीनी। मिनु गे मेको आन कली शिशी मपने। मेको आन देवी देवता आन कली सेउ मपने। मारदे हना मो पाइतीनी हना, गे खतम दुम्‍नीनी। प्रस्‍थान २३:३३; प्रस्‍थान ३४:१२; यहोसु २३:१३

ब्‍यवस्‍था 7:4

मारदे हना मेकोपुकीमी इन तौ आन कली आंम देवी देवता गे कीनीम। परमप्रभु यावे कली गेय मपथु, देवी देवता आन नोले खोइक्‍पाइक्‍नीम। मो दुम्‍मेनु, परमप्रभु यावे शुश गाइश्‍‍शा, इन कली रीब पा साइक्‍ब।

यहोसु 23:7

गे इन दातेमी बाक्‍शो अर्को रागी ङा मुरपुकी नु मब्‍वांइसीन। मेको आन देवता आन नें मथिने। मेको आन नेंमी कसम मजने। मेको आन कली पूजा मपने। मिनु मेको आन ङोंइती बाप्‍शा सेउ मपने। प्रस्‍थान २३:१३-२४

न्‍यायाधीस 2:3

मोपतीके ‘इन ङोंइती रे मेको आन कली मखेरनुङ। मेकोपुकी इन कली चू खोदेंशो दुम्‍नीम। मिनु मेको आन देवी देवता इन कली ग्‍याइल खोदेंशो दुम्‍नीम’ देंनुङ” देंमाक्‍त।