गन्‍ती 33:3 - Sunuwar Bible

³ मेकोपुकी ङोंइती ङा महिना ङा १५ नाक्‍ती रामे‍सेस रे गाक्‍चा गोम्‍तेक्‍म। मिनु इजीप्‍ती नेल्‍ल आन ङोंइती काइ महिंथु पास्‍सा चाड आ दीसा नाक्‍ती गाक्‍चा गोम्‍तेक्‍म। प्रस्‍थान १:११; प्रस्‍थान १२:२,६; प्रस्‍थान ३:१९

गन्‍ती 33:3 ပူးပေါင်းရင်းမြစ်များ

उत्पत्ती 47:11

मिनु योसेफमी फाराओ आ दें‍शो खोदेंशो पा आ आफ नु आ लोक्‍ब आन कली इजीप्‍त रागीमी रू गेवा बाक्‍त। रागी ङा नेल्‍ल क्‍येङा रिम्‍शो बाक्‍तीके रामे‍सेस आ रागी गोशेनमी बाक्‍पाइक्‍मी बाक्‍त।

भजन संग्रह 105:38

मिनु इजीप्‍त रागी ङा मुरपुकी इस्राएलीपुकी ग्रूशा लमानु, शुश ग्‍येरसामा बाक्‍त। मारदे हना मेको आन कली तशा शुश हिंशो बाक्‍मा बाक्‍त।

प्रस्‍थान 1:11

मोपतीके मेकोपुकीमी इस्राएली आन कली श्‍येत गेशा, गेय पपाइक्‍चा कली कोव़ब ठेयब मुरपुकी वोदमे बाक्‍त। मिनु इस्राएलीपुकीमी फाराओ माइश्‍शो पिप आ मार मार वोइक्‍चा कली पिथोम नु रामे‍सेस सहर निक्‍शी सेल्‍मे बाक्‍त। उत्‍पत्ती १५:१३; उत्‍पत्ती ४७:११

प्रस्‍थान 12:2

“मुल जाक्‍शो महिना बर्स ङा ङोंइती ङा महिना दुम्‍चा माल्‍ब। प्रस्‍थान १३:४

प्रस्‍थान 12:37

मिनु इस्राएल ङा मुरपुकी रामे‍सेस सहर रे गाक्‍शा, सुक्‍कोथ सहर जाक्‍दीत्‍तेक्‍म। मेको आन मीश नु तमी तौ नेल्‍ल महिक्‍थु, वोंइश मुर ला ६ लाख बाक्‍तेक्‍म।

प्रस्‍थान 13:4

गे मुलाक्‍ती आबीब महिनामी ग्रूतीनी। प्रस्‍थान १२:२

प्रस्‍थान 14:8

मिनु परमप्रभु यावेमी इजीप्‍त रागी ङा फाराओ कली काइ मटीब दुम्‍पाइक्‍तीके इस्राएली आन कली खेदा पामे बाक्‍त। इस्राएली चहिं ठेयब सक्तिमी ग्रूशा गाक्‍तेक्‍म। प्रस्‍थान ३:१९-२०

यसैया 52:12

मारदे हना गे रीब पा लचा ममाल्‍नीनी। प्रोक्‍शा लचा यो ममाल्‍नीनी। मारदे हना परमप्रभु यावे इन ङोंइती गाक्‍ब। मिनु मेको इस्राएली आन परमप्रभुमी इन कली लां कोंइशा खुल्‍ब। प्रस्‍थान १२:११; ब्‍यवस्‍था १६:३; प्रस्‍थान १३:२१

मीका 2:13

लां कोंइब मेको आन ङोंइती गाक्‍ब। मेकोपुकी लाप्‍चो रे पा ग्रूशा गाक्‍नीम। मेको आन पिप मेको आन ङोंइती गाक्‍ब। परमप्रभु यावे मेको आन ङोंइङोंइती बाक्‍ब” देंत।

गन्‍ती 33:2

मिनु मोसामी परमप्रभु यावेमी देंशो खोदेंशो पा ते ते लचा माल्‍बा, नेल्‍ल ब्रेक्‍ताक्‍व। मिनु आन गाक्‍शो लां ङा रागी नु सहर तेको तेको बाक्‍तेक्‍म देंशा हना,