गन्‍ती 32:22 - Sunuwar Bible

²² मिनु मेको रागी परमप्रभु यावे आ ङोंइती ग्रानी नोले, गे लेन्‍ने चाप्‍नीनी। मिनु इन पुंइशो रागी परमप्रभु यावे आ ङोंइती इन के दुम्‍ब।

गन्‍ती 32:22 ပူးပေါင်းရင်းမြစ်များ

२ सामुएल 3:28

मिनु नोले दाऊदम मेको लोव़ नेंशा “गो नु आं राज्‍य परमप्रभु यावे आ ङोंइती गेनायो नेर आ तौ आब्‍नेर साइश्‍शो आ पर्बम दोस मताइब दुम्‍नीकी।

भजन संग्रह 78:55

रागी रागी ङा मुर आन कली मेको आन ङोंइती रे खेरतु। मिनु इस्राएली आन कली मेको रागी योक्‍शा, गेम्‍तीमी। मिनु इस्राएल आ थर थर ङा मुर आन कली आन ताम्‍बुमी बाक्‍चा गेम्‍तीमी।

लेवी 14:34

“मुल गो इन कली गेशो कनान रागीम जाक्‍दीश्‍शा बाक्‍नीनु, इन आंम के सेल्‍नी नोले, गो मेको रागी ङा तेकोइ खिंम बुंखी ङाइक्‍पाइक्‍ता हना,

गन्‍ती 32:21

नु परमप्रभु यावेमी आ जोरी सत्रु आन कली खेरशा मेको रागी मफ्रुवा सम्‍म गेपुकी परमप्रभु यावे आ ङोंइती लडाइ पा यर्दन आइक्‍ची हांबु लाइतीनी हना,

ब्‍यवस्‍था 3:20

परमप्रभु यावेमी इन कली खोदेंशो पा इन लोक्‍ब आन कली मनाइक्‍पदा सम्‍म मोदेंशो दुम्‍चा माल्‍ब। मिनु परमप्रभु यावे, इन परमप्रभुमी यर्दन आइक्‍ची हांबु मेको आन कली गेशो रागी आंम के मसेल्‍मे सम्‍म गेपुकीमी मो पचा माल्‍नीनी। मिनु नोले गोम इन कली गेशो रागी लेश्‍शा, जाक्‍ने चाप्‍नीनी’ दे माइक्‍मी” देंत।

यहोसु 1:15

मिनु परमप्रभु यावेमी इन लोक्‍ब आन कली, इन कली खोदेंशो पा नाइक्‍चा मगेवा सम्‍म, मेको रागी आंम के मसेल्‍मे सम्‍म नु परमप्रभु यावे, इन परमप्रभुमी मेको आन कली गेचा चिक्‍शो रागी मग्रामा सम्‍म मेको आन कली वारच पचा माल्‍नीनी। मिनु नोले परमप्रभु यावे आ गेय पाइब मोसामी यर्दन आ पूर्ब गे इन कली गेशो रागीमी लेश्‍शा, बाक्‍ने चाप्‍नीनी” देंत।

यहोसु 10:30

मिनु परमप्रभु यावेमी मेक ङा मुर नु पिप कली यो यहोसु नु इस्राएली आन गुइमी गेप्‍तु। मेकोपुकीमी लिब्‍ना ङा मुर नेल्‍ल आन कली तरवारमी साइक्‍तेक्‍म। सुइ कली यो मप्रोनेम। यरीको ङा पिप कली पशो खोदेंशो मेकेर ङा पिप कली यो पाम्‍तेक्‍म।

यहोसु 10:42

मिनु यहोसुमी मेको आन पिप आन कली नु आन रागी नेल्‍ल कली कालेम ग्रात। मारदे हना परमप्रभु यावे, इस्राएली आन परमप्रभुमी इस्राएली आन पा ङा लडाइ पाप्‍तु।

यहोसु 11:23

परमप्रभु यावेमी मोसा कली देंशो खोदेंशो पा यहोसुमी रागी नेल्‍ल ग्राशा, आंम के सेल्‍तु। मिनु यहोसुमी इस्राएली आन थर थर ङा मुर आन कली कोव़शा, रागी रागी योक्‍शा गेप्‍तु। मिनु नोले रागी लडाइ रे नांइसाक्‍म। यहोसु १४:१५

यहोसु 13:8

मिनु ङोंइती परमप्रभु यावे आ गेय पाइब मोसामी मनस्‍से आ उइक्‍थ थर, रूबेन आ थर नु गाद आ थर आन कली यर्दन आइक्‍ची हांबु पूर्बमी आन रागी गेने थुम्‍शो बाक्‍त। यहोसु १३:१५-३२

यहोसु 18:1

मिनु इस्राएल ङा मुर नेल्‍ल शिलोमी बुक्‍तेक्‍म। मेकेर ग्रुम्‍तीक ताम्‍बु की‍तेक्‍म। मेना मेको रागी मेको आन रागी दुम्‍शो बाक्‍त। न्‍यायाधीस २१:१९; १सामुएल १:३; येरमीया ७:१२-१५

यहोसु 2:19

मेना सु इन खिं रे लांम ग्रूबा, मेको साइक्‍चा पुंइसीब। मिनु आंइ कली मारेइ यो दोस मदुम्‍ब। सु चहिं इ खिंम बाक्‍शा यो, साइक्‍चा पुंइसीबा, मेको आ दोस आंइ तारी दुम्‍ल।

यहोसु 22:4

मुल परमप्रभु यावे, इन परमप्रभुमी आ देंशो खोदेंशो पा इन लोक्‍ब आन कली नाइक्‍चा गेशो बाक्‍त। मुल गेपुकी परमप्रभु यावे आ गेय पाइब मोसामी इन कली यर्दन आइक्‍ची हांबु गेशो इन खिं खिं लेतीन। हिब्रू ४:८

यहोसु 22:9

मोपा रूबेन आ थर, गाद आ थर नु मनस्‍से आ उइक्‍थ थर ङा वोंइश मुर कनान रागी ङा शिलो रे इस्राएलीपुकी नु ब्राशा, गिलाद रागी लेत्‍तेक्‍म। मेको रागी परमप्रभु यावे आ देंशो नु मोसा आ पतीकेमी ङोंइती रे ग्राशा, आंम के सेल्‍शा बाक्‍ने थुम्‍शो बाक्‍तेक्‍म।