गन्‍ती 31:28 - Sunuwar Bible

²⁸ लडाइम लाइब मुर आन भाग रे मुर, बी ब्‍यफ, गधा नु क्‍यारश भेडा ५ सहे रे का परमप्रभु यावे कली गेचा माल्‍नीनी।

गन्‍ती 31:28 ပူးပေါင်းရင်းမြစ်များ

उत्पत्ती 14:20

मिनु नेल्‍ल क्‍येङा ठेयब परमप्रभु मान ताइब बाक्‍ब। मारदे हना इ जोरी सत्रु इ गुइमी गेशा, इ कली ग्रापाइक्‍तु” दे ठेयब सेला बाक्‍त। मिनु अब्राममी नेल्‍ल थोव़क १० भाग ङा भाग का मेल्‍कीसेदेक कली गेवा बाक्‍त। उत्‍पत्ती २८:२२; लेवी २७:३०-३२

१ इतिहास 18:11

मिनु दाऊद पिपम मेको आ चाक्‍शो सुन नु चांदी के ग्‍योंब नेल्‍ल परमप्रभु यावे कली चढ़ेवा बाक्‍त। मेकोमी अर्को जात नेल्‍ल एदोम, मोआब, अम्‍मोनी, पलिस्‍ती नु अमालेकी रे चाक्‍शो सुन चांदी यो चढ़ेवा बाक्‍त।

२ इतिहास 15:11

मिनु मेको नाक्‍ती मेकोपुकीमी लडाइम रोइश्‍शा चाक्‍शो ७ सहे ब्‍यफ नु ७ हजार क्‍यारश भेडा चढ़ेमे बाक्‍त।

यसैया 18:7

मेना लाइश्‍शो नु दारशो मुरपुकीमी मुर नेल्‍ल आन परमप्रभु यावे कली मार मार चाक्‍नीम। मिनु मेको आन कली तशा ङोन नु नेक्‍था ङा मुरपुकी हिंनीम। मेकोपुकी सक्ति पाइश्‍शो नु ग्राब रागी ङा मुर बाक्‍नीम। मेको आन रागी खोलाम चेश्‍शो बाक्‍ब। मेको आन मार मार मुर नेल्‍ल आन परमप्रभु यावे आ बाक्‍तीके सियोन डांडाम चाक्‍नीम। भजन संग्रह ६८:३०-३२; प्रेरित ८:२७

यसैया 23:18

मिनु आ तेल्‍लेम पा चेम्‍शो क्‍येट परमप्रभु यावे के दुम्‍ब। मेको क्‍येट महेंनीम। आ चेम्‍शो क्‍येट परमप्रभु यावे आ ङोंइती बाक्‍ब। मेको क्‍येट मुर आन कली जचा फेक्‍चा कली गेनीम।

यसैया 60:9

समुन्‍द्र आ नेक्‍था ङा मुरपुकीम आं लां कोव़नीम। ङोंइती टारसीस ङा जहाजम इ आल आन कली ङोन रागी रे चाक्‍नीम। मेको आन सुन चांदी यो मेकोपुकी नु बाक्‍ब। मेको परमप्रभु यावे, इ परमप्रभु आ नेंमी जाक्‍नीम। इस्राएली आन का ला बाक्‍शो परमप्रभु आ पर्बम चाक्‍ब। मारदे हना मेकोमी इन कली दारशो सेल्‍शो बाक्‍ब। यसैया ४२:४; यसैया ५५:५

गन्‍ती 18:21

गो लेवी आ मुर आन कली ग्रुम्‍तीक ताम्‍बुमी गेय पचा कली इस्राएली नेल्‍ल आन १० भाग ङा भाग का गेतामी। लेवी २७:३०

गन्‍ती 18:26

“गे लेवी आन कली ‘परमप्रभु यावेमी इन कली मुर आन गुइ रे इन भाग दुम्‍चा कली गेशो, इस्राएली आ १० भाग ङा भाग का ताक्‍नीनु, गेपुकीम मेको रे यो परमप्रभु यावे कली १० भाग ङा भाग का तिल्‍शा, गेचा माल्‍नीनी।

गन्‍ती 31:29

मेको लडाइ पाइब आन भाग रे ताक्‍शा, चढ़ेब एलाजरमी परमप्रभु यावे कली चढ़ेचा माल्‍ब।

गन्‍ती 31:30

मिनु इस्राएली आन भाग रे मुर, बी ब्‍यफ, गधा नु क्‍यारश भेडा ५० रे का ताक्‍शा, परमप्रभु यावे आ ताम्‍बुम गेय पाइब लेवी आ थर ङा मुर आन कली गेचा माल्‍नीनी’ देनो” देंत।

गन्‍ती 31:47

परमप्रभु यावेमी अरेशो खोदेंशो पा मोसामी इस्राएली आन भाग रे मुर नु बी ब्‍यफ, क्‍यारश भेडा हिक्‍शा, ५०, ५० रे का का ग्रुंइशा परमप्रभु यावे आ बाक्‍तीकेमी गेय पाइब लेवी आ थर ङा मुर आन कली गेप्‍तु।

मत्ती 22:21

“सिजर आ नेंमी ख्रोइश्‍शो बाक्‍त, हजुर” देंतेक्‍म। मिनु येसुमी “लो मो हना, सिजर आ थोव़क सिजर कली गेने। परमप्रभु यावे आ थोव़क परमप्रभु यावे कली गेने” देंमेनु, रोमी १३:१,७

यहोसु 6:19

सुन चांदी, कांसा नु फलाम के सेल्‍शो थोव़क नेल्‍ल परमप्रभु यावे केन बाक्‍नीम। मेको परमप्रभु यावे आ शोंप वोइक्‍तीकेमी वोइक्‍चा माल्‍नीम” देंत।

यहोसु 6:24

मिनु मी सुइश्‍शा, मेको सहर नु आगा ङा थोव़क नेल्‍ल क्रोइक्‍तेक्‍म। सुन चांदी, कांसा नु फलाम के सेल्‍शो थोव़कपुकी ला परमप्रभु यावे आ खिं ङा शोंप वोइक्‍तीकेमी वोइक्‍तेक्‍म।

यहोसु 9:27

मिनु मेको नाक्‍त रे यहोसुमी मेको आन कली इस्राएली नेल्‍ल नु परमप्रभु यावे आ चढ़ेतीक कली शी चेप्‍ब नु ब्‍वाक्‍कु क्‍याक्‍ब सेल्‍तु। मेकोपुकीम मुल सम्‍म मोदेंशो पाइनीमी। ब्‍यवस्‍था २९:१०; १इतिहास २१:२९; २इतिहास १:३